ಕಾಂಗ್ರೆಸಿಗರಿಂದ ಕಾನೂನು ಕಿರುಕುಳ; ಬಿಜೆಪಿ ಕಾರ್ಯಕರ್ತರಿಗಾಗಿ ಹೆಲ್ಪ್​ಲೈನ್​: ಸಂಸದ ತೇಜಸ್ವಿ ಸೂರ್ಯ

ಬೆಂಗಳೂರು: ಕಾಂಗ್ರೆಸ್​ನವರು ಬಿಜೆಪಿ ಕಾರ್ಯಕರ್ತರ ವಿರುದ್ಧ ಹಾಕುವ ಕೇಸ್​ಗಳನ್ನು ಎದುರಿಸಲು ಕಾನೂನು ಹೆಲ್ಪ್​ಲೈನ್​ ಜಾರಿಗೆ ಬರಲಿದೆ ಎಂದು ಸಂಸದ ತೇಜಸ್ವಿ ಸೂರ್ಯ ಹೇಳಿದ್ದಾರೆ. ರಾಜ್ಯದ ವಿವಿಧ ಭಾಗದ ವಕೀಲರನ್ನು ಒಳಗೊಂಡಂತೆ ಇಂದು ಬಿಜೆಪಿ ಕಚೇರಿಯಲ್ಲಿ ನಡೆದ ಕಾನೂನು ಪ್ರಕೋಷ್ಠ ಸಭೆ ಬಳಿಕ ಅವರು ಈ ವಿಷಯ ತಿಳಿಸಿದರು.

ಕಾಂಗ್ರೆಸ್ ಪಕ್ಷದ ಮುಖಂಡರರು ನಮ್ಮ ಕಾರ್ಯಕರ್ತರಿಗೆ ಧಮ್ಕಿ ಹಾಕುತ್ತಿದ್ದಾರೆ. ಬಿಜೆಪಿ ಕಾರ್ಯಕರ್ತರಿಗೆ ಕಿರುಕುಳ ಕೊಡುತ್ತಿರುವುದು ನಮ್ಮ ಗಮನಕ್ಕೆ ಬಂದಿದೆ. ಈ ಹಿಂದೆಯೂ ಸಿದ್ದರಾಮಯ್ಯ ಅವಧಿಯಲ್ಲಿ ಹೀಗೆ ಮಾಡಿದ್ದರು. ಸುಮ್​ಸುಮ್ನೆ ರೌಡಿ ಶೀಟರ್ ಕೇಸ್ ಹಾಕಿಸಿದ್ದರು ಎನ್ನುವ ಮೂಲಕ ಕಾನೂನು ಹೆಲ್ಪ್​​ಲೈನ್​ ಅಗತ್ಯದ ಕುರಿತು ತೇಜಸ್ವಿ ಸೂರ್ಯ ವಿವರಿಸಿದರು.

ಇದನ್ನೂ ಓದಿ: ವೀರ ಸಾವರ್ಕರ್ ಹೆಸರಿನ ಕಾರ್ಯಕ್ರಮಕ್ಕೆ ಸರ್ಕಾರದಿಂದ ತಡೆ?; ಕೊನೆಗೂ…

ಹಿಂದೂ ಪರವಾಗಿ ಸೋಷಿಯಲ್ ಮೀಡಿಯಾ ಪೋಸ್ಟ್ ಮಾಡುವವರ ಮೇಲೆ ಕೇಸ್ ಹಾಕಿಸುತ್ತಿದ್ದಾರೆ. ಈ ಮೊದಲೂ ಕೇಸ್​​ಗಳನ್ನು ಹಾಕಿದ್ದರು. ಆದ್ದರಿಂದ ಕಾಂಗ್ರೆಸ್ ಪಕ್ಷದ ಕಾನೂನಿನ ದೌರ್ಜನ್ಯವನ್ನು ಎದುರಿಸಲು ನಾವು ಸಿದ್ಧತೆ ಮಾಡಿಕೊಂಡಿದ್ದೇವೆ. ಮುಂದೆ ನಮ್ಮ ಕಾರ್ಯಕರ್ತರ ಸಹಾಯಕ್ಕೆಂದೇ ಕಾನೂನು ಹೆಲ್ಪ್​ಲೈನ್​ ಆರಂಭಿಸಲಾಗುವುದು ಎಂದರು.

ದಿನದ 24 ಗಂಟೆಯೂ ಕೆಲಸ ಮಾಡಲಿರುವ ಈ ಹೆಲ್ಪ್​​ಲೈನ್​ಗೆ ಕಾರ್ಯಕರ್ತರು ರಾಜ್ಯದ ಯಾವ ಭಾಗದಿಂದ ಬೇಕಿದ್ದರೂ ಫೋನ್ ಮಾಡಬಹುದು. ರಾಜ್ಯದಲ್ಲಿ ವಕೀಲರ ಮೂರು ತಂಡಗಳು ಇದರಲ್ಲಿ ತೊಡಗಿಸಿಕೊಳ್ಳಲಿವೆ. ಬೆಂಗಳೂರು, ಧಾರವಾಡ ಮತ್ತು ಕಲಬುರಗಿಯಲ್ಲಿ ಈ ವಕೀಲರ ತಂಡಗಳು ಕೆಲಸ ಮಾಡಲಿವೆ ಎಂದು ಸಂಸದರು ತಿಳಿಸಿದರು.

https://www.vijayavani.net/bus-driver-died-by-heart-attack-while-driving-the-bus

https://www.vijayavani.net/politeness-is-the-minimum-thing-public-expects-from-policemen-adgp-alok-kumar