ಇನ್​ಸ್ಟಾಗ್ರಾಮ್​​ಗೆ ನಯನತಾರಾ ಎಂಟ್ರಿ.. ಲೇಡಿ ಸೂಪರ್ ಸ್ಟಾರ್ ಫಾಲೋ ಮಾಡುತ್ತಿರುವ ಏಕೈಕ ಹೀರೋ ಯಾರು ಗೊತ್ತಾ?

ಚೆನ್ನೈ: ಲೇಡಿ ಸೂಪರ್‌ಸ್ಟಾರ್ ನಯನತಾರಾ ಇಂದು ಬೆಳಗ್ಗೆ ಇನ್​ಸ್ಟಾಗ್ರಾಮ್​​ಗೆ ದಿಢೀರ್ ಎಂಟ್ರಿ ಕೊಟ್ಟಿದ್ದಾರೆ. ಸೋಶಿಯಲ್​​ ಮೀಡಿಯಾದಿಂದ ದೂರ ಉಳಿದಿದ್ದ ನಟಿ ಇದೀಗ ಆಕ್ಟೀವ್​​ ಆಗುವುದರ ಜತೆಗೆ ಒಬ್ಬ ಸ್ಟಾರ್​​ ಹಿರೋನನ್ನು ಫಾಲೋ ಮಾಡುತ್ತಿದ್ದಾರೆ.

ನಯನತಾರಾ ಅವರು ತಮ್ಮ ಖಾತೆಗೆ 'ಪ್ರೀತಿ, ಶಕ್ತಿ, ಶಾಂತಿ' ಎಂದು ಶೀರ್ಷಿಕೆ ನೀಡಿದ್ದಾರೆ. ಯನತಾರಾ ಇನ್​ಸ್ಟಾ ಮೊದಲ ಪೋಸ್ಟ್​​ನಲ್ಲಿ ತನ್ನ ಅವಳಿ ಮಕ್ಕಳೊಂದಿಗಿನ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ನಯನತಾರಾ ಜತೆಗೆ ಟ್ವಿನ್ಸ್ ಸನ್ ಗ್ಲಾಸ್ ಹಾಕಿಕೊಂಡು ಸ್ಟೈಲಿಶ್ ಲುಕ್ ನಲ್ಲಿ ಕಾಣಿಸಿಕೊಂಡಿದ್ದರು. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.

ನಯನತಾರಾ ಇನ್‌ಸ್ಟಾಗ್ರಾಮ್​​ ಖಾತೆ ತೆರೆದ ಒಂದು ಗಂಟೆಯೊಳಗೆ ನಲವತ್ತು ಸಾವಿರಕ್ಕೂ ಹೆಚ್ಚು ಫಾಲೋವರ್ಸ್‌ ಹೊಂದಿದ್ದಾರೆ. ನಯನತಾರಾ ಇನ್‌ಸ್ಟಾಗ್ರಾಮ್‌ನಲ್ಲಿ ಕೇವಲ ಐದು ಜನರನ್ನು ಮಾತ್ರ ಅನುಸರಿಸುತ್ತಿದ್ದಾರೆ. ನಯನತಾರಾ ತಮ್ಮ ಪತಿ ವಿಘ್ನೇಶ್ ಶಿವನ್, ಬಾಲಿವುಡ್ ಬಾದ್ ಶಾ ಶಾರುಖ್ ಖಾನ್, ಸಂಗೀತ ನಿರ್ದೇಶಕ ವಿಘ್ನೇಶ್ ಶಿವನ್ ಮತ್ತು ಅಮೆರಿಕದ ಮಾಜಿ ಅಧ್ಯಕ್ಷ ಒಬಾಮಾ ಅವರ ಪತ್ನಿ ಮಿಚೆಲ್ ಒಬಾಮಾ ಅವರ Instagram ಖಾತೆಗಳನ್ನು ಅನುಸರಿಸುತ್ತಿದ್ದಾರೆ. ಇನ್‌ಸ್ಟಾಗ್ರಾಮ್‌ನಲ್ಲಿ ನಯನತಾರಾ  ಫಾಲೋ ಮಾಡುವ ಏಕೈಕ ನಾಯಕ ಶಾರುಖ್ ಖಾನ್ ಎಂಬುದು ಗಮನಾರ್ಹ.

ಕೇವಲ ಐದು ಮಂದಿಯನ್ನೇ ಫಾಲೋ ಮಾಡುತ್ತಿರುವ ನಯನತಾರಾ, ಶಾರುಖ್ ಜೊತೆ ನಟಿಸುತ್ತಿರುವ ನಯನ ಟ್ರೈಲರ್ ಬಿಡುಗಡೆಯಾಗಿದೆ. ಇದರೊಂದಿಗೆ, ಹಿಂದಿ ಮತ್ತು ತಮಿಳು ಟ್ರೇಲರ್‌ಗಳನ್ನು ತಕ್ಷಣ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಳ್ಳಲಾಗಿದೆ. ಬಾಲಿವುಡ್ ಬಾದ್‌ಶಾ ನಟಿಸಿರುವ ನಯನ ಚಿತ್ರ ಜವಾನ್ ಸೆಪ್ಟೆಂಬರ್ 7 ರಂದು ಬಿಡುಗಡೆಯಾಗಲಿದೆ.

https://www.vijayavani.net/pakistan-lion-walking-down-on-karachis-video-viral