ಮಗಳ ಮೃತದೇಹದ ಜತೆಗೆ ಐದು ದಿನಗಳನ್ನು ಕಳೆದ ತಾಯಿ!

ಕೋಲ್ಕತ: ವ್ಯಕ್ತಿಯ ಮೃತದೇಹದೊಂದಿಗೆ ರಕ್ತಸಂಬಂಧಿ ದಿನ ಕಳೆದ ಪ್ರಕರಣಗಳು ಅಪರೂಪಕ್ಕೊಮ್ಮೆ ಕಂಡುಬರುತ್ತಿದ್ದು, ಇದೀಗ ಅಂಥದ್ದೇ ಇನ್ನೊಂದು ಪ್ರಕರಣ ಬೆಳಕಿಗೆ ಬಂದಿದೆ. ಇಲ್ಲಿ ಮಗಳ ಶವದೊಂದಿಗೆ ತಾಯಿ ಐದು ದಿನಗಳನ್ನು ಕಳೆದಿದ್ದಾರೆ.

ಕೋಲ್ಕತದ ರಾಣಿಕುತಿ ಎಂಬಲ್ಲಿನ ಮನೆಯೊಂದರಲ್ಲಿ ಈ ಘಟನೆ ನಡೆದಿದೆ. ತಾಯಿ ದೀಪಾಲಿ ಬಸು ತನ್ನ 32 ವರ್ಷದ ಮಗಳು ದೋಯೆಲ್ ಬಸುವಿನ ಶವದ ಜೊತೆ ಐದು ದಿನಗಳನ್ನು ಕಳೆದಿದ್ದಾರೆ. ತಾಯಿಯನ್ನು ವಶಕ್ಕೆ ಪಡೆದಿರುವ ಪೊಲೀಸರು ಆಕೆಯ ವೈದ್ಯಕೀಯ ತಪಾಸಣೆಗೆ ಕರೆದೊಯ್ದಿದ್ದಾರೆ.

ಇದನ್ನೂ ಓದಿ: ಒಬ್ಬರು ಅಥವಾ ಇಬ್ಬರು ಮಕ್ಕಳಿರುವ ದಂಪತಿಗೆ ಭರ್ಜರಿ ಆಫರ್​: ಮೂರನೇ ಮಗುವಿಗೆ ಜನ್ಮನೀಡಿದರೆ 50 ಸಾವಿರ ರೂಪಾಯಿ!

ತಾಯಿ-ಮಗಳು ವಾಸವಿದ್ದ ಮನೆಯನ್ನೂ ವಶಕ್ಕೆ ಪಡೆದಿರುವ ಪೊಲೀಸರು, ಮಗಳ ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಿಕೊಟ್ಟಿದ್ದಾರೆ. ತಾಯಿ-ಮಗಳು ಇಬ್ಬರೂ 2006ರಿಂದ ಈ ಮನೆಯಲ್ಲಿ ವಾಸವಿದ್ದು, ಅಕ್ಕಪಕ್ಕದವರ ಜತೆ ಅಂಥ ಒಡನಾಟ ಹೊಂದಿಲ್ಲ. ಈ ಮನೆಗೆ ಸಾಮಾನ್ಯವಾಗಿ ಆಹಾರ ಪಾರ್ಸೆಲ್ ಬರುತ್ತಿತ್ತು ಎಂದು ಸ್ಥಳೀಯರು ಪೊಲೀಸರಿಗೆ ತಿಳಿಸಿದ್ದಾರೆ.

ಇದನ್ನೂ ಓದಿ: ಹವಾಮಾನ ಮುನ್ಸೂಚನೆ: ಈ ಜಿಲ್ಲೆಗಳಲ್ಲಿ ಐದು ದಿನ ಗುಡುಗು ಮಿಂಚು ಸಹಿತ ಮಳೆ

ಐದು ದಿನಗಳಿಂದ ತಾಯಿ ಮಾತ್ರ ಹೊರಗೆ ಕಾಣಿಸುತ್ತಿದ್ದು, ಮಗಳ ಬಗ್ಗೆ ವಿಚಾರಿಸಿದಾಗೆಲ್ಲ ಒಂದೋ ಅವಳು ಮಲಗಿದ್ದಾಳೆ ಇಲ್ಲವೇ ವಿಶ್ರಾಂತಿಯಲ್ಲಿದ್ದಾಳೆ ಎಂದು ಹೇಳುತ್ತಿದ್ದರು. ಆದರೆ ಸೋಮವಾರ ಮಧ್ಯಾಹ್ನ ಬಂದಿದ್ದ ಡೆಲಿವರಿ ಬಾಯ್​ ಮನೆಯಲ್ಲಿನ ವಾಸನೆಯನ್ನು ಗಮನಿಸಿ ಸ್ಥಳೀಯರಿಗೆ ತಿಳಿಸಿದ್ದು, ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದರು.

ಇದನ್ನೂ ಓದಿ: ನನಗೆ ಯಾವುದೇ ಅಧಿಕಾರದ ಆಸೆ ಇಲ್ಲ: ಕಾಂಗ್ರೆಸ್ ಸಮಾವೇಶದಲ್ಲಿ ಜಗದೀಶ ಶೆಟ್ಟರ್

ಇದು ಸಹಜ ಸಾವೇ, ಆತ್ಮಹತ್ಯೆಯೇ ಅಥವಾ ಕೊಲೆಯೇ ಎಂಬ ನಿಟ್ಟಿನಲ್ಲಿ ಪೊಲೀಸರು ತನಿಖೆ ಆರಂಭಿಸಿದ್ದು, ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಮರಣೋತ್ತರ ಪರೀಕ್ಷೆಯ ವರದಿಗೆ ಕಾಯುತ್ತಿದ್ದು, ಅದು ಸಿಕ್ಕ ಬಳಿಕ ತನಿಖೆಗೆ ಮಹತ್ವದ ಸುಳಿವು ಸಿಗಲಿದೆ ಎನ್ನಲಾಗಿದೆ.

https://www.vijayavani.net/those-who-made-me-to-cry-should-shed-tears-then-only-my-soul-get-peace-hd-devegowda/

https://www.vijayavani.net/another-evidence-of-40-commission-corruption-has-been-found/