87 ಗಂಟೆಯಲ್ಲಿ ಏಳು ಖಂಡದ 208 ದೇಶ ಸುತ್ತಾಡಿದ ಯುವತಿ; ಎಲ್ಲವೂ ನನ್ನ ದೇಶಕ್ಕಾಗಿ ಎಂದ ಸಾಧಕಿ

ದುಬೈ: ಎಲ್ಲಾದರೂ ಪ್ರವಾಸಕ್ಕೆ ಹೋಗಿ ಬಂದರೆ ಅದೆಷ್ಟು ಸುಸ್ತಾಗಿ ಬಿಡುತ್ತೇವಲ್ಲವೇ? 1000 ಕಿ.ಮೀ ಪ್ರಯಾಣ ಮಾಡಿದರೆ, ಅದರ ಸುಸ್ತನ್ನು ಸುಧಾರಿಸಿಕೊಳ್ಳೋದಕ್ಕೆ ಕನಿಷ್ಟ 2-3 ದಿನ ಬೇಕು. ಆದರೆ ಈ ಯುವತಿ ಹಾಗಲ್ಲ. ಈ ಯುವತಿ ಮೂರು ದಿನದಲ್ಲಿ ಸುತ್ತಿದ್ದು ಬರೋಬ್ಬರಿ ಏಳು ಖಂಡಗಳನ್ನು! 208 ದೇಶಗಳ ನೀರು ಕುಡಿದು ಬಂದ ಈ ಯುವತಿಗೆ ಇದೀಗ ಗಿನ್ನೆಸ್​ ರೆಕಾರ್ಡ್​ ಕೂಡ ಸಿಕ್ಕಿದೆ.

ಇದನ್ನೂ ಓದಿ: ಮರಾಠ ಅಭಿವೃದ್ಧಿ ಪ್ರಾಧಿಕಾರ ರಚನೆಗೆ ಚಳ್ಳಕೆರೆಯಲ್ಲಿ ಕರವೇ ವಿರೋಧ

ಅರಬ್​ ಸಂಯುಕ್ತ ಸಂಸ್ಥಾನ (ಯುಎಇ)ದ ಖಾವ್ಲಾ ಅಲ್​ರೊಮೈತಿ ಈ ಸಾಧನೆ ಮಾಡಿರುವ ಯುವತಿ. ಆಕೆಯ ದೇಶದಲ್ಲಿ ಸುಮಾರು 200 ದೇಶಗಳ ಜನರು ವಲಸಿಗರಾಗಿ ವಾಸಿಸುತ್ತಿದ್ದಾರೆ. ಅವರನ್ನೆಲ್ಲ ನೋಡಿದಾಗ ಆಕೆಗೆ ತಾನೂ ಅವರ ದೇಶಗಳಿಗೆ ಹೋಗಿ ಬರಬೇಕು ಎನ್ನುವ ಆಸೆ ಮೂಡುತ್ತಿತ್ತಂತೆ. ಆ ಆಸೆಗೆ ಮನೆಯವರ ಉತ್ತೇಜನವೂ ಸಿಕ್ಕ ಹಿನ್ನೆಲೆಯಲ್ಲಿ ಈ ವರ್ಷದ ಫೆಬ್ರವರಿಯಲ್ಲಿ ದೊಡ್ಡದೊಂದು ಸಾಧನೆಗೆ ಕೈ ಹಾಕಿದ್ದಾಳೆ.

3 ದಿನ, 14 ಗಂಟೆ, 46 ನಿಮಿಷ ಮತ್ತು 48 ಸೆಕೆಂಡುಗಳಲ್ಲಿ ಖಾವ್ಲಾ ಎಳು ಖಂಡಗಳನ್ನು ಸುತ್ತಿದ್ದಾಳೆ. ಆಕೆಯ ಪ್ರಯಾಣ ಫೆಬ್ರವರಿ 13ರಂದು ಸಿಡ್ನಿಯಲ್ಲಿ ಅಂತ್ಯವಾಗಿದೆ. ಈವರೆಗೆ ಅತಿ ಕಡಿಮೆ ಸಮಯದಲ್ಲಿ ಏಳು ಖಂಡಗಳನ್ನು ಸುತ್ತಿರುವವರಲ್ಲಿ ಖಾವ್ಲಾ ಮೊದಲನೇ ಸ್ಥಾನಕ್ಕೇರಿದ್ದಾರೆ. ಅದೇ ಕಾರಣಕ್ಕೆ ಗಿನ್ನೆಸ್​ ರೆಕಾರ್ಡ್​ ಕೂಡ ಈಕೆಯದ್ದಾಗಿದೆ.

ಇದನ್ನೂ ಓದಿ: ಅಮಿತಾಬ್​ ಚಿತ್ರಕ್ಕೆ ಅಜಯ್​ ದೇವ್​ಗನ್ ಆ್ಯಕ್ಷನ್​ ಕಟ್​; ರಾಕುಲ್​ ಪ್ರೀತ್​ ನಾಯಕಿ

ಈ ರೀತಿ ಸತತ ಪ್ರಯಾಣ ಅಷ್ಟೇನು ಸುಲಭವಾಗಿರಲಿಲ್ಲ ಎನ್ನುತ್ತಾರೆ ಖಾವ್ಲಾ. ಒಂದು ವಿಮಾನವಿಳಿದು ಮತ್ತೊಂದನ್ನು ಹತ್ತಬೇಕಿತ್ತು. ಗಂಟೆಗಳ ಕಾಲ ವಿಮಾನದಲ್ಲೇ ಕೂರಬೇಕಿತ್ತು. ಆದರೆ ಅದೆಲ್ಲವೂ ನನ್ನ ಕುಟುಂಬದಿಂದಲೇ ಸಾಧ್ಯವಾಗಿದೆ. ಅವರು ನೀಡಿದ ಪ್ರೋತ್ಸಾಹದಿಂದಲೇ ನಾನು ಈ ಸಾಧನೆ ಮಾಡಲು ಸಾಧ್ಯವಾಗಿದೆ. ನನಗೆ ಗಿನ್ನೆಸ್​ ರೆಕಾರ್ಡ್​ ಬಂದಿರುವ ಸಂಪೂರ್ಣ ಕ್ರೆಡಿಟ್​ ಅನ್ನು ನನ್ನ ದೇಶಕ್ಕೆ ಅರ್ಪಿಸುತ್ತೇನೆ ಎನ್ನುತ್ತಾರೆ ಅವರು. (ಏಜೆನ್ಸೀಸ್​)

https://www.vijayavani.net/the-bank-where-you-deposited-is-safe/

https://www.vijayavani.net/technology-first-narendra-modi/