"ಕ್ಷಮಿಸು ಮಗಳೇ" ಎಂದು ಟ್ವೀಟ್ ಮಾಡಿದ ಕೇರಳ ಪೊಲೀಸರು; ರಾತ್ರಿ ಬೆಳಗಾಗುವಷ್ಟರಲ್ಲಿ ನಡೆದಿತ್ತು ಘೋರ ದುರಂತ!

ಎರ್ನಾಕುಲಂ: ಕೇರಳದ ಎರ್ನಾಕುಲಂ ಜಿಲ್ಲೆಯಲ್ಲಿ ಕಾಣೆಯಾದ ಐದು ವರ್ಷದ ಬಾಲಕಿಯ ಶವವನ್ನು ಡಂಪ್ ಸೈಟ್‌ನಿಂದ ಹೊರತೆಗೆಯುವುದರೊಂದಿಗೆ ರಾತ್ರಿಯಿಡೀ ನಡೆಸಿದ ಹುಡುಕಾಟ ಅಂತ್ಯಗೊಂಡ ನಂತರ ಕೇರಳ ಪೊಲೀಸರು 'ಕ್ಷಮಿಸು ಮಗಳೇ' ಎಂದು ಟ್ವೀಟ್ ಮಾಡಿದ್ದಾರೆ.

ಈ ಹೃದಯವಿದ್ರಾವಕ ಘಟನೆಯಲ್ಲಿ, ಬಾಲಕಿಯನ್ನು ಅಪಹರಿಸಿ, ಅತ್ಯಾಚಾರ ಮಾಡಿ, ಕೊಚ್ಚಿ ಬಳಿ ಕತ್ತು ಹಿಸುಕಿ ಕೊಲ್ಲಲಾಗಿತ್ತು. ಪುಟ್ಟ ಬಾಲಕಿಯನ್ನು ಕಾಪಾಡಲು ಅಸಮರ್ಥತರಾದ ಪೊಲೀಸರು "ಕ್ಷಮಿಸು ಮಗಳೇ" ಎಂದು ಕೇರಳ ಪೊಲೀಸರು ಟ್ವೀಟ್ ಮಾಡಿ ಶೋಕಾಚರಣೆ ಮಾಡಿದ್ದಾರೆ.

"ಅವಳನ್ನು ಜೀವಂತವಾಗಿ ತರಲು ನಾವು ಮಾಡಿದ ಪ್ರಯತ್ನಗಳು ವಿಫಲವಾಗಿವೆ. ಮಗುವನ್ನು ಅಪಹರಿಸಿದ ಶಂಕಿತನನ್ನು ಬಂಧಿಸಲಾಗಿದೆ ಎಂದು ಮಲಯಾಳಂನಲ್ಲಿ ಪೋಸ್ಟ್ ಮಾಡಲಾಗಿದೆ.

ಇಂದು ಮುಂಜಾನೆ ನೂರಾರು ಮಂದಿ ಆಕೆಯ ಮೃತದೇಹವನ್ನು ಇರಿಸಲಾಗಿದ್ದ ಶಾಲೆಯ ಬಳಿ ತೆರಳಿ ಗೌರವ ಸಲ್ಲಿಸಿ ಆರೋಪಿಗಳಿಗೆ ಕಠಿಣ ಶಿಕ್ಷೆ, ವಿಶೇಷವಾಗಿ ಮರಣದಂಡನೆಗೆ ಒಳಪಡಿಸುವಂತೆ ಒತ್ತಾಯಿಸಿದರು.

ಎಲ್ಲಾ ವಯೋಮಾನದವರು ಮತ್ತು ಸಮಾಜದ ಎಲ್ಲಾ ವರ್ಗದ ಜನರು ಗುರುವಾರದವರೆಗೆ ಮಗುವಿಗೆ ಶ್ರದ್ಧಾಂಜಲಿ ಸಲ್ಲಿಸಲು ಅವಳು ಓದುತ್ತಿದ್ದ ಶಾಲೆಗೆ ಬಂದರು.

ಸಾರ್ವಜನಿಕ ಸ್ಮಶಾನದಲ್ಲಿ ಭಾನುವಾರ ಬೆಳಿಗ್ಗೆ 11 ಗಂಟೆಯ ಸುಮಾರಿಗೆ ಅಂತಿಮ ವಿಧಿವಿಧಾನಗಳನ್ನು ನೆರವೇರಿಸಿದ ನಂತರ ಮೃತದೇಹವನ್ನು ಸಮಾಧಿ ಮಾಡಲಾಯಿತು.

ಪುಟ್ಟ ಬಾಲಕಿಯನ್ನು ಅಪಹರಿಸಿ, ಅತ್ಯಾಚಾರ ಮಾಡಿ ಕೊಂದ ಪಾಪಿ!

ಶುಕ್ರವಾರ, ಬಾಲಕಿಯನ್ನು ಅಪಹರಿಸಿ, ಅಮಾನುಷವಾಗಿ ಅತ್ಯಾಚಾರವೆಸಗಿ, ಅದೇ ಕಟ್ಟಡದಲ್ಲಿ ವಾಸಿಸುತ್ತಿದ್ದ ಬಿಹಾರದ ವಲಸೆ ಕಾರ್ಮಿಕರು ತಮ್ಮದೇ ರಾಜ್ಯದಿಂದ ಬಂದ ಪುಟ್ಟ ಬಾಲಕಿಯನ್ನು ಕೊಂದಿದ್ದಾರೆ.

ಶನಿವಾರ ಆಲುವಾ ಪ್ರದೇಶದ ಸ್ಥಳೀಯ ಮಾರುಕಟ್ಟೆಯ ಹಿಂಭಾಗದ ಜವುಗು ಪ್ರದೇಶದಲ್ಲಿ ಆಕೆಯ ಶವ ಗೋಣಿಚೀಲದಲ್ಲಿ ತುಂಬಿಸಿ ಎಸೆದ ಸ್ಥಿತಿಯಲ್ಲಿ ಪತ್ತೆಯಾಗಿತ್ತು. ಈ ಪ್ರಕರಣದಲ್ಲಿ ಇನ್ನಷ್ಟು ಆರೋಪಿಗಳು ಭಾಗಿಯಾಗಿರುವ ಶಂಕೆ ವ್ಯಕ್ತವಾಗಿದ್ದು ತನಿಖೆ ನಡೆಯುತ್ತಿದೆ. ಈ ಪ್ರಕರಣದಲ್ಲಿ ಇನ್ನಷ್ಟು ಆರೋಪಿಗಳು ಭಾಗಿಯಾಗಿರುವ ಶಂಕೆ ವ್ಯಕ್ತವಾಗಿದೆ. (ಏಜೆನ್ಸೀಸ್)

https://www.vijayavani.net/andhra-farmer-earns-more-than-4-crores-by-growing-tomatoes

https://www.vijayavani.net/up-police-constable-suspended-for-doing-bike-stunts-and-posting-on-reels

https://www.vijayavani.net/soldier-missing-in-kashmir-suspision-of-kidnap