ಕರೂರು ಕಾಲ್ತುಳಿತಕ್ಕೆ ಕಾರಣವೇನು? ವಿಜಯ್​ ಮಾಡಿದ ತಪ್ಪೇನು? ಸ್ಫೋಟಕ ಹೇಳಿಕೆ ನೀಡಿದ ತಮಿಳುನಾಡು ಎಡಿಜಿಪಿ​! Karur tragedy

Karur tragedy : ತಮಿಳುನಾಡಿನ ತಮಿಳಿಗ ವೆಟ್ರಿ ಕಳಗಂ (ಟಿವಿಕೆ) ನಾಯಕ ಮತ್ತು ನಟ ವಿಜಯ್ ಅವರು ಕರೂರಿನಲ್ಲಿ ನಡೆಸಿದ ರ್ಯಾಲಿಯಲ್ಲಿ ಯಾವುದೇ ಭದ್ರತಾ ಲೋಪವಾಗಿಲ್ಲ ಎಂದು ತಮಿಳುನಾಡಿನ ಎಡಿಜಿಪಿ (ಕಾನೂನು ಮತ್ತು ಸುವ್ಯವಸ್ಥೆ) ಡೇವಿಡ್ಸನ್ ದೇವಾಶಿರ್ವಾದಂ ಹೇಳಿದ್ದಾರೆ.

ನಿನ್ನೆ (ಸೆ.27) ನಡೆದ ಕಾಲ್ತುಳಿತ ದುರಂತದಲ್ಲಿ 40 ಮಂದಿ ಸಾವಿಗೀಡಾಗಿದ್ದು 30ಕ್ಕೂ ಅಧಿಕ ಮಂದಿ ಗಾಯಗೊಂಡಿದ್ದಾರೆ. ಈ ದುರಂತದ ಬಗ್ಗೆ ನ್ಯಾಯಾಂಗ ತನಿಖೆಯ ಜೊತೆಗೆ ಪೊಲೀಸ್ ತನಿಖೆ ನಡೆಸಲಾಗುವುದು. ಇದರಿಂದ ಎಲ್ಲಾ ವಿವರಗಳು ಹೊರಬರುತ್ತವೆ ಎಂದು ಡೇವಿಡ್ಸನ್​ ದೇವಾಶಿರ್ವಾದಂ ಅವರು ಇಂದು (ಸೆ.28) ಬೆಳಗ್ಗೆ ಮಾಧ್ಯಮಗಳಿಗೆ ತಿಳಿಸಿದರು.

ಟಿವಿಕೆ ಪಕ್ಷದ ರ್ಯಾಲಿಯಲ್ಲಿ ಭಾಗವಹಿಸಲು ನಿನ್ನೆ ಬೆಳಗ್ಗೆ 10 ಗಂಟೆಯಿಂದಲೇ ಜನರು ಬರಲು ಪ್ರಾರಂಭಿಸಿದರು. ಭದ್ರತೆಗಾಗಿ 500 ಪೊಲೀಸರನ್ನು ನಿಯೋಜಿಸಲಾಗಿತ್ತು. 10,000 ಜನರು ಇರುತ್ತಾರೆ ಎಂದು ಟಿವಿಕೆ ಪದಾಧಿಕಾರಿಗಳು ತಿಳಿಸಿದ್ದರು. ಆದರೆ, ಪೊಲೀಸರು 15,000 ರಿಂದ 20,000 ಜನರನ್ನು ನಿರೀಕ್ಷಿಸಿದ್ದರು. ಹೀಗಾಗಿ, ಸಾಕಷ್ಟು ಪೊಲೀಸರನ್ನು ನಿಯೋಜಿಸಲಾಗಿತ್ತು ಎಂದು ಎಡಿಜಿಪಿ ಹೇಳಿದರು.

ರ್ಯಾಲಿಗೆ ಅಗತ್ಯವಿರುವ ಎಲ್ಲಾ ಭದ್ರತೆಯನ್ನು ಪೊಲೀಸರು ಏರ್ಪಡಿಸಿದ್ದರು. ಸುಮಾರು 25,000 ರಿಂದ 30,000 ಜನರು ಬಂದಿದ್ದಾರೆಂದು ಅಂದಾಜಿಸಲಾಗಿದೆ. ರ್ಯಾಲಿಯನ್ನು ಉದ್ದನೆಯ ರಸ್ತೆಯಲ್ಲಿ ನಡೆಸಲಾಯಿತು. ಜನರು ವಿಜಯ್ ಅವರ ವಾಹನವನ್ನು ಹಿಂಬಾಲಿಸಿದರು. ಇದರಿಂದ ಜನದಟ್ಟಣೆ ಉಂಟಾಯಿತು. ಜನರು ಸ್ಥಳದಿಂದ ಹೊರಹೋಗದೆ ಮುಂದೆ ಸಾಗಿದರು. ಇದು ಸಹ ಸಮಸ್ಯೆಗಳನ್ನು ಸೃಷ್ಟಿಸಿತು.

ಇದನ್ನೂ ಓದಿ: ಈ ಮೂರು ರಾಶಿಯವರು ಕುಟುಂಬಕ್ಕಾಗಿಯೇ ತಮ್ಮ ಜೀವನವನ್ನು ಮುಡುಪಾಗಿಡುತ್ತಾರಂತೆ! ನಿಮ್ಮ ರಾಶಿಯೂ ಇದೇನಾ? Zodiac Signs

ಇನ್ನು ವಿಜಯ್ ಅವರು ಮಧ್ಯಾಹ್ನ 12 ಗಂಟೆಗೆ ಬರುತ್ತಾರೆ ಎಂದು ಆರಂಭದಲ್ಲಿ ಘೋಷಿಸಲಾಗಿತ್ತು. ಆದರೆ, ಅವರು ಸಂಜೆ 7 ಗಂಟೆಗೆ ಬಂದರು. ಜನರು ಕುಡಿಯಲು ನೀರಿಲ್ಲದೆ ಅಲ್ಲಿ ಕಾಯುತ್ತಿದ್ದರು. ಈ ಘಟನೆಗೆ ಸಂಬಂಧಿಸಿದಂತೆ ಎಫ್‌ಐಆರ್ ದಾಖಲಿಸಲಾಗಿದ್ದು, ತನಿಖೆ ಆರಂಭಿಸಲಾಗಿದೆ ಎಂದು ಎಡಿಜಿಪಿ ಹೇಳಿದರು.

ನಿನ್ನೆಯ ದುರಂತದಲ್ಲಿ 40 ಜನರು ಸಾವಿಗೀಡಾಗಿದ್ದಾರೆ ಎಂದು ಅಧಿಕೃತ ವರದಿ ಹೇಳುತ್ತದೆ. ಈ ಪೈಕಿ 17 ಜನರು ಮಹಿಳೆಯರು. ನಾಲ್ವರು ಹುಡುಗರು ಮತ್ತು ಐದು ಹುಡುಗಿಯರು ಮೃತಪಟ್ಟಿದ್ದಾರೆ. ಇದುವರೆಗೆ 35 ಜನರ ಶವಗಳನ್ನು ಗುರುತಿಸಲಾಗಿದೆ. ಅವರಲ್ಲಿ 28 ಜನರು ಕರೂರಿನ ಮೂಲದವರು. ಆದಾಗ್ಯೂ, ಕಾರ್ಯಕ್ರಮದ ಸಮಯದಲ್ಲಿ ಘರ್ಷಣೆ ನಡೆದ ನಂತರ ನಟ ಮತ್ತು ಟಿವಿಕೆ ನಾಯಕ ವಿಜಯ್ ಅವರು ಅಲ್ಲಿಂದ ಹೊರಟು ಹೋಗಿದ್ದು ಕೂಡ ಇದೀಗ ವಿವಾದಕ್ಕೆ ಗುರಿಯಾಗಿದೆ. (ಏಜೆನ್ಸೀಸ್​)

https://www.vijayavani.net/elon-musk-daughter-vivian-wilson-breaks-silence-on-money-struggles-i-can-afford-food

https://www.vijayavani.net/i-dont-wear-sindoor-or-thali-my-husband-doesnt-do-any-of-these-things-why-should-i-the-only-thing-that-changed-after-marriage-is