ಈ ಪ್ರಕರಣ ಎಲ್ಲ ಸಾಮಾಜಿಕ ಮಾಧ್ಯಮ ಸಂಸ್ಥೆಗಳಿಗೆ ಹಾಗೂ ಬಳಕೆದಾರರಿಗೂ ಒಂದು ಸಂದೇಶ ನೀಡುವಂತಿದೆ ಎಂದರೆ ತಪ್ಪಲ್ಲ. ಸಾಮಾಜಿಕ ಮಾಧ್ಯಮಗಳು ಜನರಿಗೆ ಅಭಿವ್ಯಕ್ತಿ ಸ್ವಾತಂತ್ರ್ಯದ ಮುಕ್ತ ವೇದಿಕೆಯಾಗಿ ಒದಗಿವೆ ಎಂಬುದರಲ್ಲಿ ಅನುಮಾನವಿಲ್ಲ. ಹೀಗಾಗಿ ಪ್ರಭಾವಿ ಪರ್ಯಾಯ ಮಾಧ್ಯಮ ಕೂಡ ಸೃಷ್ಟಿಯಾಗಿದೆ. ಇದರಿಂದ ವೈಯಕ್ತಿಕವಾಗಿ ಮತ್ತು ಸಮಾಜಕ್ಕೆ ಪ್ರಯೋಜನಗಳು ಆಗಿರುವುದನ್ನು ಅಲ್ಲಗಳೆಯಲಾಗದು. ಇದರ ಜತೆಯಲ್ಲೇ, ಈ ವೇದಿಕೆಯ ದುರುಪಯೋಗವೂ ಆಗುತ್ತಿರುವುದಕ್ಕೆ ದಂಡಿಯಾಗಿ ನಿದರ್ಶನಗಳು ಸಿಗುತ್ತಿವೆ. ಆಧಾರವಿಲ್ಲದೆ ವೈಯಕ್ತಿಕ ಆರೋಪ, ದೂಷಣೆ, ಧಾರ್ವಿುಕ ಸೂಕ್ಷ್ಮ ವಿಚಾರಗಳಲ್ಲಿಯೂ ವಿವೇಚನೆಯಿಲ್ಲದ ಪೋಸ್ಟ್ ಮಾಡುವುದು- ಮುಂತಾದ ಘಟನೆಗಳು ಮಾಮೂಲು ಎಂಬಂತಾಗಿವೆ. ಹೀಗಾಗಿ, ನಿಯಂತ್ರಕ ವ್ಯವಸ್ಥೆ ಅನಿವಾರ್ಯ. ಇತ್ತ, ಕರ್ನಾಟಕದಲ್ಲಿ ಸಹ ಸೋಷಿಯಲ್ ಮೀಡಿಯಾ ಪೋಸ್ಟ್ಗಳ ಮೇಲೆ ನಿಗಾ ಇಟ್ಟು, ಉಲ್ಲಂಘನೆ ಕಂಡುಬಂದಲ್ಲಿ ಸ್ವಯಂಪ್ರೇರಿತವಾಗಿ ದೂರು ದಾಖಲಿಸಿಕೊಳ್ಳಲು ಅವಕಾಶವಿರುವ ವ್ಯವಸ್ಥೆಯನ್ನು ಕಾರ್ಯರೂಪಕ್ಕೆ ತರಲಾಗಿದೆ. ಅಭಿವ್ಯಕ್ತಿ ಸ್ವಾತಂತ್ರ್ಯಕ್ಕೆ ಧಕ್ಕೆಯಾಗದಂತೆ, ಸಮಾಜದ ಆರೋಗ್ಯವನ್ನೂ ಕಾಪಾಡಿಕೊಂಡು ಹೋಗುವ ನಿಟ್ಟಿನಲ್ಲಿ ಎಲ್ಲರ ಸಹಕಾರ ಅಗತ್ಯ.
