ಸೋಂಕಿತರಿಗಿಂತ ಸೋಂಕುಮುಕ್ತರಾದವರೇ ಅಧಿಕ; ಒಂದೇ ದಿನದಲ್ಲಿ 52,581 ಮಂದಿ ಬಿಡುಗಡೆ, 32,218 ಜನರಿಗಷ್ಟೇ ಸೋಂಕು

ಬೆಂಗಳೂರು: ಅತ್ತ ಕರೊನಾ ಕೇಸ್​ಗಳನ್ನು ನಿಯಂತ್ರಣದಲ್ಲಿಡಲು ಹೈ ಅಲರ್ಟ್ ಆಗಿರುವ ಸರ್ಕಾರ, ಇನ್ನೂ 14 ದಿನಗಳ ಕಾಲ ಲಾಕ್​ಡೌನ್​ ವಿಸ್ತರಣೆ ಮಾಡಿದ್ದರೆ ಇತ್ತ ಸೋಂಕಿತರ ದೈನಂದಿನ ಪ್ರಮಾಣದಲ್ಲಿ ಗಣನೀಯ ಇಳಿಕೆ ಕಂಡುಬಂದಿದ್ದು, ಒಂದೇ ದಿನದಲ್ಲಿ ದೃಢಪಟ್ಟ ಸೋಂಕಿನ ಪ್ರಮಾಣಕ್ಕಿಂತಲೂ 20 ಸಾವಿರಕ್ಕೂ ಅಧಿಕ ಮಂದಿ ಸೋಂಕುಮುಕ್ತರಾಗಿ ಬಿಡುಗಡೆ ಆಗಿದ್ದಾರೆ.

ಇಂದಿನ ಕೋವಿಡ್-19 ಬುಲೆಟಿನ್ ಪ್ರಕಾರ ಒಂದೇ ದಿನದಲ್ಲಿ ಅಂದರೆ ಕಳೆದ 24 ಗಂಟೆಗಳಲ್ಲಿ ರಾಜ್ಯದಲ್ಲಿ 52,581 ಮಂದಿ ಗುಣಮುಖರಾಗಿ ವಿವಿಧ ಕೋವಿಡ್​ ಆಸ್ಪತ್ರೆ ಹಾಗೂ ಆರೈಕೆ ಕೇಂದ್ರಗಳಿಂದ ಬಿಡುಗಡೆ ಹೊಂದಿದ್ದಾರೆ. ಈ ಮೂಲಕ ರಾಜ್ಯದಲ್ಲಿ ಇದುವರೆಗೆ ಸೋಂಕಿನಿಂದ ಗುಣವಾದವರ ಸಂಖ್ಯೆ 18,29,276ಕ್ಕೆ ತಲುಪಿದೆ.

ಇದನ್ನೂ ಓದಿ: ಹೆಂಡತಿಗೆ ಕಿರುಕುಳ ಕೊಟ್ಟು ಸಾವು ತಂದುಕೊಂಡ ಗಂಡ; ಆಕೆ ಹೊಡೆಯಿರಿ ಎಂದಳು, ಅವರಿಬ್ಬರು ಕೊಂದೇ ಬಿಟ್ಟರು…

ಇನ್ನೊಂದೆಡೆ ರಾಜ್ಯದಲ್ಲಿ ಒಂದೇ ದಿನದಲ್ಲಿ ಹೊಸದಾಗಿ 32,218 ಕೋವಿಡ್​-19 ಪ್ರಕರಣಗಳು ದೃಢಪಟ್ಟಿದ್ದು, ಇದುವರೆಗಿನ ಕೋವಿಡ್​ ಸೋಂಕಿತರ ಸಂಖ್ಯೆ 23,67,742ಕ್ಕೆ ಏರಿದೆ. ಆದರೆ ಸದ್ಯ ಸಕ್ರಿಯ ಪ್ರಕರಣಗಳು 5,14,238 ಮಾತ್ರ ಇವೆ.

ಬೇಸರದ ಸಂಗತಿ ಎಂದರೆ ಒಂದೇ ದಿನದಲ್ಲಿ 353 ಮಂದಿ ಕೋವಿಡ್​-ಸೋಂಕಿನಿಂದಾಗಿ ಮೃತಪಟ್ಟಿದ್ದು, ರಾಜ್ಯದಲ್ಲಿ ಇದುವರೆಗೆ ಕರೊನಾಗೆ ಬಲಿಯಾದವರ ಸಂಖ್ಯೆ 24,207ಕ್ಕೆ ತಲುಪಿದೆ.

https://www.vijayavani.net/lockdown-extended-for-another-14-days/

https://www.vijayavani.net/weather-forecast-yellow-alert-in-13-districts/