ಈ ಕಾರ್ಯಕ್ರಮದಲ್ಲಿ ವಿವಿಧ ಸಂಸ್ಥೆಗಳ ಮತ್ತು ಶ್ರೇಣಿಗಳಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ಕನ್ನಡಿಗರು ಪಾಲ್ಗೊಂಡಿದ್ದರು. ಮುಖ್ಯವಾಗಿ ಈಶಾನ್ಯ ಭಾರತ ವಾಯುಪಡೆಯ ಗ್ರೂಪ್ ಕ್ಯಾಪ್ಟನ್ ದೀಪಕ್ ಮತ್ತು ಅವರ ಪತ್ನಿ ಡಾ. ಚಂಪಾ, ಕ್ಯಾಪ್ಟನ್ ಶಿವಕುಮಾರ್-ಸ್ವರ್ಣ ದಂಪತಿ ತುಂಬಾ ಉತ್ಸಾಹದಿಂದ ಪಾಲ್ಗೊಂಡಿದ್ದರು. ನಾಗರಿಕ ಸೇವಾ ಅಧಿಕಾರಿಗಳಾದ ಅರುಣ್ ಕುಮಾರ್ ಕೆಂಬಾವಿ, ಮೇಘಾಲಯ ಅರಣ್ಯ ಇಲಾಖೆ ಕಾರ್ಯದರ್ಶಿ ಡಾ.ಮಂಜುನಾಥ್, ಮೇಘಾಲಯ ಯೋಜನಾ ಆಯೋಗದ ಜಂಟಿ ಕಾರ್ಯದರ್ಶಿ ಗುಣಾಂಕ್, ಮಹಾ ಲೆಕ್ಕಾಧಿಕಾರಿ ಸುಬ್ಬಯ್ಯ, ಭಾರತೀಯ ಅಭಿಯಾಂತರ ಸೇವೆಯ ಡಾ.ದಶರಥ್ ಮಾಶ್ಯಲ್, NIGRIMS ಸಂಸ್ಥೆ ಮಾನಸಿಕ ವೈದ್ಯ ಡಾ.ನವೀನ್ ಆನಂದ್ ಮತ್ತು ಅವರ ಪತ್ನಿ ಸ್ತ್ರೀರೋಗ ತಜ್ಞೆ ಡಾ.ಕವಿತಾ, ಐಸಿಎಆರ್ ಕೃಷಿ ವಿಜ್ಞಾನಿ ಡಾ.ಚಿಕ್ಕತಿಮ್ಮೇಗೌಡ ಮತ್ತು ಅವರ ಪತ್ನಿ ಕೃಷಿ ವಿಜ್ಞಾನಿ ಡಾ.ಅಮೃತಾ ಪಾಲ್ಗೊಂಡಿದ್ದರು.
