150 ಕೋಟಿ ರೂ.ನತ್ತ ಸಾಗಿದ 'ಕಾಟೇರ'! ಇಲ್ಲಿದೆ ಬಾಕ್ಸ್​ ಆಫೀಸ್​ ವಿವರ

ಬೆಂಗಳೂರು: ಚಾಲೆಂಜಿಂಗ್​ ಸ್ಟಾರ್​ ದರ್ಶನ್​ ನಟನೆಯ, ತರುಣ್​ ಸುದೀರ್​ ನಿರ್ದೇಶನದ ಬಹುನಿರೀಕ್ಷಿತ 'ಕಾಟೇರ' ಕಳೆದ ವರ್ಷ ಡಿ.29 ರಂದು ಬಹುತೇಕ ಚಿತ್ರಮಂದಿರಗಳಲ್ಲಿ ಬಿಡುಗಡೆಗೊಂಡು ಇದೀಗ ಬಾಕ್ಸ್ ಆಫೀಸ್​ನಲ್ಲಿ ಅಬ್ಬರಿಸುವಲ್ಲಿ ಯಶಸ್ವಿಯಾಗಿದೆ. ಇಂದಿಗೂ ಸಿನಿಪ್ರೇಕ್ಷಕರಿಂದ ತುಂಬುತ್ತಿರುವ ಚಿತ್ರಮಂದಿರಗಳಲ್ಲಿ ಸಿನಿಮಾಗೆ ವ್ಯಾಪಕ ಪಾಸಿಟಿವ್ ಪ್ರತಿಕ್ರಿಯೆಗಳು ಲಭಿಸುತ್ತಿದ್ದು, ಚಿತ್ರವು ಇದೀಗ 150 ಕೋಟಿ ರೂ. ಗಳಿಕೆಯತ್ತ ಸಾಗುತ್ತಿದೆ.

ಇದನ್ನೂ ಓದಿ: ಮದುವೆ ವರನ ಮೆರವಣಿಗೆ ಹೀಗೂ ಇರಲು ಸಾಧ್ಯವೇ?: ‘ಸೈಲೆಂಟ್ ಬಾರಾತ್’ ವಿಡಿಯೋ ವೈರಲ್​

ಚಾಲೆಂಜಿಂಗ್ ಸ್ಟಾರ್ ನಟ ದರ್ಶನ್​ ಮತ್ತು ಸ್ಯಾಂಡಲ್​ವುಡ್​ನ ಹಿರಿಯ ನಟಿ ಮಾಲಾಶ್ರೀ ಅವರ ಪುತ್ರಿ ಆರಾಧನಾ ರಾಮ್​ ಮುಖ್ಯಭೂಮಿಕೆಯಲ್ಲಿರುವ ಕಾಟೇರ ಚಿತ್ರವು ರಿಲೀಸ್​ಗೂ ಮುನ್ನವೇ ಸಾಂಗ್​ ಹಾಗೂ ಟ್ರೇಲರ್​ ಮೂಲಕವೇ ಭಾರೀ ಸದ್ದು ಮಾಡಿತ್ತು. ಇದೀಗ ಬಿಡುಗಡೆಯ ನಂತರ ಬಾಕ್ಸ್ ಆಫೀಸ್​ ಕಲೆಕ್ಷನ್​ನಲ್ಲಿ ಉತ್ತಮ ಗಳಿಕೆ ಕಾಣುತ್ತಿರುವ ದರ್ಶನ್ ಚಿತ್ರ 7ನೇ ದಿನಕ್ಕೆ 100 ಕೋಟಿ ರೂ.ಗೂ ಅಧಿಕ ಮೊತ್ತವನ್ನು ಕಲೆಕ್ಟ್​ ಮಾಡಿದೆ.

ಈ ಮೂಲಕ ಕಾಟೇರ ಚಿತ್ರವು 150 ಕೋಟಿ ರೂ.ನತ್ತ ಸಾಗುತ್ತಿದ್ದು, ಶೀಘ್ರವೇ 200 ಕೋಟಿ ಕ್ಲಬ್ ಸೇರಲಿದೆ. ಸದ್ಯ ಈ ಸುದ್ದಿ ತಿಳಿದ ದರ್ಶನ್ ಅಭಿಮಾನಿಗಳು ಭಾರೀ ಸಂತಸ ಪಟ್ಟಿದ್ದು, ಚಿತ್ರಮಂದಿರಗಳಲ್ಲಿ ಸಿನಿಮಾ ವೀಕ್ಷಿಸುತ್ತ ಸಂಭ್ರಮಿಸುತ್ತಿದ್ದಾರೆ. ಚಿತ್ರದಲ್ಲಿ ದರ್ಶನ್, ಆರಾಧನಾ ರಾಮ್, ಬಿರಾದಾರ್, ಜಗಪತಿ ಬಾಬು, ಕುಮಾರ್​ ಗೋವಿಂದ್, ಮಾಸ್ಟರ್ ರೋಹಿತ್ ಮತ್ತು ಡ್ಯಾನಿಶ್ ಅಖ್ತರ್ ಸೈಫಿ ಮುಂತಾದವರ ತಾರಾಗಣವಿದೆ,(ಏಜೆನ್ಸೀಸ್).

https://www.vijayavani.net/actor-manoj-reveals-why-he-has-stopped-his-dinner-from-past-14-years