ನವದೆಹಲಿ: ಭಾರತೀಯ ವಿವಾಹಗಳಲ್ಲಿ ಹಾಡು, ನೃತ್ಯ, ಮೆರವಣಿಗೆ ಇದ್ದೇ ಇರುತ್ತದೆ. ವಿವಾಹ ಸಮಾರಂಭ, ಮದುವೆಯ ಪೂರ್ವ ಸಮಾರಂಭ ಮುಂತಾದವುಗಳಲ್ಲಿ ಸೌಂಡ್ ಸಿಸ್ಟಂನಲ್ಲಿ ಜೋರಾಗಿ ಹಾಡು ಹಾಕಿಕೊಂಡು ನೃತ್ಯ ಮಾಡುವುದಂತೂ ಸಾಮಾನ್ಯ.
ಆದರೆ, ಮದುವೆ ವರನ ಮೆರವಣಿಗೆ (ಬಾರಾತ್) ವೀಡಿಯೊವೊಂದು ಭಿನ್ನ ಕಾರಣಕ್ಕಾಗಿ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ. ಈ ವಿಡಿಯೋದಲ್ಲಿ ಜನರು ನೃತ್ಯ ಮಾಡುತ್ತಿದ್ದರೂ ಹಿನ್ನೆಲೆಯಲ್ಲಿ ಯಾವುದೇ ಹಾಡಿನ ಸದ್ದು, ಗದ್ದಲವೇ ಕೇಳಿಸುವುದಿಲ್ಲ!
ಈ ವೀಡಿಯೊವನ್ನು @sheffoodie ಎಂಬ ಇನ್ಸ್ಟ್ರಾಗ್ರಾಂ ಬಳಕೆದಾರರೊಬ್ಬರು ಹಂಚಿಕೊಂಡಿದ್ದಾರೆ. “ನಾನು ಏ ದಿಲ್ ಹೈ ಮುಷ್ಕಿಲ್ ಡಿಜೆ ಪಾರ್ಟಿಯಲ್ಲಿ ಪಾಲ್ಗೊಳ್ಳುತ್ತೇನೆ ಎಂದು ಎಂದಿಗೂ ಯೋಚಿಸಿರಲಿಲ್ಲ. ನೀವು ಎಂದಾದರೂ ಇಂತಹ ಪಾರ್ಟಿಯ ಭಾಗವಾಗಲು ಬಯಸುವಿರಾ?” ಎಂದು ಮೂಕ ಡಿಸ್ಕೋವನ್ನು ಉಲ್ಲೇಖಿಸಿ ಅವರು ವಿಡಿಯೋ ಹಂಚಿಕೊಂಡಿದ್ದಾರೆ.
“ಹೊಸ ಯುಗದ ಮೌನ ಬಾರಾತ್” (ನ್ಯೂ ಎಜ್ ಸೈಲೆಂಟ್ ಬಾರಾತ್” ಎಂಬ ಶೀರ್ಷಿಕೆಯೊಂದಿಗೆ ಈ ವಿಡಿಯೋ ಶುರುವಾಗುತ್ತದೆ. ಈ ವಿಡಿಯೋದಲ್ಲಿ ಜನರು ಹೆಡ್‌ಫೋನ್‌ಗಳನ್ನು ಹಾಕಿಕೊಂಡು ಡ್ಯಾನ್ಸ್ ಮಾಡುವುದು ಮತ್ತು ಆನಂದಿಸುತ್ತಿರುವುದು ಕಂಡುಬರುತ್ತದೆ.
ಕೆಲವು ದಿನಗಳ ಹಿಂದೆ ಈ ವಿಡಿಯೋ ಹಂಚಿಕೊಳ್ಳಲಾಗಿದ್ದು, 1.9 ಕೋಟಿಗೂ ಹೆಚ್ಚು ವೀಕ್ಷಣೆಗಳನ್ನು ಮತ್ತು 736,000 ಕ್ಕೂ ಹೆಚ್ಚು ಲೈಕ್ಗಳು ಇದಕ್ಕೆ ವ್ಯಕ್ತವಾಗಿವೆ.
“ಡ್ಯೂಡ್… ಇದು ಒಳ್ಳೆಯ ಐಡಿಯಾ… ಬೇರೆಯವರು ಕೂಡ ಡಿಸ್ಟರ್ಬ್ ಮಾಡುವುದಿಲ್ಲ” ಎಂದು ಒಬ್ಬ ಇಂಟರ್ನೆಟ್ ಬಳಕೆದಾರರು ಪ್ರತಿಕ್ರಿಯಿಸಿದ್ದಾರೆ. “ತುಂಬಾ ಒಳ್ಳೆಯ ಉಪಕ್ರಮ,” ಇನ್ನೊಬ್ಬರು ಹೇಳಿದ್ದಾರೆ.
“ವೀಕ್ಷಕರಿಗೆ ಅದು ತುಂಬಾ ವಿಚಿತ್ರವಾಗಿದೆ. ನಾನು ಅದನ್ನು ‘ಏ ಪಾಗಲ್ ಹೇ ಸಬ್ ನಾಚ್ ರಹೇ ಬಿನಾ ಗಾನೆ ಕೆ’ [ಅವರು ಹುಚ್ಚರೇ? ಅವರು ಸಂಗೀತವಿಲ್ಲದೆ ನೃತ್ಯ ಮಾಡುತ್ತಿದ್ದಾರೆ] ಎಂದು ನಾನು ದೃಶ್ಯೀಕರಿಸುತ್ತೇನೆ” ಎಂದು ಮತ್ತೊಬ್ಬರು ಹೇಳಿದ್ದರೆ, ಇನ್ನೊಬ್ಬರು, “ಈ ರೀತಿಯ ಬಾರಾತ್‌ನಲ್ಲಿ ಆಸಕ್ತಿ ಇರುವುದಿಲ್ಲ” ಎಂದಿದ್ದಾರೆ.
“ನನ್ನಂತಹ ಕಾಡು ಮನುಷ್ಯರು ಹೆಡ್‌ಫೋನ್‌ಗಳನ್ನು ಒಡೆಯುತ್ತಾರೆ” ಎಂದು ಇನ್ನೊಬ್ಬರು ಹೇಳಿದ್ದಾರೆ.
ಸಹಪಾಠಿಗೆ ‘ನಿಶ್ಚಿತಾರ್ಥ’ ಉಡುಗೊರೆ ನೀಡಿದ ನರ್ಸರಿ ಬಾಲಕ: ಈತ ಕೊಟ್ಟ ಚಿನ್ನದ ಮೊತ್ತ ಹೌಹಾರಿಸುವಂತಿದೆ…