ನೀವು ಹೀಗೆ ಮಾಡಿದ್ರೆ ಇಲ್ಲಿಂದ ಹೊರ ಹೋಗ್ತೀನಿ! ಅಭಿಮಾನಿಗಳ ಮೇಲೆ ಸಿಟ್ಟಾದ Jr NTR

Jr NTR: ಪ್ರಸ್ತುತ 'ದೇವರ 2' ಚಿತ್ರದ ಚಿತ್ರೀಕರಣದಲ್ಲಿ ಸಖತ್ ಬಿಜಿಯಾಗಿರುವ ಟಾಲಿವುಡ್​ ಸ್ಟಾರ್​ ನಟ ಜೂ. ಎನ್​ಟಿಆರ್​, ಹಲವು ಮುಂಬರುವ ಚಿತ್ರಗಳ ಅದ್ಧೂರಿ ವೇದಿಕೆಗಳಲ್ಲಿ ಅತಿಥಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಸದಾ ತಮ್ಮ ಸಹೋದರ ಕಲ್ಯಾಣ್ ರಾಮ್ ಜತೆ ವೇದಿಕೆಗಳಲ್ಲಿ ಪ್ರತ್ಯಕ್ಷವಾಗುವ ಎನ್​ಟಿಆರ್​, ಕಲ್ಯಾಣ್ ಮುಖ್ಯ ಪಾತ್ರದಲ್ಲಿ ನಟಿಸಿರುವ 'ಅರ್ಜುನ್ ಸನ್​ ಆಫ್​ ವೈಜಯಂತಿ' ಚಿತ್ರದ ಟ್ರೇಲರ್ ಬಿಡುಗಡೆ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಯಾಗಿ ಆಗಮಿಸಿದ್ದರು. ಈ ವೇಳೆ ಫ್ಯಾನ್ಸ್​ಗಳ ನಡೆಗೆ 'ತಾರಕ್'​ ಬೇಸರ ವ್ಯಕ್ತಪಡಿಸಿದರು.

ಇದನ್ನೂ ಓದಿ: ಈ ಮೂರು ರೀತಿಯ ಆಹಾರಗಳನ್ನು ಸೇವಿಸಿದರೆ ಗ್ಯಾಸ್, ಮಲಬದ್ಧತೆ, ಅತಿಸಾರ ಮಾಯವಾಗುತ್ತದೆ! Health Tips

ಕೆಲವು ನಿಮಿಷ ಅಭಿಮಾನಿಗಳ ಜತೆಗೆ ಚಿತ್ರಕ್ಕೆ ಸಂಬಂಧಿಸಿದಂತೆ ಮಾತನಾಡಿದ ಜೂ. ಎನ್​ಟಿಆರ್​, ಅಭಿಮಾನಿಗಳು ವಿಜಯಶಾಂತಿಗೆ ಮಾತನಾಡಲು ಬಿಡದೆ, ಚೀರಾಡಿದ್ದಕ್ಕೆ ಸಿಟ್ಟಾದರು. ಎನ್​ಟಿಆರ್ ಬಳಿಕ ಮೈಕ್​ ಹಿಡಿದು ಕಾರ್ಯಕ್ರಮ ಕುರಿತಂತೆ ಮಾತನಾಡಲು ಮುಂದಾದ ವಿಜಯಶಾಂತಿಗೆ ಮಾತನಾಡಲು ಬಿಡದ ಅಭಿಮಾನಿಗಳು, ಜೋರಾಗಿ ಚಿರಾಡಿದರು. ತನ್ನ ಹೆಸರನ್ನು ಕೂಗುತ್ತಿದ್ದ ಅಭಿಮಾನಿಗಳ ವರ್ತನೆಗೆ ಸಿಟ್ಟಾದ ಜೂ. ಎನ್​ಟಿಆರ್​, ಮೊದಲು ಸುಮ್ಮನಾಗಿ ಅವರಿಗೆ ಮಾತನಾಡಲು ಅವಕಾಶ ಕೊಡಿ ಎಂದರು.

"ನೀವೆಲ್ಲರೂ ಒಂದು ನಿಮಿಷ ತಾಳ್ಮೆಯಿಂದ ಇದ್ದರೆ ವಿಜಯಶಾಂತಿ ಅವರು ಮಾತನಾಡುತ್ತಾರೆ" ಎಂದರು. ಇದಕ್ಕೂ ಸುಮ್ಮನಾಗದ ಫ್ಯಾನ್ಸ್ ನಡೆಗೆ ಜೂ. ಎನ್​ಟಿಆರ್​ ಕೆರಳಿದರು. "ನೀವು ಹೀಗೆ ಮಾಡಿದರೆ ಖಂಡಿತ ಈ ವೇದಿಕೆಯಿಂದ ನಾನು ಹೊರ ಹೋಗ್ತೀನಿ" ಎಂದು ಸನ್ನೆ ಮಾಡಿದರು. ಆ ನಂತರ ನಟನ ಅಭಿಮಾನಿಗಳು ಮೌನಕ್ಕೆ ಶರಣಾಗಿದ್ದು, ಅವರ ಮೇಲಿನ ಪ್ರೀತಿ, ಅಭಿಮಾನವನ್ನು ತೋರಿದರು,(ಏಜೆನ್ಸೀಸ್).

https://www.vijayavani.net/how-to-generate-uan-from-umang-app-in-epfo