ಉದ್ಯೋಗಿಗಳು ಈಗ ನೇರವಾಗಿ UMANG ಆ್ಯಪ್​ನಿಂದ UAN ರಚಿಸಬಹುದು; ಹೇಗೆ ಅಂತೀರಾ? ಇಲ್ಲಿದೆ ಮಾಹಿತಿ | EPFO

EPFO: ಇಪಿಎಫ್​ಓ ​​ಉದ್ಯೋಗಿಗಳಿಗೆ ಇದು ಖಂಡಿತ ಒಳ್ಳೆಯ ಸುದ್ದಿ ಎಂದೇ ಹೇಳಬಹುದು. ನಿವೃತ್ತಿ ನಿಧಿ ಸಂಸ್ಥೆ ನೌಕರರ ಭವಿಷ್ಯ ನಿಧಿ ಸಂಸ್ಥೆ (EPFO) ಈಗ ಹೊಸ ದೃಢೀಕರಣ ತಂತ್ರಜ್ಞಾನವನ್ನು ಪರಿಚಯಿಸಿದೆ. ಉದ್ಯೋಗಿಗಳು ಈಗ ಮುಖ ದೃಢೀಕರಣದ ಮೂಲಕ ತಮ್ಮ ಸದಸ್ಯತ್ವಕ್ಕಾಗಿ ಭವಿಷ್ಯ ನಿಧಿ ಖಾತೆ ಸಂಖ್ಯೆ (UAN) ಸೇವೆಗಳನ್ನು ರಚಿಸಬಹುದು ಎಂದು ಕಾರ್ಮಿಕ ಸಚಿವಾಲಯ ತಿಳಿಸಿದೆ.

ಇದನ್ನೂ ಓದಿ: ಸಂಪೂರ್ಣ ಸ್ವಚ್ಛತೆ ಇರುವಲ್ಲಿ ದೇವರ ನೆಲೆ; ಕರಾವಳಿ ಸಂಗೀತ ಕಲಾವಿದರ ಒಕ್ಕೂಟ ಅಭಿಯಾನದಲ್ಲಿ ಶೀನ ಶೆಟ್ಟಿ ಪ್ರೇರಣೆ

ಆಧಾರ್ ಮುಖ ದೃಢೀಕರಣ

ಈ ಹಿಂದೆ, ಕಂಪನಿಯ ಮಾನವ ಸಂಪನ್ಮೂಲ ಇಲಾಖೆಯು ಈ ಯುಎಎನ್​ ಅನ್ನು ರಚಿಸಬೇಕಾಗಿತ್ತು. ಈಗ ನೌಕರರೇ ಈ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬಹುದಾಗಿದೆ. ಇದು ಉದ್ಯೋಗಿಗಳ ಕಾರ್ಯವನ್ನು ಮತ್ತಷ್ಟು ಸುಲಭಗೊಳಿಸಿದೆ. ಈ ಕುರಿತು ಮಾಹಿತಿ ನೀಡಿರುವ ಕೇಂದ್ರ ಕಾರ್ಮಿಕ ಸಚಿವ ಮನ್ಸುಖ್ ಮಾಂಡವಿಯಾ, "EPFO ​​ಉದ್ಯೋಗಿಗಳಿಗೆ ಮುಖ ದೃಢೀಕರಣವನ್ನು ಬಳಸಿಕೊಂಡು ಯುಎಎನ್​ ಹಂಚಿಕೆ ಮತ್ತು ಸಕ್ರಿಯಗೊಳಿಸುವಿಕೆಗಾಗಿ ವರ್ಧಿತ ಡಿಜಿಟಲ್ ಸೇವೆಗಳನ್ನು ಪರಿಚಯಿಸಲಾಗಿದೆ" ಎಂದು ಹೇಳಿದರು.

ಕೋಟ್ಯಂತರ ಇಪಿಎಫ್​ಓ ​​ಸದಸ್ಯರಿಗೆ ಸಂಪರ್ಕರಹಿತ, ಸುರಕ್ಷಿತ ಮತ್ತು ಸಂಪೂರ್ಣ ಡಿಜಿಟಲ್ ಸೇವೆ ಲಭ್ಯವಾಗಿದೆ. ಈಗ ಒಬ್ಬ ಉದ್ಯೋಗಿ ಉಮಾಂಗ್ ಮೊಬೈಲ್ ಅಪ್ಲಿಕೇಶನ್ ಮೂಲಕ ಆಧಾರ್ ಮುಖ ದೃಢೀಕರಣ ತಂತ್ರಜ್ಞಾನ (FAT) ಬಳಸಿಕೊಂಡು ನೇರವಾಗಿ UAN ಅನ್ನು ರಚಿಸಬಹುದು ಎಂದು ತಿಳಿಸಿದರು. ಯಾವುದೇ ಹೊಸ ಉದ್ಯೋಗಿಗೆ ಆಧಾರ್ ಫೇಸ್ ಅಥೆಂಟಿಕೇಶನ್ ತಂತ್ರಜ್ಞಾನ (FAT) ಬಳಸಿಕೊಂಡು ಯುಎಎನ್​ ರಚಿಸಿಕೊಡಲು ಆಯಾ ಕಂಪನಿಯ ಉದ್ಯೋಗದಾತರು ಅದೇ ಉಮಾಂಗ್ ಅಪ್ಲಿಕೇಶನ್ ಅನ್ನು ಬಳಸಬಹುದಾಗಿದೆ.

ಇದನ್ನೂ ಓದಿ: 146 ರನ್​, 14 ಬೌಂಡರಿ, 16 ಸಿಕ್ಸ್​! ಇದು ಬೇಕಾಗಿದ್ದು… ಅಭಿಷೇಕ್​ ಶರ್ಮ ಶತಕದ ಬೆನ್ನಲ್ಲೇ ಕಾವ್ಯ ಮಾರನ್​ ಫುಲ್​ ಖುಷ್​ | Abhishek Sharma

UAN ಸಂಖ್ಯೆ ರಚಿಸುವುದು ಹೇಗೆ?

• UAN ರಚಿಸಲು ಮೊದಲು UMANG ಅಪ್ಲಿಕೇಶನ್ ತೆರೆಯಬೇಕು.
• UAN ಹಂಚಿಕೆ ಮತ್ತು ಸಕ್ರಿಯಗೊಳಿಸುವ ಪ್ರಕ್ರಿಯೆಯನ್ನು ಮುಖ ದೃಢೀಕರಣದ ಮೂಲಕ ಅನುಸರಿಸಬೇಕು.
• ಆಧಾರ್ ಆಧಾರಿತ ಪರಿಶೀಲನೆಯ ಬಳಿಕವೇ UAN ಅನ್ನು ರಚಿಸಲಾಗುತ್ತದೆ.
• ನಿಮ್ಮ ಆಧಾರ್ ಡೇಟಾಬೇಸ್‌ನಲ್ಲಿ ಉಲ್ಲೇಖಿಸಲಾದ ಮೊಬೈಲ್ ಸಂಖ್ಯೆಗೆ ಯುಎಎನ್​ ಸಂಖ್ಯೆಯನ್ನು ಸಂದೇಶದ (Text Message) ಮೂಲಕ ಕಳುಹಿಸಲಾಗುತ್ತದೆ.

ಯುಎಎನ್​ ರಚಿಸಿದ ನಂತರ, ಉದ್ಯೋಗಿ (UMANG) ಅಪ್ಲಿಕೇಶನ್ ಅಥವಾ ಸದಸ್ಯ ಪೋರ್ಟಲ್‌ನಿಂದ ತಮ್ಮ ಯುಎಎನ್​ ಕಾರ್ಡ್ ಅನ್ನು ಡೌನ್‌ಲೋಡ್ ಮಾಡಿಕೊಳ್ಳಬಹುದು. ಈ ಹೊಸ ಪ್ರಕ್ರಿಯೆಯೊಂದಿಗೆ, ಆಧಾರ್ ಪರಿಶೀಲನಾ ಪ್ರಕ್ರಿಯೆಯನ್ನು ಶೇ.100ರಷ್ಟು ಪೂರ್ಣಗೊಳಿಸಬಹುದು. ವಿಶೇಷವಾಗಿ ಮುಖ ದೃಢೀಕರಣವನ್ನು ಬಳಸಿಕೊಂಡು ಎಂಬುದು ಗಮನಾರ್ಹ.

ಇದನ್ನೂ ಓದಿ: ಸತ್ತ ಜಾಗ, ಕಾರಣ, ವಿವರಣೆ.. ಎಲ್ಲವೂ ಇದೆ! ರಕ್ತ ಹೀರುವ ಸೊಳ್ಳೆಗಳಿಗೆ ನರಕ ತೋರಿಸಿದ ಯುವತಿ | Dead Mosquitoes

ಈಗಾಗಲೇ ತಮ್ಮ ಯುಎಎನ್​ ರಚಿಸಿ ಇನ್ನೂ ಸಕ್ರಿಯಗೊಳಿಸದ ಸದಸ್ಯರು ಈಗ ಉಮಾಂಗ್ ಅಪ್ಲಿಕೇಶನ್ ಮೂಲಕ ತಮ್ಮ UAN ಅನ್ನು ಸುಲಭವಾಗಿ ಸಕ್ರಿಯಗೊಳಿಸಬಹುದು ಎಂದು ಸಚಿವರು ವಿವರಿಸಿದ್ದಾರೆ. ಓಟಿಪಿ ಆಧಾರಿತ ದೃಢೀಕರಣದಂತಹ ಇತರ ವಿಧಾನಗಳಿಗೆ ಹೋಲಿಸಿದರೆ ಮುಖ ದೃಢೀಕರಣವನ್ನು ಬಳಸಿಕೊಂಡು ಬಯೋಮೆಟ್ರಿಕ್ ದೃಢೀಕರಣವು ಉನ್ನತ ಮಟ್ಟದ ಭದ್ರತೆಯನ್ನು ನೀಡುತ್ತದೆ.

ಈ ಸುರಕ್ಷಿತ ಪರಿಶೀಲನಾ ಪ್ರಕ್ರಿಯೆಯ ಮೂಲಕ, ಪಿಎಫ್​ ಸದಸ್ಯರು ವ್ಯಾಪಕ ಶ್ರೇಣಿಯ ಸ್ವಯಂ-ಸೇವಾ ಆಯ್ಕೆಗಳಿಂದ ಆಯ್ಕೆ ಮಾಡಬಹುದು. ಭವಿಷ್ಯದಲ್ಲಿ, ಅನೇಕ ಪಿಎಫ್ ಸೇವೆಗಳು ಉದ್ಯೋಗದಾತ ಅಥವಾ ನಿಮ್ಮ ಕಚೇರಿಯ ಅಗತ್ಯವಿಲ್ಲದೆ ಪೂರ್ಣಗೊಳ್ಳುತ್ತವೆ,(ಏಜೆನ್ಸೀಸ್).

https://www.vijayavani.net/dale-steyn-counters-former-cricketer-for-thier-forms-in-ipl-2025/