ಯೋಷಿಹಿಡೆ ಸುಗಾ (71) ಉತ್ತರ ಜಪಾನ್ನ ಗ್ರಾಮೀಣ ಭಾಗವೊಂದರ ರೈತ ಹಾಗೂ ಶಿಕ್ಷಕಿ ದಂಪತಿಯ ಪುತ್ರ. ಇವರಿಗೆ ಯಾವುದೇ ರಾಜಕೀಯ ಕುಟುಂಬದ ಹಿನ್ನೆಲೆಯಿಲ್ಲ. ಸ್ವತಃ ಅವರು ಸ್ಟ್ರಾಬೆರಿ ಬೆಳೆಗಾರ. ಅಬೆಯವರ ಬಲಗೈ ಬಂಟ ಎಂದು ಖ್ಯಾತರಾಗಿರುವ ಸುಗಾ, ಸೌಮ್ಯ ವ್ಯಕ್ತಿತ್ವದವರು. ಆದರೂ ಕಠಿಣ ನಿರ್ಧಾರ ತಳೆದು ಸಾಧಿಸುವ ಛಲಗಾರ. ಪ್ರಧಾನ ಮಂತ್ರಿ ಕಚೇರಿಯ ಕೇಂದ್ರೀಕೃತ ಅಧಿಕಾರದ ಪ್ರಭಾವ ಬಳಸಿ ಅಧಿಕಾರಶಾಹಿ ಮೇಲೆ ಹಿಡಿತ ಸಾಧಿಸಿದ್ದಾರೆ. ಆಡಳಿತಶಾಹಿಯ ಪ್ರಾದೇಶಿಕ ಅಡೆತಡೆಗಳನ್ನು ಮುರಿದು ನೀತಿಗಳ ಅನುಷ್ಠಾನಕ್ಕೆ ತಾನು ಕೆಲಸ ಮಾಡಿರುವುದಾಗಿ ಸ್ವತಃ ಸುಗಾ ಹೇಳಿ ಕೊಂಡಿದ್ದಾರೆ. ಜಪಾನ್ನಲ್ಲಿ ವಿದೇಶಿ ಪ್ರವಾಸೋದ್ಯಮ ಹೆಚ್ಚಳ, ಸೆಲ್ಫೋನ್ ಬಿಲ್ಗಳ ಕಡಿತ, ಕೃಷಿ ರಫ್ತು ಹೆಚ್ಚಳ ಸಾಧಿಸಿದ ಶ್ರೇಯಸ್ಸು ಸುಗಾರಿಗೆ ಸಲ್ಲುತ್ತದೆ.
