ಬೆಂಗಳೂರಿನಲ್ಲಿ ದುಬಾರಿಯಾಯ್ತು 'ಜೈಲರ್'​ ಟಿಕೆಟ್ ದರ!; ಏರಿಕೆ ಜತೆಗೆ ಬುಕ್ಕಿಂಗ್​ನಲ್ಲಿ ಹೊಸ ದಾಖಲೆ

ಬೆಂಗಳೂರು: ತಮಿಳು ಚಿತ್ರರಂಗದ ಸೂಪರ್​ಸ್ಟಾರ್​, ತಲೈವಾ ರಜಿನಿಕಾಂತ್​ ನಟನೆಯ ಬಹುನಿರೀಕ್ಷಿತ 'ಜೈಲರ್'​ ಚಿತ್ರದ ಬಿಡುಗಡೆಗೆ ಕ್ಷಣಗಣನೆ ಆರಂಭಗೊಂಡಿದ್ದು, ದೇಶದೆಲ್ಲೆಡೆ ಟಿಕೆಟ್​ ಬುಕ್ಕಿಂಗ್​ ಕೂಡ ತೆರದಿದೆ. ಈ ಮಧ್ಯೆ ಬೆಂಗಳೂರಿನಲ್ಲಿ ಸಿನಿಮಾ ಹೊಸ ದಾಖಲೆ ಬರೆಯುವುದರ ಜತೆಗೆ ಸಿನಿಪ್ರೇಕ್ಷಕರಿಗೆ ದಿಢೀರ್​ ದರ ಏರಿಕೆಯ ಬಿಸಿ ಮುಟ್ಟಿಸಿದೆ.

ಇದನ್ನೂ ಓದಿ: ವಿಶ್ವದ ನಂ. 1 ಶ್ರೀಮಂತನಾಗಿದ್ದರೂ 2 ಬೆಡ್‌ರೂಮ್‌ನ ಪುಟ್ಟ ಮನೆಯಲ್ಲಿ ವಾಸ: ಇದು ಎಲಾನ್​​ ಮಸ್ಕ್​ ಸಿಂಪಲ್​ ಲೈಫ್​ ಸ್ಟೈಲ್​

ನೆಲ್ಸನ್ ದಿಲೀಪ್‌ಕುಮಾರ್ ನಿರ್ದೇಶನದ 'ಜೈಲರ್'​ ಚಿತ್ರದಲ್ಲಿ ಸೂಪರ್‌ಸ್ಟಾರ್ ರಜನಿಕಾಂತ್ ಕಾಣಿಸಿಕೊಂಡಿದ್ದು, ಸಹಸ್ರಾರು ಸಂಖ್ಯೆಯ ತಲೈವಾ ಅಭಿಮಾನಿಗಳು ಸಿನಿಮಾ ನೋಡಲು ಕಾತರದಿಂದ ಕಾಯುತ್ತಿದ್ದಾರೆ. ಎಲ್ಲೆಡೆ ಟಿಕೆಟ್​ ಬುಕಿಂಗ್​ ಓಪನ್ ಆಗಿದ್ದೆ ತಡ, ಸಿನಿಪ್ರಿಯರು ನಾ ಮುಂದು ತಾ ಮುಂದು ಎಂದು ಟಿಕೆಟ್​ ಖರೀದಿ ಮಾಡಲು ದೌಡಾಯಿಸಿದ್ದಾರೆ. ಈ ವೇಳೆ ಕರ್ನಾಟಕದಲ್ಲಿ ಜೈಲರ್​ ಚಿತ್ರ ನೋಡಲು ಆಸೆ ಪಟ್ಟ ಸಿನಿಮಾ ಪ್ರೇಕ್ಷಕರಿಗೆ ಇದೀಗ ಶಾಕ್​ ಎದುರಾಗಿದ್ದು, ಜೈಲರ್​ ಟಿಕೆಟ್ ದರದಲ್ಲಿ ಭಾರೀ ಏರಿಕೆ ಮಾಡಲಾಗಿದೆ.

ಓಪನಿಂಗ್​ ದಿನವೇ ಜೈಲರ್​ ಚಿತ್ರದ 1090ಕ್ಕೂ ಹೆಚ್ಚು ಶೋಗಳು ಬೆಂಗಳೂರಿನಲ್ಲಿ ಪ್ರದರ್ಶನಗೊಳ್ಳಲಿದೆ. ಈ ಮೂಲಕ ಚಿತ್ರ ರಾಜ್ಯ ರಾಜಧಾನಿಯಲ್ಲಿ ಹೊಸ ದಾಖಲೆಯನ್ನು ನಿರ್ಮಿಸಿದೆ ಎಂದು ಇತ್ತೀಚಿನ ವರದಿ ಮಾಹಿತಿ ನೀಡಿದೆ. ಜೈಲರ್​ ಚಿತ್ರವು ಕೆಜಿಎಫ್ 2 (1037 ಶೋಗಳು) ಮತ್ತು ಅವತಾರ್: ದಿ ವೇ ಆಫ್ ವಾಟರ್ (1014 ಶೋಗಳು) ಚಿತ್ರಗಳ ಹಿಂದಿನ ದಾಖಲೆಗಳನ್ನು ಇದೀಗ ಹಿಂದಿಕ್ಕಿದೆ. ರಜನಿಕಾಂತ್ ಅವರ ಸಿನಿಮಾಗೆ ಅಭಿಮಾನಿಗಳು ತೀವ್ರ ಕುತೂಹಲ ವ್ಯಕ್ತಪಡಿಸಿದ್ದು, ಸಿನಿಮಾ ಬಿಡುಗಡೆಗಾಗಿ ತುದಿಗಾಲಿನಲ್ಲಿದ್ದಾರೆ.

ಇದನ್ನೂ ಓದಿ: ಮಣಿಪುರ ಸರ್ಕಾರ ವಜಾಗೊಳಿಸಿ, ಸೌಜನ್ಯ ಪ್ರಕರಣ ಮರು ತನಿಖೆಗೆ ಒಪ್ಪಿಸಿ

ಇದರೊಟ್ಟಿಗೆ ಚಿತ್ರದ ಟಿಕೆಟ್​ ದರ ಮಲ್ಟಿಪ್ಲೆಕ್ಸ್​ಗಳಲ್ಲಿ ಭಾರೀ ದುಬಾರಿಯಾಗಿದ್ದು, 500, 700, 1000, 1500 ರೂ.ವರೆಗೂ ಏರಿಕೆ ಕಂಡಿದೆ. ಈ ಸಂಗತಿ ಕನ್ನಡಿಗರನ್ನು ಕೆರಳಿಸಿದ್ದು, ಕನ್ನಡ ಸಿನಿಮಾಗಳಿಗೆ ಇಲ್ಲದ ಆದ್ಯತೆ, ಮನ್ನಣೆ ಅನ್ಯ ಭಾಷೆಯ ಸಿನಿಮಾಗಳಿಗೆ ಏಕೆ? ಟಿಕೆಟ್​ ದರದಲ್ಲಿ ಯಾಕಿಷ್ಟು ಹೆಚ್ಚಳ ಎಂದು ಪ್ರಶ್ನಿಸುವ ಮುಖೇನ ಕನ್ನಡ ಸಿನಿಪ್ರಿಯರು ಕಿಡಿಕಾರಿದ್ದಾರೆ.

https://www.vijayavani.net/bbmp-contractors-meet-cm-siddaramaiah-at-bengaluru