ಕೆಲವೇ ದಿನಗಳಲ್ಲಿ 400%ರಷ್ಟು ಲಾಭ ನೀಡಿದ ಇರೇಡಾ ಷೇರು ಬೆಲೆ ಈಗ ಕುಸಿತ: ಅಂಗಸಂಸ್ಥೆ ಸ್ಥಾಪನೆ ಘೋಷಣೆಯೊಂದಿಗೆ ಮತ್ತೆ ಬರಲಿದೆ ಡಿಮ್ಯಾಂಡು

ಮುಂಬೈ: ಇಂಡಿಯನ್ ರಿನ್ಯೂವಬಲ್ ಎನರ್ಜಿ ಡೆವಲಪ್‌ಮೆಂಟ್ ಏಜೆನ್ಸಿ ಲಿಮಿಟೆಡ್ (IREDA- ಇರೇಡಾ) ಕಂಪನಿಯ ಐಪಿಒ ಕಳೆದ ವರ್ಷ ಸಾಕಷ್ಟು ಯಶಸ್ಸು ಕಂಡಿತ್ತು. ಈ ಐಪಿಒದಲ್ಲಿ ಹೂಡಿಕೆ ಮಾಡಿದವರು ಶ್ರೀಮಂತರಾದರು. ಏಕೆಂದರೆ, ಕೆಲವೇ ದಿನಗಳಲ್ಲಿ ಶೇಕಡಾ 400 ಕ್ಕಿಂತ ಹೆಚ್ಚಿನ ಆದಾಯವನ್ನು ಈ ಷೇರು ನೀಡಿತು. ಆದರೂ, ಕಳೆದ ಕೆಲವು ದಿನಗಳಿಂದ ಈ ಷೇರುಗಳು ಕುಸಿತ ಕಾಣುತ್ತಿವೆ. ಅಲ್ಲದೆ, ನಿರಂತರವಾಗಿ ಲೋವರ್ ಸರ್ಕ್ಯೂಟ್ ತಲುಪುತ್ತಿವೆ. ಈ ವಾತಾವರಣದ ನಡುವೆಯೇ ಈ ಕಂಪನಿ ಹೊಸ ಸಂಕೇತ ನೀಡಿರುವುದರಿಂದ ಇನ್ನು ಮುಂದೆ ಮತ್ತೆ ಈ ಷೇರುಗಳಿಗೆ ಬೇಡಿಕೆ ಕುದುರುವ ವಾತಾವರಣ ತಲೆದೋರುತ್ತಿದೆ.

ಮೇಲ್ಛಾವಣಿ ಸೌರ ಅಯಾನುಗಳು ಮತ್ತು ಎಲೆಕ್ಟ್ರಿಕ್ ವಾಹನಗಳು (ಇವಿ) ಸೇರಿದಂತೆ ಗ್ರಾಹಕ ಅಥವಾ ಚಿಲ್ಲರೆ ವಿಭಾಗಗಳಿಗೆ ಹಣಕಾಸು ವ್ಯವಹಾರಕ್ಕಾಗಿ ಸರ್ಕಾರಿ ಕಂಪನಿಯಾದ ಇರೇಡಾ ಒಂದು ಅಂಗಸಂಸ್ಥೆಯನ್ನು ಸ್ಥಾಪಿಸಲು ಯೋಜಿಸುತ್ತಿದೆ.

ಮೇಲ್ಛಾವಣಿ ಸೌರ, ಪಿಎಂ-ಕುಸುಮ, ಎಲೆಕ್ಟ್ರಿಕ್ ವಾಹನಗಳು ಮತ್ತು ಇತರೆ ಚಿಲ್ಲರೆ ವ್ಯಾಪಾರ ಸಂಬಂಧಿ ವ್ಯವಹಾರವನ್ನು ಕೈಗೊಳ್ಳಲು ಅಂಗಸಂಸ್ಥೆಯನ್ನು ಸ್ಥಾಪಿಸುವ ಬಗ್ಗೆ ಪ್ರಸ್ತಾಪಿಸಲಾಗಿದೆ. ಭಾರತ ಸರ್ಕಾರದ ಅನುಮೋದನೆಗೆ ಒಳಪಟ್ಟು, ಚಿಲ್ಲರೆ ವಲಯದ ಅಗತ್ಯಗಳನ್ನು ಪೂರೈಸಲು ಇರೇಡಾಗೆ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯನ್ನು ಸ್ಥಾಪಿಸಬಹುದು ಎಂದು ಇರೇಡಾ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಪ್ರದೀಪ್ ಕುಮಾರ್ ದಾಸ್ ಹೇಳಿದ್ದಾರೆ.

ಮೇಲ್ಛಾವಣಿ ಸೌರ, PM-KUSUM, ಎಲೆಕ್ಟ್ರಿಕ್ ವಾಹನಗಳು ಮತ್ತು ಇತರ ವ್ಯಾಪಾರದಿಂದ ಗ್ರಾಹಕ (B2C) ವಿಭಾಗಗಳನ್ನು ಒಳಗೊಂಡಿರುವ ಚಿಲ್ಲರೆ ವ್ಯವಹಾರಗಳನ್ನು ಪೂರೈಸಲು ಒಂದು ಅಂಗಸಂಸ್ಥೆಯನ್ನು ಸ್ಥಾಪಿಸುವ ಯೋಜನೆ ಇದೆ. ಸರ್ಕಾರದ ಅನುಮೋದನೆಗೆ ಒಳಪಟ್ಟು ಚಿಲ್ಲರೆ ವಿಭಾಗಗಳ ಅಗತ್ಯತೆಗಳನ್ನು ಪೂರೈಸಲು ಇರೆಡಾ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯನ್ನು ಸ್ಥಾಪಿಸಬಹುದು ಎಂದು ಅವರು ತಿಳಿಸಿದ್ದಾರೆ.

ಹಿಂದಿನ ಸೋಮವಾರ, ದೇಶಾದ್ಯಂತ ನವೀಕರಿಸಬಹುದಾದ ಇಂಧನ ಯೋಜನೆಗಳ ಹಣಕಾಸು ಸಹಕಾರಕ್ಕಾಗಿ ಒಪ್ಪಂದಕ್ಕೆ ಪಂಜಾಬ್ ನ್ಯಾಷನಲ್ ಬ್ಯಾಂಕ್‌ನೊಂದಿಗೆ ಇರೇಡಾ ಸಹಿ ಹಾಕಿದೆ.

IREDA ಷೇರಿನ ಬೆಲೆಯು ಬುಧವಾರ ಶೇಕಡಾ 5 ರಷ್ಟು ಕುಸಿದು, 166.30 ಕ್ಕೆ ತಲುಪಿದೆ. ಫೆಬ್ರವರಿ 6 ರಂದು ಈ ಷೇರು ಬೆಲೆ ಸಾರ್ವಕಾಲಿಕ ಗರಿಷ್ಠ ಮಟ್ಟವಾದ 215 ರೂ. ತಲುಪಿತ್ತು. ಈ ಷೇರುಗಳನ್ನು ಕಳೆದ ವರ್ಷ ನವೆಂಬರ್ 29 ರಂದು ಷೇರು ವಿನಿಮಯ ಕೇಂದ್ರದಲ್ಲಿ ಪಟ್ಟಿ ಮಾಡಲಾಗಿದೆ. ಈಗ ಮತ್ತೊಮ್ಮೆ ಈ ಸ್ಟಾಕ್ ಚೇತರಿಕೆಯ ಲಕ್ಷಣಗಳಿವೆ ಎಂದು ಅನೇಕ ತಜ್ಞರು ಹೇಳುತ್ತಾರೆ.

https://www.vijayavani.net/adani-share-price-fall-expert-advice-to-buy-this-stock-which-will-rise-in-price-in-the-next-few-days

https://www.vijayavani.net/the-stock-price-of-the-drone-company-which-has-seen-a-decline-at-the-moment-brokerage-firm-says-that-it-will-double-in-the-future

https://www.vijayavani.net/it-company-gets-back-to-back-orders-share-price-jumps-14-45-in-a-single-day

https://www.vijayavani.net/government-bank-doing-stock-split-for-the-first-time-shares-with-higher-dividend-are-now-in-demand