ಎಲ್​ಇಡಿ ಲೈಟ್​ ತಯಾರಿಸುವ ಕಂಪನಿಯ ಪೆನ್ನಿ ಸ್ಟಾಕ್​ನಲ್ಲಿ ಹೂಡಿಕೆ: 3 ತಿಂಗಳಲ್ಲೇ 233.97%ರಷ್ಟು ಗಳಿಕೆ

ಮುಂಬೈ: ಪೆನ್ನಿ ಸ್ಟಾಕ್​ಗಳು ಹೂಡಿಕೆದಾರರಿಗೆ ಕೆಲವೊಮ್ಮೆ ಬಂಪರ್​ ಲಾಭವನ್ನೇ ನೀಡುತ್ತವೆ. ಕಡಿಮೆ ಬೆಲೆಯ ಷೇರುಗಳನ್ನು ಪೆನ್ನಿ ಸ್ಟಾಕ್​ ಎನ್ನುತ್ತಾರೆ. ಇಂತಹ ಒಂದು ಪೆನ್ನಿ ಸ್ಟಾಕ್​ ಮೂರೇ ತಿಂಗಳಲ್ಲಿ ಹೂಡಿಕೆದಾರರಿಗೆ 233.97%ರಷ್ಟು ಲಾಭ ನೀಡಿದೆ.

ಈ ಪೆನ್ನಿ ಸ್ಟಾಕ್​ ಬೆಟ್​ ಮಾಡುವುದನ್ನು ಅನೇಕ ಹೂಡಿಕೆದಾರರು ಈಗಲೂ ಮುಂದುವರಿಸಿದ್ದಾರೆ.

ಈ ಷೇರಿನ ಬೆಲೆ ಈಗ 58.11 ರೂಪಾಯಿಗೆ ಏರಿಕೆ ಕಂಡಿದೆ. ಶುಕ್ರವಾರ (ಜ. 19) ಇದರ ಬೆಲೆ 2.63 (4.74%) ರೂಪಾಯಿ ಹೆಚ್ಚಾಗಿದೆ. ಐದು ತಿಂಗಳ ಹಿಂದೆ ಈ ಷೇರಿನ ಬೆಲೆ 17 ರೂಪಾಯಿಗೆ ಆಸುಪಾಸಿನಲ್ಲಿತ್ತು. ಈ ಷೇರುಗಳಲ್ಲಿನ ಹೂಡಿಕೆಯು ಒಂದು ವರ್ಷದಲ್ಲಿ 495.39%ರಷ್ಟು ಲಾಭ ನೀಡಿದೆ.

ಈ ಕಂಪನಿಯ ಉತ್ಪನ್ನಗಳಲ್ಲಿ ಮೂನ್ ಎಲ್ಇಡಿ ಸರ್ಫೇಸ್ ಲೈಟ್ಸ್, ಎಲ್ಇಡಿ ಸ್ಪಾಟ್ ಲೈಟ್ಸ್, ಎಲ್ಇಡಿ ಎಸಿ ಸ್ಟ್ರೀಟ್ ಲೈಟ್ಸ್, ಎಲ್ಇಡಿ ಪ್ಲಾಸ್ಟಿಕ್ ಬಾಡಿ ಪ್ಯಾನಲ್ ಲೈಟ್ಸ್, ಎಲ್ಇಡಿ ಆರ್ಕಿಟೆಕ್ಚರಲ್ ಲೈಟ್ಸ್, ಎಲ್ಇಡಿ ಡೌನ್ಲೈಟ್ಸ್, ಗಾರ್ಡನ್/ಕಾಂಪೌಂಡ್ ಲೈಟಿಂಗ್, ಸೌರ ಚಾಲಿತ ಹೋಮ್ ಎಲ್ಇಡಿ ಲೈಟಿಂಗ್ ಸಿಸ್ಟಮ್ಸ್ ಮತ್ತು ಎಲ್ಇಡಿ ಆಧಾರಿತ ಬೀದಿ ದೀಪಗಳು ಪಾದಚಾರಿ/ ವಾಕ್-ಥ್ರೂ ಸೂಚನೆ ದೀಪಗಳು ಸೇರಿವೆ. ಪ್ರಸ್ತುತ, ಈ ಕಂಪನಿಯ ಎಲ್ಇಡಿ ದೀಪಗಳಿಗೆ ಸಾಕಷ್ಟು ಬೇಡಿಕೆಯಿದೆ.

ಈ ಕಂಪನಿಯ ಲಾಭದ ಬೆಳವಣಿಗೆಯು ಅಂದಾಜು 156 ಪ್ರತಿಶತ ಇದೆ. ಈ ಕಂಪನಿಯಲ್ಲಿ ಪ್ರವರ್ತಕರ ಷೇರು ಪಾಲು 72% ಇದೆ.

ಸೌರ ಶಕ್ತಿ ಬೆಳಕಿನ ಹೊಸ ಕ್ಷೇತ್ರಗಳ ಕಡೆಗೆ ಈಗ ಕಂಪನಿಯ ಗಮನ ಕೇಂದ್ರೀಕೃತವಾಗಿವೆ. ಇಂತಹ ಉಪಕ್ರಮಗಳು ಮಾರುಕಟ್ಟೆಯಲ್ಲಿ ದೊಡ್ಡ ಅವಕಾಶವನ್ನು ಒದಗಿಸಬಹುದಾಗಿದೆ. ಈ ಕಂಪನಿಗೆ ಹೆಚ್ಚಿನ ಬೇಡಿಕೆ ಸೃಷ್ಟಿಸಬಹುದಾಗಿದೆ.

https://www.vijayavani.net/interim-budget-2024-what-do-taxpayers-want-what-are-the-benefits-available-to-you

https://www.vijayavani.net/railway-stock-surges-nearly-500-in-10-months-market-cap-reaches-rs-2-lakh-crore-heres-why

https://www.vijayavani.net/this-company-is-poised-to-pay-an-interim-dividend-of-580-the-demand-for-this-companys-shares-is-high