ಮುಂಬೈ: ಭಾರತೀಯ ರೈಲ್ವೇ ಫೈನಾನ್ಸ್ ಕಾರ್ಪೊರೇಷನ್ (IRFC) ಶುಕ್ರವಾರ ಮಹತ್ವದ ಮೈಲಿಗಲ್ಲನ್ನು ಸಾಧಿಸಿದೆ, ಅದರ ಮಾರುಕಟ್ಟೆ ಬಂಡವಾಳವು ಮೊದಲ ಬಾರಿಗೆ 2 ಲಕ್ಷ ಕೋಟಿ ರೂಪಾಯಿ ಮೀರಿದೆ, ಈ ಸಾಧನೆಯನ್ನು ಸಾಧಿಸಿದ ಒಂಬತ್ತನೇ ಭಾರತೀಯ ಸಾರ್ವಜನಿಕ ವಲಯದ ಘಟಕ (PSU) ಸಂಸ್ಥೆ ಇದಾಗಿದೆ. ಮಾರುಕಟ್ಟೆ ಬಂಡವಾಳ ಎಂದರೆ, ಒಂದು ಕಂಪನಿಯ ಎಲ್ಲ ಷೇರುಗಳ ಒಟ್ಟು ಮೊತ್ತ.
ಶುಕ್ರವಾರದ ವಹಿವಾಟಿನಲ್ಲಿ ಸ್ಟಾಕ್ 158.50 ರೂಪಾಯಿಗೆ ಏರಿಕೆ ಹೊಸ ಸಾರ್ವಕಾಲಿಕ ಗರಿಷ್ಠ ಮಟ್ಟವನ್ನು ಮುಟ್ಟಿತು. ಕಳೆದ 10 ತಿಂಗಳುಗಳಲ್ಲಿ (ಜನವರಿ ಸೇರಿದಂತೆ), ಈ ಸ್ಟಾಕ್ ಗಮನಾರ್ಹವಾದ ಏರಿಕೆ ಕಂಡಿದೆ.
ಈ 10 ತಿಂಗಳಲ್ಲಿ 495% ನಷ್ಟು ಅಸಾಧಾರಣ ಲಾಭವನ್ನು ಈ ಷೇರು ಕಂಡಿದೆ. 10 ತಿಂಗಳ ಹಿಂದೆ 26.60 ರೂಪಾಯಿ ಇದ್ದ ಈ ಷೇರಿನ ಬೆಲೆ ಈಗ 158 ರೂಪಾಯಿಗೆ ಏರಿಕೆ ದಾಖಲಿಸಿದೆ.
ಕಳೆದ ವರ್ಷ ಸೆಪ್ಟೆಂಬರ್ನಲ್ಲಿ ಒಂದು ಲಕ್ಷ ಕೋಟಿ ರೂಪಾಯಿ ಮಾರುಕಟ್ಟೆ ಬಂಡವಾಳದ ಮೈಲಿಗಲ್ಲನ್ನು ದಾಟಿದ ಈ ಕಂಪನಿಯು ಮುಂದಿನ ಒಂದು ಲಕ್ಷ ಕೋಟಿ ರೂ. ಮಾರುಕಟ್ಟೆ ಬಂಡವಾಳಿಕರಣ ಗಳಿಸಲು ಕೇವಲ ನಾಲ್ಕು ತಿಂಗಳುಗಳನ್ನು ತೆಗೆದುಕೊಂಡಿರುವುದು ಗಮನಾರ್ಹವಾಗಿದೆ. ಈ ಷೇರುಗಳ ನಾಗಾಲೋಟದಲ್ಲಿ ಮುಂದುವರಿದಿರುವುದೇ ಇದಕ್ಕೆ ಕಾರಣ.
ಪ್ರಸಕ್ತ ತಿಂಗಳೊಂದರಲ್ಲೇ, ಈ ಸ್ಟಾಕ್ ಇಲ್ಲಿಯವರೆಗೆ ಪ್ರಭಾವಶಾಲಿ 57 ರಷ್ಟು ಏರಿಕೆಯಾಗಿದೆ, 2021ರ ಜನವರಿಯಿಂದ ಈ ಷೇರುಗಳು ನಿರಂತರವಾಗಿ ಬೃಹತ್ ಪ್ರಮಾಣದ ಲಾಭವನ್ನು ನೀಡುತ್ತ ಬಂದಿವೆ. 2021ರಿಂದ ಇದುವರೆಗೆ ಈ ಷೇರು ಅಂದಾಜು 500% ರಷ್ಟು ಹೆಚ್ಚಾಗಿದೆ.
ಭಾರತೀಯ ರೈಲ್ವೇ ಮೂಲಸೌಕರ್ಯ ಅಭಿವೃದ್ಧಿ ಯೋಜನೆಯನ್ನು ಬೆಂಬಲಿಸುವಲ್ಲಿ IRFC ಕಾರ್ಯತಂತ್ರದ ಪಾತ್ರವನ್ನು ವಹಿಸುತ್ತದೆ. ಹೆಚ್ಚುವರಿ ಬಜೆಟ್ ಸಂಪನ್ಮೂಲ ಅವಶ್ಯಕತೆಗಳನ್ನು ಪೂರೈಸಲು ಭಾರತೀಯ ರೈಲ್ವೆಯ ಪ್ರಾಥಮಿಕ ಮಾರುಕಟ್ಟೆ ಎರವಲು ಅಂಗವಾಗಿ ಇದು ಕಾರ್ಯನಿರ್ವಹಿಸುತ್ತದೆ. ಭಾರತೀಯ ರೈಲ್ವೇಗೆ ಧನಸಹಾಯ ನೀಡುವುದರ ಹೊರತಾಗಿ, ರೈಲ್ವೆಯೊಂದಿಗೆ ಹಿಂದುಳಿದ ಮತ್ತು ಮುಂದಕ್ಕೆ ಸಂಪರ್ಕವನ್ನು ಹೊಂದಿರುವ ಯೋಜನೆಗಳಿಗೆ ಹಣಕಾಸನ್ನು ಈ ಕಂಪನಿ ಒದಗಿಸುತ್ತದೆ.
ರೈಲ್ವೆ ಸಂಬಂಧಿತ ಕಂಪನಿಗಳಾದ ಇರ್ಕಾನ್ ಇಂಟರ್ನ್ಯಾಶನಲ್ ಮತ್ತು ರೈಲ್ ವಿಕಾಸ್ ನಿಗಮ್ ಷೇರುಗಳು ಕೂಡ ಕಳೆದ ವರ್ಷದಲ್ಲಿ ಕ್ರಮವಾಗಿ 250% ಮತ್ತು 235% ನಷ್ಟು ಲಾಭದೊಂದಿಗೆ ಮಲ್ಟಿಬ್ಯಾಗರ್ ಆದಾಯವನ್ನು ನೀಡಿವೆ.
ಏತನ್ಮಧ್ಯೆ, ಮುಂಬರುವ 2024 ರ ಬಜೆಟ್ನಲ್ಲಿ ರೈಲ್ವೇ ಮೂಲಸೌಕರ್ಯ ಅಭಿವೃದ್ಧಿಗೆ ಹೊಸ ಹೂಡಿಕೆಯನ್ನು ಭಾರತ ಸರ್ಕಾರ ಘೋಷಿಸುವ ನಿರೀಕ್ಷೆ ಇದೆ. ಅಲ್ಲದೆ, ಕಂಪನಿಯ ಮೂರನೇ ತ್ರೈಮಾಸಿಕ ಫಲಿತಾಂಶಗಳು ಉತ್ತಮವಾಗಿವೆ, ಹೀಗಾಗಿ, ಈ ಷೇರುಗಳಿಗೆ ಮುಂದಿನ ದಿನಗಳಲ್ಲಿಯೂ ಭಾರಿ ಬೇಡಿಕೆ ಮುಂದುವರಿಯುವ ನಿರೀಕ್ಷೆ ಇದೆ.
580% ಮಧ್ಯಂತರ ಲಾಭಾಂಶ ನೀಡಲು ಸಜ್ಜಾಗಿದೆ ಈ ಕಂಪನಿ: ಈ ಸಂಸ್ಥೆಯ ಷೇರಿಗೆ ಈಗ ಕುದುರಿದೆ ಬೇಡಿಕೆ