ಆಭರಣ ಕಂಪನಿ ಐಪಿಒ ಹೂಡಿಕೆಯಲ್ಲಿದೆ ಸಾಕಷ್ಟು ಲಾಭ: ಗ್ರೇ ಮಾರುಕಟ್ಟೆ ಈ ಷೇರಿಗೆ 66% ಪ್ರೀಮಿಯಂ

ಮುಂಬೈ: 2005 ರಲ್ಲಿ ಸ್ಥಾಪಿತವಾದ ವರ್ಯಾ ಕ್ರಿಯೇಷನ್ ಲಿಮಿಟೆಡ್​ (Varyaa Creation Limited) ಚಿನ್ನ, ಬೆಳ್ಳಿ, ವಜ್ರ ಮತ್ತು ಇತರ ಅಮೂಲ್ಯ ಹರಳು, ಆಭರಣಗಳನ್ನು ತಯಾರಿಸುವ ವ್ಯವಹಾರದಲ್ಲಿ ತೊಡಗಿಸಿಕೊಂಡಿರುವ ಕಂಪನಿಯಾಗಿದೆ. ಶೀಘ್ರದಲ್ಲೇ ಷೇರು ಮಾರುಕಟ್ಟೆಯಲ್ಲಿ ಪಟ್ಟಿಯಾಗಲಿದೆ. ಕಂಪನಿಯು ಆಭರಣ ತಯಾರಿಕೆ ಮತ್ತು ವ್ಯಾಪಾರದಲ್ಲಿ ದೊಡ್ಡ ಹೆಸರನ್ನು ಗಳಿಸಿದೆ. ವರ್ಯಾ ಕ್ರಿಯೇಷನ್ ​​ಲಿಮಿಟೆಡ್‌ನ ಸೋಮವಾರ ಏಪ್ರಿಲ್ 22 ರಂದು ತೆರೆಯಲಿದೆ. ಗುರುವಾರ ಏಪ್ರಿಲ್ 25 ರಂದು ಮುಚ್ಚಲಿದೆ.

ಜ್ಯುವೆಲ್ಲರಿ ಕಂಪನಿಯು ಈ ಐಪಿಒದಿಂದ 20.10 ಕೋಟಿ ಸಂಗ್ರಹಿಸಲಿದೆ. ವರ್ಯಾ ಕ್ರಿಯೇಷನ್ ​​ಈ ಐಪಿಒ ಮೂಲಕ 13.4 ಲಕ್ಷ ಷೇರುಗಳನ್ನು ನೀಡುತ್ತಿದೆ. ನೀವು ರತ್ನಗಳು ಮತ್ತು ಆಭರಣ ವ್ಯವಹಾರದಲ್ಲಿ ಈ ಕಂಪನಿಯ ಐಪಿಒದಲ್ಲಿ ಹೂಡಿಕೆ ಮಾಡಲು ಬಯಸಿದರೆ, ನೀವು ಏಪ್ರಿಲ್ 22 ರಿಂದ ಏಪ್ರಿಲ್ 25 ರವರೆಗೆ ಅರ್ಜಿ ಸಲ್ಲಿಸಬಹುದು.

ವರ್ಯಾ ಕ್ರಿಯೇಷನ್‌ನ ಐಪಿಒ ಯಶಸ್ವಿ ಅರ್ಜಿದಾರರಿಗೆ ಷೇರುಗಳ ಹಂಚಿಕೆ ಶುಕ್ರವಾರ, ಏಪ್ರಿಲ್ 26 ರಂದು ನಡೆಯುವ ಸಾಧ್ಯತೆಯಿದೆ. ಐಪಿಒನಲ್ಲಿ ಬಿಡ್ ಮಾಡಿದ ನಂತರ ನೀವು ವರ್ಯಾ ಕ್ರಿಯೇಷನ್‌ನ ಷೇರುಗಳನ್ನು ಪಡೆಯದಿದ್ದರೆ, ಏಪ್ರಿಲ್ 29 ಸೋಮವಾರದವರೆಗೆ ಮರುಪಾವತಿಯನ್ನು ಮಾಡಬಹುದು. ವರ್ಯಾ ಕ್ರಿಯೇಷನ್‌ನ ಐಪಿಒದಲ್ಲಿ ಷೇರುಗಳನ್ನು ಹಂಚಿಕೆ ಮಾಡುವವರು, ಅದನ್ನು ಸೋಮವಾರ ಅವರ ಡಿಮ್ಯಾಟ್ ಖಾತೆಗೆ ವರ್ಗಾಯಿಸಬಹುದು.

ವರ್ಯಾ ಕ್ರಿಯೇಷನ್‌ನ ಷೇರುಗಳಿಗೆ ಅರ್ಜಿ ಸಲ್ಲಿಸಲು, ಅದರ ಲಾಟ್ ಗಾತ್ರ 1000 ಷೇರುಗಳದ್ದಾಗಿದೆ. ಷೇರಿನ ಮುಖಬೆಲೆಯು ಪ್ರತಿ ಷೇರಿಗೆ ರೂ. 10 ಆಗಿದೆ. ವರ್ಯಾ ಕ್ರಿಯೇಷನ್‌ನ ಐಪಿಒದಲ್ಲಿ ಪ್ರತಿ ಷೇರಿಗೆ 150 ರೂ.ಗೆ ಬೆಲೆಯನ್ನು ನಿಗದಿಪಡಿಸಲಾಗಿದೆ. ವರ್ಯಾ ಕ್ರಿಯೇಷನ್‌ನ ಷೇರುಗಳನ್ನು ಮಂಗಳವಾರ, ಏಪ್ರಿಲ್ 30 ರಂದು ಬಿಎಸ್‌ಇ ಎಸ್‌ಎಂಇ ಪ್ಲಾಟ್‌ಫಾರ್ಮ್‌ನಲ್ಲಿ ಪಟ್ಟಿ ಮಾಡಬಹುದು ಎಂದು ನಿರೀಕ್ಷಿಸಲಾಗಿದೆ. ನೀವು ವರ್ಯಾ ಕ್ರಿಯೇಷನ್‌ನ ಷೇರುಗಳಿಗೆ ಅರ್ಜಿ ಸಲ್ಲಿಸಿದರೆ, ನೀವು ಕನಿಷ್ಠ 1000 ಷೇರುಗಳಿಗೆ (ಇದರ ಮೊತ್ತ 1.50 ಲಕ್ಷ ರೂಪಾಯಿ) ಬಿಡ್​ ಮಾಡಬೇಕಾಗುತ್ತದೆ.

ವರ್ಯಾ ಕ್ರಿಯೇಷನ್ ​​ಲಿಮಿಟೆಡ್ ಷೇರು ಮಾರುಕಟ್ಟೆಯಲ್ಲಿ ಲಿಸ್ಟ್ ಆಗುವ ಮೊದಲು ಗ್ರೇ ಮಾರುಕಟ್ಟೆಯಲ್ಲಿ ದೊಡ್ಡ ಸದ್ದು ಮಾಡುತ್ತಿದೆ. ಪ್ರಸ್ತುತ, ವರ್ಯಾ ಕ್ರಿಯೇಷನ್‌ನ ಐಪಿಒದ ಪ್ರೀಮಿಯಂ ಗ್ರೇ ಮಾರುಕಟ್ಟೆಯಲ್ಲಿ ಪ್ರತಿ ಷೇರಿಗೆ ರೂ. 100 ಇದೆ. ಇದೇ ಪರಿಸ್ಥಿತಿ ಮುಂದುವರಿದರೆ, ಐಪಿಒದಲ್ಲಿ 150 ರೂಪಾಯಿ ಬೆಲೆ ಇರುವ ಷೇರು ಮಾರುಕಟ್ಟೆಯಲ್ಲಿ 250 ರೂಪಾಯಿಗೆ ಪಟ್ಟಿಯಾಗಬಹುದು. ಈ ಮೂಲಕ ಮೊದಲ ದಿನವೇ ಹೂಡಿಕೆದಾರರಿಗೆ ಶೇ. 66.66 ಲಾಭವಾಗಬಹುದಾಗಿದೆ.

https://www.vijayavani.net/up-12-in-one-year-will-tata-group-stock-rise-may-8-is-a-big-day-for-this-stock

https://www.vijayavani.net/first-phase-of-voting-today-what-should-stock-investors-do-during-election-time-what-do-the-experts-say

https://www.vijayavani.net/54-paise-share-now-rs-116-investors-in-this-pharma-share-are-now-bilionare