ಸೂಪರ್​ ಮಾರ್ಕೆಟ್​ನಲ್ಲಿ ಶೂಟೌಟ್​: ಗುಜರಾತ್​ ಮೂಲದ ಮಹಿಳೆ ಅಮೆರಿಕದಲ್ಲಿ ಬಲಿ; ಮೇಘನಾಬೆನ್​ ಪಟೇಲ್​ ಮೃತ ದುರ್ದೈವಿ! Meghanaben Patel

ವರ್ಜಿನೀಯಾ: ಅಮೆರಿಕದ ಸೂಪರ್​ ಮಾರ್ಕೆಟ್​ವೊಂದರಲ್ಲಿ ಕಳ್ಳತನಕ್ಕೆ ಯತ್ನಿಸಿದ ವ್ಯಕ್ತಿ ಭಾರತದ ಗುಜರಾತ್​ ಮೂಲಕ ಮಹಿಳೆಯೊಬ್ಬಳನ್ನು ಗುಂಡಿಕ್ಕಿ ಕೊಂದ ಘಟನೆ ವರ್ಜಿನೀಯಾದಲ್ಲಿ ವರದಿಯಾಗಿದೆ. ಮೃತ ಮಹಿಳೆಯನ್ನು ಮೇಘನಾಬೆನ್​ ಪಟೇಲ್​ (Meghanaben Patel) (45) ಎಂದು ಗುರುತಿಸಲಾಗಿದ್ದು, ಇಕೆ ಸುಮಾರು ಹತ್ತು ವರ್ಷದಿಂದ ಅಮೆರಿಕದಲ್ಲಿ ನೆಲೆಸಿದ್ದ ಬಗ್ಗೆ ಮಾಹಿತಿ ಲಭಗಯವಾಗಿದೆ.

ಸೂಪರ್​ ಮಾಕೆರ್ಟ್​ನ ದರೋಡೆಗೆ ಯತ್ನಿಸಿದ ಸಮಯದಲ್ಲಿ ಮೇಘನಾಬೆನ್​ ಪಟೇಲ್​ ಮೇಲೆ ವ್ಯಕ್ತಿ ಬಂದೂಕಿನಿಂದ ಗುಂಡು ಹಾರಿಸಿದ ಪರಿಣಾಮ ಸಾವು ಸಂಭವಿಸಿದೆ ಎಂದು ತಿಳಿದು ಬಂದಿದೆ.ಈ ದೃಶ್ಯವು ಸಿಸಿಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಪೊಲೀಸರು ಶಂಕಿತನನ್ನು ಪತ್ತೆ ಹಚ್ಚುವ ಕಾರ್ಯದಲ್ಲಿ ನಿರತರಾಗಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.

ಈ ಶೂಟೌಟ್​ ವಿಡಿಯೋ ಸೂಪರ್​ ಮಾರ್ಕೆಟ್​ನಲ್ಲಿದ್ದ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಅಂಗಡಿಗೆ ಎಂಟ್ರಿ ಕೊಡುವ ವ್ಯಕ್ತಿಯೊಬ್ಬ ಮೇಘನಾಬೆನ್​ ಜೊತೆ ಏನೋ ಮಾತನಾಡುತ್ತಾನೆ. ಆಮೇಲೆ ದಢೀರನೇ ಗನ್​ ತೆಗೆದ ಆತ ಆಕೆಯ ಮೇಲೆ ಗಂಡನ್ನು ಹಾರಿಸಿ ಪರಾರಿಯಾಗಿದ್ದಾನೆ. ಸದ್ಯ ಇವನ ಬೇಟೆಗೆ ಇಳಿದಿರುವ ವರ್ಜಿನೀಯಾ ಪೊಲೀಸರು ಶೀಘ್ರವೇ ಇವನನ್ನು ಪತ್ತೆಹಚ್ಚಿ ಬಂಧಿಸಲಾಗುವುದು ಎಂದು ಹೇಳಿಕೆ ನೀಡಿದ್ದಾರೆ, (ಏಜನ್ಸೀಸ್​).