17 ಜಿಲ್ಲೆಯಲ್ಲಿ 14 ಸಾವಿರ ಎಕರೆ ಭೂ ಸ್ವಾಧೀನಕ್ಕೆ ಆಸಕ್ತಿ; ತುಮಕೂರು ಸೇರಿ 11 ಜಿಲ್ಲೆಗಳಲ್ಲಿ ತಲಾ ಸಾವಿರ ಎಕರೆ ನಿರೀಕ್ಷೆ

| ಶ್ರೀಕಾಂತ್ ಶೇಷಾದ್ರಿ ಬೆಂಗಳೂರು

ಕೋವಿಡ್ ಮೂರನೇ ಅಲೆ ತಗ್ಗುತ್ತಿದ್ದಂತೆ ಕೈಗಾರಿಕಾ ಕ್ಷೇತ್ರದ ಹೂಡಿಕೆಗೆ ಬೂಸ್ಟ್ ನೀಡಲು ಸಿದ್ಧತೆ ಮಾಡಿಕೊಂಡಿರುವ ಸರ್ಕಾರ ಅಗತ್ಯ ಭೂಮಿ ನೀಡಲು ವಿಶೇಷ ಆಸಕ್ತಿ ತೋರಿಸಿದೆ. ಪ್ರಸ್ತುತ ಕೈಗಾರಿಕೆಗಳು ಜಮೀನು ಬಯಸಿದಲ್ಲಿ ನೀಡಲು ವಿವಿಧ ಜಿಲ್ಲೆಗಳಲ್ಲಿ 5890.27 ಎಕರೆ ಜಾಗವನ್ನು ಸಿದ್ಧಮಾಡಿಟ್ಟುಕೊಂಡಿದೆ. 25,872.34 ಎಕರೆಯಷ್ಟು ಭೂಮಿಯ ಭೂ ಸ್ವಾಧೀನ ಪ್ರಕ್ರಿಯೆ ಪ್ರಗತಿಯಲ್ಲಿದ್ದರೆ, 14,200 ಎಕರೆ ಭೂಮಿಯನ್ನು ಸ್ವಾಧೀನಪಡಿಸಿಕೊಳ್ಳಲು ಸಿದ್ಧತೆ ನಡೆಸುತ್ತಿದೆ.

ವಿವಿಧ ಯೋಜನಾ ಅನುಮೋದನೆ ಸಮಿತಿಗಳಲ್ಲಿ ಹೊಸ ಕೈಗಾರಿಕಾ ಯೋಜನೆಗಳಿಗೆ ಅನುಮೋದನಾ ಪ್ರಕ್ರಿಯೆ ಪ್ರಗತಿಯಲ್ಲಿದ್ದು, ಕೆಐಡಿಬಿ ಅಭಿವೃದ್ಧಿಪಡಿಸಿರುವ ಹೊಸ ಕೈಗಾರಿಕಾ ಪ್ರದೇಶಗಳಲ್ಲಿ ಲಭ್ಯವಿರುವ 5890.27 ಎಕರೆಯನ್ನು ನೀಡಲಾಗುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಜಾಗತಿಕ ಹೂಡಿಕೆದಾರರ ಸಮಾವೇಶ ನಡೆಸಲು ಕೋವಿಡ್ ಅಡ್ಡಿಯಾಗಿದ್ದರೂ ಹೂಡಿಕೆದಾರರನ್ನು ಸೆಳೆಯಲು ನಿರಂತರ ಪ್ರಯತ್ನ ನಡೆಸುತ್ತಿದೆ. ದೇಶದಲ್ಲಿ ಅತಿ ಹೆಚ್ಚು ಹೂಡಿಕೆಯಾಗುತ್ತಿರುವ ರಾಜ್ಯಗಳ ಪಟ್ಟಿಯಲ್ಲಿ ಕರ್ನಾಟಕ ಮುಂಚೂಣಿಯಲ್ಲಿದ್ದು, ಇನ್ನಷ್ಟು ಸೆಳೆಯಲು ವಿಶೇಷ ಗಮನ ನೀಡಲಾಗಿದೆ ಎಂದು ಅಧಿಕಾರಿಗಳು ವಿವರಿಸಿದ್ದಾರೆ.

ಸ್ವಾಧೀನ ಗುರಿ

• ಬೆಳಗಾವಿ, ದಾವಣಗೆರೆ, ಮೈಸೂರು, ಬೀದರ್, ಬಳ್ಳಾರಿ, ಚಿಕ್ಕಬಳ್ಳಾಪುರ, ಹಾವೇರಿ, ಚಿತ್ರದುರ್ಗ, ಕಲಬುರಗಿಯಲ್ಲಿ ತಲಾ ಒಂದು ಸಾವಿರ ಎಕರೆ.
• ಹಾಸನ, ಕೊಪ್ಪಳ, ಉಡುಪಿ, ಚಿಕ್ಕಮಗಳೂರು, ಶಿವಮೊಗ್ಗದಲ್ಲಿ ತಲಾ ಐನೂರು ಎಕರೆ.
• ತುಮಕೂರಲ್ಲಿ 2 ಸಾವಿರ ಎಕರೆ, ಉತ್ತರ ಕನ್ನಡ ಮತ್ತು ಕೊಡಗಲ್ಲಿ ತಲಾ 200 ಎಕರೆ, ಗದಗದಲ್ಲಿ 300 ಎಕರೆ.

ಪ್ರಕ್ರಿಯೆ ಪ್ರಗತಿಯಲ್ಲಿ: ದಾವಣಗೆರೆಯಲ್ಲಿ 6043 ಎಕರೆ, ಬೆಂಗಳೂರು ಗ್ರಾಮಾಂತರದಲ್ಲಿ 4605 ಎಕರೆ, ವಿಜಯಪುರದಲ್ಲಿ 339 ಎಕರೆ, ಯಾದಗಿರಿಯಲ್ಲಿ 3269 ಎಕರೆ, ಬಳ್ಳಾರಿಯಲ್ಲಿ 395 ಎಕರೆ, ತುಮಕೂರಲ್ಲಿ 7906 ಎಕರೆ, ಕೋಲಾರದಲ್ಲಿ 761 ಎಕರೆ, ಚಿಕ್ಕಬಳ್ಳಾಪುರದಲ್ಲಿ 1649 ಎಕರೆ, ಗದಗದಲ್ಲಿ 213 ಎಕರೆ, ರಾಯಚೂರಲ್ಲಿ 690 ಎಕರೆ ಭೂ ಸ್ವಾಧೀನ ಪ್ರಕ್ರಿಯೆ ಪ್ರಗತಿಯಲ್ಲಿದೆ.

ಬಹು ನಿರೀಕ್ಷಿತ ಯೋಜನೆಗಳ ಪ್ರಗತಿ ವಿವರಣೆ

1. ಚೆನ್ನೈ- ಬೆಂಗಳೂರು ಕೈಗಾರಿಕಾ ಕಾರಿಡಾರ್ (ತುಮಕೂರು)ಗೆಂದು 8484 ಎಕರೆ ಬಳಸಲಾಗುತ್ತಿದ್ದು, ನ್ಯಾಷನ್ ಇಂಡಸ್ಟ್ರಿಯಲ್ ಕಾರಿಡಾರ್ ಡೆವಲಪ್​ವೆುಂಟ್ ಆಂಡ್ ಇಂಪ್ಲಿಮೆಂಟೇಶನ್ ಕಾರ್ಪೆರೇಷನ್ ಟ್ರಸ್ಟ್ ಮತ್ತು ಕೈಎಡಿಬಿ ಸಹಭಾಗಿತ್ವದಲ್ಲಿ ವಿಶೇಷ ವಾಹಕ ರಚಿಸಲಾಗಿದೆ. 840 ಕೋಟಿ ರೂ. ವೆಚ್ಚದ ಇಪಿಸಿ ಮಾದರಿಯಲ್ಲಿ ಟೆಂಡರ್ ಪ್ರಕ್ರಿಯೆ ಜಾರಿಯಲ್ಲಿದೆ.
2. ಮುಂಬೈ- ಬೆಂಗಳೂರು ಕೈಗಾರಿಕಾ ಕಾರಿಡಾರ್(ಧಾರವಾಡ)ಗೆ 6042 ಎಕರೆ ಬಳಸುತ್ತಿದ್ದು, ಭೂ ಸ್ವಾಧೀನ ಪ್ರಕ್ರಿಯೆ ಜಾರಿಯಲ್ಲಿದೆ. ಮಾಸ್ಟರ್ ಪ್ಲಾ್ಯನ್, ವಿನ್ಯಾಸ ಮತ್ತು ಟೆಂಡರ್ ಆಹ್ವಾನಿಸಲು ಎನ್​ಐಎನ್​ಡಿಸಿನಿಂದ ಸಲಹೆಗಾರರನ್ನು ನೇಮಿಸಿಕೊಳ್ಳಲಾಗಿದೆ.
3. ಹೈದರಾಬಾದ್- ಬೆಂಗಳೂರು ಕೈಗಾರಿಕಾ ಕಾರಿಡಾರ್(ಕಡೇಚೂರು, ಯಾದಗಿರಿ)ಗೆ 6500 ಎಕರೆ ಜಾಗದ ಅವಶ್ಯಕತೆ ಇದ್ದು, ಭೂ ಸ್ವಾಧಿನ ಪ್ರಕ್ರಿಯೆ ಜಾರಿಯಲ್ಲಿದೆ.
4. ತುಮಕೂರು ಮಿಷನ್ ಟೂಲ್ ಪಾರ್ಕ್ (ತುಮಕೂರು)ಅನ್ನು 530 ಎಕರೆ ಜಾಗದಲ್ಲಿ ಅನುಷ್ಠಾನ ಮಾಡಲಾಗುತ್ತಿದ್ದು, ಕೇಂದ್ರ ಕೈಗಾರಿಕಾ ಇಲಾಖೆ, ಕೈಐಎಡಿಬಿ ಸಹಭಾಗಿತ್ವದಲ್ಲಿ ರಚಿಸಲಾಗಿರುವ ವಿಶೇಷ ವಾಹಕ ಜವಾಬ್ದಾರಿ ತೆಗೆದುಕೊಂಡಿದೆ.
5. ಜಪಾನೀಸ್ ಕೈಗಾರಿಕಾ ಪಾರ್ಕ್ ಅನ್ನು 12 ಸ್ಥಳಗಳಲ್ಲಿ ಸ್ಥಾಪಿಸಲಾಗುತ್ತಿದ್ದು, ತುಮಕೂರಲ್ಲಿ 519.55 ಎಕರೆ ಬಳಸುತ್ತಿದ್ದು, ಕೈಗಾರಿಕಾ ನೋಡ್​ನಲ್ಲಿ ಪ್ರಮುಖಪಾತ್ರ ವಹಿಸುತ್ತಿದೆ.
6. ಬಲ್ಕ್ ಡ್ರಗ್ ಪಾರ್ಕ್ (ಯಾದಗಿರಿ) 1510 ಎಕರೆಯಲ್ಲಿ ಸ್ಥಾಪನೆಯಾಗುತ್ತಿದ್ದು, ಕೇಂದ್ರ ಬಲ್ಕ್ ಪಾರ್ಕ್ ಉತ್ತೇಜನ ಯೋಜನೆಯಡಿ ಅಭಿವೃದ್ಧಿಗೆ ಪ್ರಸ್ತಾವನೆ ಸಲ್ಲಿಕೆಯಾಗಿದೆ. ಕೇಂದ್ರ ತಾತ್ವಿಕ ಅನುಮೋದನೆ ನೀಡಬೇಕಿದೆ.
7. ಪ್ಲಾಸ್ಟಿಕ್ ಪಾರ್ಕ್ (ಮಂಗಳೂರು) 112 ಎಕರೆಯಲ್ಲಿ ಸ್ಥಾಪನೆಯಾಗುತ್ತಿದ್ದು, ಕೇಂದ್ರ ತಾತ್ವಿಕ ಅನುಮೋದನೆ ನೀಡಿದೆ. ಸಮಗ್ರ ವರದಿಯ ಅನುಮೋದನೆ ಆಗಬೇಕಿದೆ.1 ಚೆನ್ನೈ- ಬೆಂಗಳೂರು ಕೈಗಾರಿಕಾ ಕಾರಿಡಾರ್ (ತುಮಕೂರು)ಗೆಂದು 8484 ಎಕರೆ ಬಳಸಲಾಗುತ್ತಿದ್ದು, ನ್ಯಾಷನ್ ಇಂಡಸ್ಟ್ರಿಯಲ್ ಕಾರಿಡಾರ್ ಡೆವಲಪ್​ವೆುಂಟ್ ಆಂಡ್ ಇಂಪ್ಲಿಮೆಂಟೇಶನ್ ಕಾರ್ಪೆರೇಷನ್ ಟ್ರಸ್ಟ್ ಮತ್ತು ಕೈಎಡಿಬಿ ಸಹಭಾಗಿತ್ವದಲ್ಲಿ ವಿಶೇಷ ವಾಹಕ ರಚಿಸಲಾಗಿದೆ. 840 ಕೋಟಿ ರೂ. ವೆಚ್ಚದ ಇಪಿಸಿ ಮಾದರಿಯಲ್ಲಿ ಟೆಂಡರ್ ಪ್ರಕ್ರಿಯೆ ಜಾರಿಯಲ್ಲಿದೆ.

https://www.vijayavani.net/woman-who-gave-loan-to-others-later-lost-her-life-with-her-two-daughters/

https://www.vijayavani.net/vijay-mallya-wishes-to-sankranti-and-pongal-created-many-comments/