ಮತ್ತೊಂದೆಡೆ ಈ ತ್ರೖೆಮಾಸಿಕದಲ್ಲಿ ಯುನೈಟೆಡ್ ಅರಬ್ ಎಮಿರೇಟ್ಸ್ ಮತ್ತು ದಕ್ಷಿಣ ಕೊರಿಯಾ ಕ್ರಮವಾಗಿ ಟಾಪ್-1 ಮತ್ತು ಟಾಪ್-2 ಸ್ಥಾನಗಳಲ್ಲಿವೆ. ಯುಎಇ 5ಜಿಯಲ್ಲಿ ಸರಾಸರಿ ಡೌನ್ಲೋಡ್ ಸ್ಪೀಡ್ 592.01 ಎಂಬಿಪಿಎಸ್ ಹೊಂದಿದ್ದರೆ, ದಕ್ಷಿಣ ಕೊರಿಯಾ 507.59 ಎಂಬಿಪಿಎಸ್ ಹೊಂದಿದೆ. ಕಳೆದ ತ್ರೖೆಮಾಸಿಕದಲ್ಲಿ ಸರಾಸರಿ ಡೌನ್ಲೋಡ್ ಸಾಮರ್ಥ್ಯ 511.68 ಎಂಬಿಪಿಎಸ್ ಹೊಂದಿದ್ದ ಯುಎಇ ಈ ತ್ರೖೆಮಾಸಿಕದಲ್ಲಿ ಶೇ. 14 ಹೆಚ್ಚಳ ಮಾಡಿಕೊಂಡಿದೆ. ಈ ತ್ರೖೆಮಾಸಿಕದಲ್ಲಿ ಮೂರನೇ ಸ್ಥಾನದಲ್ಲಿರುವ ಮಲೇಷ್ಯಾ 5ಜಿಯಲ್ಲಿ ಸರಾಸರಿ ಡೌನ್ಲೋಡ್ ಸಾಮರ್ಥ್ಯ 485.24 ಎಂಬಿಪಿಎಸ್ ಹೊಂದಿದೆ. ಉಳಿದಂತೆ ಈ ತ್ರೖೆಮಾಸಿಕದಲ್ಲಿ ನಾಲ್ಕನೇ ಸ್ಥಾನದಲ್ಲಿ ಕತಾರ್, ಆರು, ಏಳು, ಎಂಟು ಮತ್ತು ಒಂಬತ್ತನೇ ಸ್ಥಾನದಲ್ಲಿ ಕ್ರಮವಾಗಿ ಡೊಮಿನಿಕನ್ ರಿಪಬ್ಲಿಕ್, ಕುವೈತ್, ಮಕಾವು ಮತ್ತು ಸಿಂಗಾಪುರ ಇವೆ.
