ಪ್ರಿಯತಮೆಯನ್ನು ವರಿಸಲು ಪಾಕಿಸ್ತಾನಕ್ಕೆ ತೆರಳಿದ ಭಾರತೀಯ ಯುವಕ!

ಲಾಹೋರ್: ಭಾರತೀಯ ಯುವಕನೊಬ್ಬ ಪ್ರೀತಿಸಿದ ಹುಡುಗಿಗಾಗಿ ಪಾಕಿಸ್ತಾನಕ್ಕೆ ತೆರಳಿ ಸುಕ್ಕೂರ್ ಎಂಬಲ್ಲಿ ವಿವಾಹವಾಗಿದ್ದಾನೆ ಎಂದು ಅಂತಾರಾಷ್ಟ್ರೀಯ ಮಾಧ್ಯಮಗಳು ವರದಿ ಮಾಡಿದೆ.

ಇದನ್ನೂ ಓದಿ: ಪ್ರಿಯತಮೆಯ ಮದುವೆ ನಿಲ್ಲಿಸಲು ಮುಂದಾದ ಪಾಗಲ್ ಪ್ರೇಮಿ; ಯುವತಿ ಮನೆಯವರೇ ಹತ್ಯೆ ಮಾಡಿದ್ದಾರೆಂದು ನಾಟಕ!

ಪಾಕಿಸ್ತಾನದಲ್ಲಿ ಮದುವೆ

ಸಂಜುಗತ ಕುಮಾರಿ ಎಂಬಾಕೆಯೊಂದಿಗೆ ವಿವಾಹವಾಗಲು ಮುಂಬೈ ಮೂಲದ ಮಹೇಂದ್ರ ಕುಮಾರ್ ತನ್ನ ಕುಟುಂಬದೊಂದಿಗೆ ಪಾಕಿಸ್ತಾನಕ್ಕೆ ತೆರಳಿದ್ದಾನೆ. ಸುಕ್ಕೂರಿನ ಸ್ಥಳೀಯ ಸಭಾಂಗಣವೊಂದರಲ್ಲಿ ಇಬ್ಬರ ಮದುವೆ ನಡೆದಿದ್ದು, ವಧು ಮತ್ತು ವರನ ಕುಟುಂಬಸ್ಥರು ಮದುವೆ ಸಮಾರಂಭದಲ್ಲಿ ಭಾಗಿಯಾಗಿದ್ದಾರೆ.

ಇದನ್ನೂ ಓದಿ: ತಮ್ಮನಿಗೆ ಪತ್ನಿಯ ತಂಗಿಯನ್ನು ಮದುವೆ ಮಾಡಿ ಕೊಟ್ಟಿಲ್ಲವೆಂದು ಹೆಂಡತಿಯ ಜೀವ ತೆಗೆದ ಗಂಡ!

ಸೋಶಿಯಲ್ ಮೀಡಿಯಾ ಲವ್

ಸಾಮಾಜಿಕ ಜಾಲತಾಣದಲ್ಲಿ ಮಹೇಂದ್ರ ಕುಮಾರ್ ಮತ್ತು ಸಂಜುಗತ ಕುಮಾರಿ ಅವರು ಸ್ನೇಹಿತರಾಗಿದ್ದು, ಪ್ರೀತಿಯಲ್ಲಿ ಬಿದ್ದಿದ್ದಾರೆ. ಮನೆಯವರಿಗೆ ತಿಳಿಸಿದ ನಂತರ ವ್ಯಾಟ್ಸಪ್ ಮೂಲಕ ಎರಡೂ ಕುಟುಂಬಗಳು ಮದುವೆ ಬಗ್ಗೆ ಮಾತುಕಥೆ ನಡೆಸಿ, ವಿವಾಹ ನಿರ್ಧರಿಸಿದ್ದಾರೆ. ಸಧ್ಯದಲ್ಲೇ ಕಾನೂನು ನಿಯಮಗಳನ್ನು ಪೂರ್ಣಗೊಳಿಸಿದ ನಂತರ ಇಬ್ಬರೂ ಭಾರತಕ್ಕೆ ಮರಳಲಿದ್ದಾರೆ ಎಂದು ವಧುವಿನ ಕುಟುಂಬಸ್ಥರು ಹೇಳಿಕೊಂಡಿದ್ದಾರೆ. (ಏಜೆನ್ಸೀಸ್)

https://www.vijayavani.net/parents-in-pak-putting-padlocks-on-daughters-graves

https://www.vijayavani.net/kanpur-woman-elopes-with-boyfriends-father