ಲೇಪಾಕ್ಷಿ ಮಂದಿರದಲ್ಲಿ ಪ್ರಾರ್ಥನೆ: ಆಂಧ್ರಪ್ರದೇಶದ ಶ್ರೀ ಸತ್ಯಸಾಯಿ ಜಿಲ್ಲೆಯಲ್ಲಿರುವ ಲೇಪಾಕ್ಷಿಯ ಐತಿಹಾಸಿಕ ವೀರಭದ್ರ ದೇವಸ್ಥಾನದಲ್ಲಿ ಮೋದಿ ಮಂಗಳವಾರ ಪ್ರಾರ್ಥನೆ ಸಲ್ಲಿಸಿದರು. ಅಯೋಧ್ಯೆಯ ರಾಮ ಮಂದಿರದಲ್ಲಿ ಪ್ರಾಣ ಪ್ರತಿಷ್ಠಾಪನೆಗೆ ಕೇವಲ ಆರು ದಿನ ಬಾಕಿ ಇರುವಾಗ ರಾಮಾಯಣ ಮತ್ತು ಹಿಂದು ಧರ್ಮದಲ್ಲಿ ಮಹತ್ವ ಹೊಂದಿರುವ ಲೇಪಾಕ್ಷಿ ಮಂದಿರದಲ್ಲಿ ಮೋದಿ ಪೂಜೆ ಸಲ್ಲಿಸಿದ್ದು ವಿಶೇಷವಾಗಿತ್ತು. ಮಂದಿರದಲ್ಲಿ ರಾಮನನ್ನು ಸ್ತುತಿಸುವ ಹಾಡುಗಳನ್ನು ಹಾಡಿದ ಮೋದಿ, ತೆಲುಗಿನಲ್ಲಿ ಹಾಡಲಾದ ಮಂತ್ರಗಳನ್ನು ಆಲಿಸಿದರು. ಅಲ್ಲದೆ ರಾಮ, ಲಕ್ಷ್ಮಣ, ಸೀತೆ ಮತ್ತು ರಾವಣ ಪಾತ್ರಗಳನ್ನು ಒಳಗೊಂಡ ಬೊಂಬೆಯಾಟವನ್ನೂ ವೀಕ್ಷಿಸಿದರು. ಲೇಪಾಕ್ಷಿ, ಸೀತೆಯನ್ನು ಅಪಹರಿಸಿದ ರಾವಣನಿಂದ ಗಂಭೀರವಾಗಿ ಗಾಯಗೊಂಡ ಜಟಾಯು ಪಕ್ಷಿ ಬಿದ್ದ ಸ್ಥಳವೆಂದು ಐತಿಹ್ಯ ಹೇಳುತ್ತದೆ. ರಾವಣ ದಕ್ಷಿಣದತ್ತ ಸೀತೆಯನ್ನು ಒಯ್ಯುತ್ತಿದ್ದಾನೆ ಎಂದು ಮರಣಶಯ್ಯೆಯಲ್ಲಿದ್ದ ಜಟಾಯು ರಾಮನಿಗೆ ಹೇಳುತ್ತದೆ. ಜಟಾಯುಗೆ ರಾಮ ಮೋಕ್ಷ ಪ್ರಾಪ್ತಿ ಮಾಡುತ್ತಾನೆ ಎಂದೂ ಪುರಾಣದಲ್ಲಿ ಉಲ್ಲೇಖಿಸಲಾಗಿದೆ. ಲೇಪಾಕ್ಷಿಗೂ ಮುನ್ನ ಮೋದಿ, ಮಹಾರಾಷ್ಟŠದ ನಾಸಿಕ್ನಲ್ಲಿರುವ ಶ್ರೀ ಕಾಲ ರಾಮ ದೇವಸ್ಥಾನಕ್ಕೆ ಭೇಟಿ ನೀಡಿದರು.
