ಗಣರಾಜ್ಯ ಸಂಭ್ರಮಕ್ಕೆ ಭಾರತ ಸಜ್ಜು

ಭಾರತವು 75ನೇ ಗಣರಾಜ್ಯೋತ್ಸವ ಸಂಭ್ರಮಕ್ಕೆ ಸಜ್ಜಾಗಿದೆ. ನವದೆಹಲಿಯಲ್ಲಿ ಶುಕ್ರವಾರ ನಡೆಯಲಿರುವ ಗಣರಾಜ್ಯೋತ್ಸವ ಪರೇಡ್​ನಲ್ಲಿ ಮಿಲಿಟರಿ, ಮಹಿಳಾ ಶಕ್ತಿ ಸಹಿತ ಭಾರತದ ಭವ್ಯ ಸಂಸ್ಕೃತಿ, ಪರಂಪರೆ ಅನಾವರಣ ಗೊಳ್ಳಲಿದೆ. ಕರ್ತವ್ಯ ಪಥದಲ್ಲಿ 90 ನಿಮಿಷಗಳ ಪರೇಡ್ ನಡೆಯಲಿದ್ದು, ರಾಷ್ಟ್ರಪತಿ ದ್ರೌಪದಿ ಮುಮು ಅವರು ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಲಿದ್ದಾರೆ. ಈ ವರ್ಷದ ಪರೇಡ್ ರಾಷ್ಟ್ರದ ಮಹಿಳಾ ಶಕ್ತಿ ಮತ್ತು ಪ್ರಜಾಸತ್ತಾತ್ಮಕ ಮೌಲ್ಯಗಳನ್ನು ಪ್ರತಿಬಿಂಬಿಸಲಿದೆ. ಗಣರಾಜ್ಯೋತ್ಸವದ ಕಾರ್ಯಕ್ರಮಗಳ ವಿಶೇಷತೆ ಬಗ್ಗೆ ಸಂಕ್ಷಿಪ್ತ ಮಾಹಿತಿ ಇಲ್ಲಿದೆ.

ಮೋದಿ-ಮ್ಯಾಕ್ರನ್ ರೋಡ್ ಶೋ: ಗಣರಾಜ್ಯೋತ್ಸವದ ಮುಖ್ಯಅತಿಥಿ ಫ್ರಾನ್ಸ್ ಅಧ್ಯಕ್ಷ ಎಮ್ಯಾನುಯೆಲ್ ಮ್ಯಾಕ್ರನ್ ಗುರುವಾರ ಜೈಪುರಕ್ಕೆ ಆಗಮಿಸಿದ್ದರು. ಪ್ರಧಾನಿ ನರೇಂದ್ರ ಮೋದಿ ಜತೆ ಅವರು ರೋಡ್ ಶೋ ಕೂಡ ನಡೆಸಿದರು. ಇದಕ್ಕೂ ಮುನ್ನ ಜೈಪುರದ ರಸ್ತೆ ಬದಿಯಲ್ಲಿ ಮಸಾಲಾ ಚಾಯ್ ಸವಿದರು. ಜೈಪುರದ ಅಂಬರ್ ಅರಮನೆ ಸೇರಿ ಹಲವು ಸಾಂಪ್ರದಾಯಿಕ ತಾಣಗಳಿಗೆ ಭೇಟಿ ನೀಡಿದರು. ಸಂಜೆ ಪ್ರಧಾನಿ ಮೋದಿ ಜತೆ ಮ್ಯಾಕ್ರನ್ ದ್ವಿಪಕ್ಷೀಯ ಮಾತುಕತೆ ನಡೆಸಿದರು.

• ಗಣರಾಜ್ಯೋತ್ಸವ ಪರೇಡ್ ಬೆಳಗ್ಗೆ 10.30ಕ್ಕೆ ಆರಂಭವಾಗಲಿದ್ದು, ಸುಮಾರು 90 ನಿಮಿಷ ಗಳ ಕಾಲ ನಡೆಯಲಿದೆ. ಪ್ರಧಾನಮಂತ್ರಿ ನರೇಂದ್ರ ಮೋದಿ ರಾಷ್ಟ್ರೀಯ ಯುದ್ಧ ಸ್ಮಾರಕಕ್ಕೆ ಭೇಟಿ ನೀಡುವುದ ರೊಂದಿಗೆ ಸಮಾರಂಭ ಪ್ರಾರಂಭವಾಗಲಿದೆ. ಮಾಲಾರ್ಪಣೆ ಮಾಡುವ ಮೂಲಕ ಹುತಾತ್ಮ ವೀರಯೋಧರಿಗೆ ಅವರು ಶ್ರದ್ಧಾಂಜಲಿ ಸಲ್ಲಿಸಲಿದ್ದಾರೆ.

• ರಾಷ್ಟ್ರಪತಿ ದ್ರೌಪದಿ ಮುಮು ಮತ್ತು ಫ್ರಾನ್ಸ್ ಅಧ್ಯಕ್ಷ ಮ್ಯಾಕ್ರನ್ ಅವರು ‘ಸಾಂಪ್ರದಾಯಿಕ ಬಗ್ಗಿ’ ಯಲ್ಲಿ ಆಗಮಿಸುತ್ತಾರೆ. ಇದು 40 ವರ್ಷಗಳ ನಂತರ ಪುನರಾವರ್ತನೆಯಾಗುತ್ತಿದೆ ಎಂದು ರಕ್ಷಣಾ ಸಚಿವಾಲಯ ತಿಳಿಸಿದೆ.

• ಪರೇಡ್​ಗೆ ದೆಹಲಿ ಪ್ರದೇಶದ ಕಮಾಂಡಿಂಗ್ ಜನರಲ್ ಆಫೀಸರ್ ಲೆಫ್ಟಿನೆಂಟ್ ಜನರಲ್ ಭವ್ನಿಶ್ ಕುಮಾರ್ ನೇತೃತ್ವ ವಹಿಸಲಿದ್ದಾರೆ.

• ಕಳೆದ ವರ್ಷ ಮೊದಲ ಬಾರಿಗೆ ಆರ್ಟಿಲರಿ ರೆಜಿಮೆಂಟ್​ಗೆ ನಿಯೋಜಿಸಲಾಗಿದ್ದ 10 ಮಹಿಳಾ ಅಧಿಕಾರಿಗಳಲ್ಲಿ ಲೆಫ್ಟಿನೆಂಟ್ ದೀಪ್ತಿ ರಾಣಾ ಮತ್ತು ಪ್ರಿಯಾಂಕಾ ಸೆವ್ದಾ ಅವರು ಪರೇಡ್​ನಲ್ಲಿ ಶಸ್ತ್ರಾಸ್ತ್ರ ಪತ್ತೆ ಮಾಡುವ ರೇಡಾರ್ ಮತ್ತು ಪಿನಾಕಾ ರಾಕೆಟ್ ವ್ಯವಸ್ಥೆಯನ್ನು ಮುನ್ನಡೆಸಲಿದ್ದಾರೆ.

• ಸೇನೆಯ ಮೂರೂ ಪಡೆಗಳ ಮಹಿಳಾ ತುಕಡಿಗಳು ಇದೇ ಮೊದಲ ಬಾರಿಗೆ ಕಾರ್ಯಕ್ರಮದ ಭಾಗವಾಗಲಿವೆ.

• ಸಾಂಪ್ರದಾಯಿಕ ಮಿಲಿಟರಿ ಬ್ಯಾಂಡ್​ಗಳ ಬದಲಿಗೆ ಮೊದಲ ಬಾರಿಗೆ 100ಕ್ಕೂ ಹೆಚ್ಚು ಮಹಿಳಾ ಕಲಾವಿದರು ಭಾರತೀಯ ಸಂಗೀತ ವಾದ್ಯಗಳಾದ ಶಂಖ, ನಾದಸ್ವರಂ, ನಗಾರಿ ಇನ್ನಿತರ ಸಂಗೀತ ಉಪಕರಣಗಳನ್ನು ಮೆರವಣಿಗೆಯಲ್ಲಿ ಬಳಸಲಿದ್ದಾರೆ.

• ಭಾರತೀಯ ವಾಯುಪಡೆಯ 15 ಮಹಿಳಾ ಪೈಲಟ್​ಗಳು ಪ್ರೇಕ್ಷಕರನ್ನು ಆಕರ್ಷಿಸಲಿದ್ದಾರೆ. ವಿವಿಧ ವೈಮಾನಿಕ ಪ್ರದರ್ಶನಗಳನ್ನು ಇವರು ನೀಡಲಿದ್ದಾರೆ. ಈ ಬಾರಿ ಸಿಎಪಿಎಫ್ ತುಕಡಿಗಳು ಮಹಿಳಾ ಸಿಬ್ಬಂದಿಯನ್ನು ಮಾತ್ರ ಒಳಗೊಂಡಿರಲಿವೆ.

• ವಾಯುಪಡೆ ಹೆಲಿಕಾಪ್ಟರ್​ಗಳು ಕರ್ತವ್ಯ ಪಥದಲ್ಲಿರುವ ಪ್ರೇಕ್ಷಕರ ಮೇಲೆ ಹೂವಿನ ದಳಗಳನ್ನು ಸುರಿಸಲಿವೆ. ನಂತರ 100ಕ್ಕೂ ಹೆಚ್ಚು ಮಹಿಳಾ ಕಲಾವಿದರಿಂದ ವಿವಿಧ ರೀತಿಯ ತಾಳವಾದ್ಯಗಳನ್ನು ನುಡಿಸುವ ‘ಆವಾಹನ್’ ಬ್ಯಾಂಡ್ ಪ್ರದರ್ಶನ ನಡೆಯಲಿದೆ. ರಾಷ್ಟ್ರಪತಿ ಮುಮು ಗೌರವ ವಂದನೆ ಸ್ವೀಕರಿಸುವುದರೊಂದಿಗೆ ಮೆರವಣಿಗೆ ಆರಂಭವಾಗಲಿದೆ.

• ಕರ್ತವ್ಯ ಪಥದಲ್ಲಿ ಫ್ರೆಂಚ್ ಸಶಸ್ತ್ರ ಪಡೆಗಳ ಸಂಯೋಜಿತ ಬ್ಯಾಂಡ್ ಮತ್ತು ಮಾರ್ಚಿಂಗ್ ತುಕಡಿ ಪಥಸಂಚಲನ ನಡೆಸಲಿದೆ. 30 ಸದಸ್ಯರ ಈ ತುಕಡಿಗೆ ಕ್ಯಾಪ್ಟನ್ ಖೌರ್ದಾ ನೇತೃತ್ವ ವಹಿಸುತ್ತಾರೆ. ಆರು ಭಾರತೀಯರು ಕೂಡ ಈ ತಂಡದ ಭಾಗವಾಗಲಿದ್ದಾರೆ. ಫ್ರೆಂಚ್ ವಾಯುಪಡೆಯ ಎರಡು ರಫೇಲ್ ಫೈಟರ್ ಜೆಟ್​ಗಳು ಹಾರಾಟ ನಡೆಸಲಿವೆ.

• ದೇಶೀಯ ಗನ್ ಸಿಸ್ಟಮ್ 105-ಎಂಎಂ ಇಂಡಿಯನ್ ಫೀಲ್ಡ್ ಗನ್ ಮೂಲಕ 21-ಗನ್ ಸೆಲ್ಯೂಟ್ ಮಾಡಲಾಗುತ್ತದೆ. ನಂತರ ರಾಷ್ಟ್ರಧ್ವಜಾರೋಹಣ, ರಾಷ್ಟ್ರಗೀತೆ.

• ಟ್ಯಾಂಕ್ ಟಿ-90 ಭೀಷ್ಮ, ನಾಗ್ ಕ್ಷಿಪಣಿ ವ್ಯವಸ್ಥೆ, ಪದಾತಿ ದಳದ ಯುದ್ಧ ವಾಹನ, ಶಸ್ತ್ರಾಸ್ತ್ರ ಪತ್ತೆ ರಾಡಾರ್ ವ್ಯವಸ್ಥೆ ‘ಸ್ವಾತಿ’, ಡ್ರೋನ್ ಜಾಮರ್ ವ್ಯವಸ್ಥೆ ಮತ್ತು ಮಧ್ಯಮ ಶ್ರೇಣಿಯ ಕ್ಷಿಪಣಿಗಳು ಪರೇಡ್​ನ ಭಾಗವಾಗಿರಲಿವೆ.

• ಮೊದಲ ಬಾರಿಗೆ ಸ್ಥಳೀಯವಾಗಿ ನಿರ್ವಿುತ ತೇಜಸ್ ವಿಮಾನವು ಹಾರಾಟ ನಡೆಸಲಿದೆ. ಸಿಆರ್​ಪಿಎಫ್, ಬಿಎಸ್​ಎಫ್ ಮತ್ತು ಎಸ್​ಎಸ್​ಬಿಯ 260ಕ್ಕೂ ಹೆಚ್ಚು ಮಹಿಳಾ ಸಿಬ್ಬಂದಿ ಮೋಟಾರ್ ಸೈಕಲ್ ಪ್ರದರ್ಶನದ ಸಮಯದಲ್ಲಿ ಡೇರ್​ಡೆವಿಲ್ ಸಾಹಸಗಳನ್ನು ನಡೆಸುವ ಮೂಲಕ ದೇಶದ ‘ನಾರಿ ಶಕ್ತಿ’ಯನ್ನು ಪ್ರದರ್ಶಿಸುತ್ತಾರೆ.

• ಪರೇಡ್​ನಲ್ಲಿ ಕ್ಷಿಪಣಿಗಳು, ಡ್ರೋನ್, ಜಾಮರ್​ಗಳು, ಕಣ್ಗಾವಲು ವ್ಯವಸ್ಥೆ, ವಾಹನಗಳಿಗೆ ಅಳವಡಿಸಿದ ಮಾರ್ಟರ್​ಗಳು, ಪದಾತಿ ದಳದ ಯುದ್ಧ ವಾಹನಗಳು, ಸ್ವದೇಶಿ ನಿರ್ವಿುತ ಶಸ್ತ್ರಾಸ್ತ್ರಗಳು ಮತ್ತು ಮಿಲಿಟರಿ ಉಪಕರಣಗಳ ಶ್ರೇಣಿಯನ್ನು ಸಶಸ್ತ್ರ ಪಡೆಗಳು ಪ್ರದರ್ಶಿಸಲಿವೆ.

• ಭಾರತೀಯ ವಾಯುಪಡೆಯ ತುಕಡಿಯು 144 ಏರ್​ವೆುನ್ ಮತ್ತು ನಾಲ್ವರು ಅಧಿಕಾರಿಗಳನ್ನು ಒಳಗೊಂಡಿರುತ್ತದೆ. ಇದನ್ನು ಸ್ಕಾ್ವಡ್ರನ್ ಲೀಡರ್ ರಶ್ಮಿ ಠಾಕೂರ್ ಮುನ್ನಡೆಸಲಿದ್ದಾರೆ. ಸ್ಕಾ್ವಡ್ರನ್ ಲೀಡರ್​ಗಳಾದ ಸುಮಿತಾ ಯಾದವ್, ಪ್ರತೀತಿ ಅಹ್ಲುವಾಲಿಯಾ ಮತ್ತು ಫ್ಲೈಟ್ ಲೆಫ್ಟಿನೆಂಟ್ ಕೀರ್ತಿ ರೋಹಿಲ್ ಇರಲಿದ್ದಾರೆ. ವಾಯುಪಡೆಯ 46 ವಿಮಾನಗಳು ವೈಮಾನಿಕ ಪ್ರದರ್ಶನದಲ್ಲಿ ಪಾಲ್ಗೊಳ್ಳಲಿವೆ. ಹದಿನೈದು ಮಹಿಳಾ ಪೈಲಟ್​ಗಳು ಫ್ಲೈ-ಪಾಸ್ಟ್ ಸಮಯದಲ್ಲಿ ಕಾರ್ಯ ನಿರ್ವಹಿಸುತ್ತಾರೆ.

• ವಿವಿಧ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಂದ ಒಟ್ಟು 16 ಟ್ಯಾಬ್ಲೋಗಳು ಮತ್ತು ಕೇಂದ್ರ ಸಚಿವಾಲಯಗಳು ಮತ್ತು ಇಲಾಖೆಗಳಿಂದ ಒಂಬತ್ತು ಟ್ಯಾಬ್ಲೋಗಳು ಪರೇಡ್​ನಲ್ಲಿ ಕಾಣಿಸಿಕೊಳ್ಳಲಿವೆ. ಈ ಬಾರಿ ಕರ್ನಾಟಕದ ಟ್ಯಾಬ್ಲೋ ಪಾಲ್ಗೊಳ್ಳುತ್ತಿಲ್ಲ.

ರಾಜ್ಯಗಳ ಟ್ಯಾಬ್ಲೋ: ಹರಿಯಾಣ, ಮಣಿಪುರ, ಮಧ್ಯಪ್ರದೇಶ, ಒಡಿಶಾ, ಅರುಣಾಚಲ ಪ್ರದೇಶ, ಛತ್ತೀಸ್​ಗಢ, ರಾಜಸ್ಥಾನ, ಮಹಾರಾಷ್ಟ್ರ, ಆಂಧ್ರಪ್ರದೇಶ, ಲಡಾಖ್, ತಮಿಳುನಾಡು, ಗುಜರಾತ್, ಮೇಘಾಲಯ, ಜಾರ್ಖಂಡ್, ಉತ್ತರ ಪ್ರದೇಶ, ತೆಲಂಗಾಣ.

https://www.vijayavani.net/padmashree-awardee-list-announced-2024

https://www.vijayavani.net/ravindra-jadeja-completes-550-international-wickets