ಸಾಮಾನ್ಯವಾಗಿ ಜೂನ್ನಲ್ಲಿ ಮಳೆಗಾಲದ ಆಗಮನದೊಂದಿಗೆ ನೀರಾವರಿ ಪಂಪ್ಗಳಿಗೆ ಇಂಧನ ಬೇಡಿಕೆ ಕಡಿಮೆಯಾಗುವುದು ಮತ್ತು ವಾಹನ ಸಂಚಾರ ನಿಧಾನಗೊಳ್ಳುವುದರಿಂದ ಡೀಸೆಲ್ ಬಳಕೆ ಕುಸಿಯುತ್ತದೆ. ಆದರೆ ಮಳೆ ಕಡಿಮೆಯಾದ ನಂತರ ಅಕ್ಟೋಬರ್ನಿಂದ ಮಾರಾಟ ಜಾಸ್ತಿಯಾಗುತ್ತದೆ. ಹಬ್ಬಗಳ ಋತುವಿನಿಂದಾಗಿ ಸರಕುಸಾಗಣೆ ಹೆಚ್ಚಾಗುತ್ತದೆ. ಆದರೆ ಈ ವರ್ಷ, ಈ ರೀತಿ ಆಗಿಲ್ಲ. ಅಕ್ಟೋಬರ್ನಲ್ಲಿ ಡೀಸೆಲ್ ಬಳಕೆ ಏರಿಕೆಯ ಬದಲಿಗೆ ಸ್ವಲ್ಪ ಕುಸಿತ ಕಂಡಿದೆ ಎಂದು ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯದ ವರದಿ ತಿಳಿಸಿದೆ. ವಿಮಾನ ಇಂಧನ ಬಳಕೆ ಅಕ್ಟೋಬರ್ನಲ್ಲಿ ಶೇ.1.6ರಷ್ಟು, ಎಲ್ಪಿಜಿ ಮಾರಾಟ ಶೇ.5.4ರಷ್ಟು ಏರಿಕೆಯಾಗಿವೆ ಎಂದೂ ವರದಿಯಲ್ಲಿ ಹೇಳಲಾಗಿದೆ.
