ಟೆಹ್ರಾನ್‌ನಲ್ಲಿ ರೈಸಿಗೆ ಅಂತಿಮ ವಿದಾಯ..ಲಕ್ಷಾಂತರ ಜನರು ಭಾಗಿ

ಟೆಹ್ರಾನ್: ಇರಾನ್ ಅಧ್ಯಕ್ಷ ಇಬ್ರಾಹಿಂ ರೈಸಿ ಅವರು ಹೆಲಿಕಾಪ್ಟರ್ ಅಪಘಾತದಲ್ಲಿ ನಿಧನರಾದ ನಂತರ ಟೆಹ್ರಾನ್‌ನಲ್ಲಿ ಬುಧವಾರ ಅವರ ಅಂತ್ಯಕ್ರಿಯೆಯ ಮೆರವಣಿಗೆ ನಡೆಯಿತು. ಲಕ್ಷಾಂತರ ಮಂದಿ ಭಾಗವಹಿಸಿ ಅಗಲಿದ ನಾಯಕನಿಗೆ ಅಂತಿಮ ನಮನ ಸಲ್ಲಿಸಿದರು.

ಇದನ್ನೂ ಓದಿ: ಅಪ್ರಾಪ್ತೆ ಜೊತೆ ಅಕ್ರಮ ಸಂಬಂಧ.. ಸಕ್ರಮಗೊಳಿಸಲು ನಿಖಾ ಏರ್ಪಡಿಸಿದ 9 ಮಂದಿ ಅರೆಸ್ಟ್​!

ಮೃತದೇಹದ ಮೆರವಣಿಗೆಯು ಟೆಹ್ರಾನ್ ವಿಶ್ವವಿದ್ಯಾನಿಲಯದಿಂದ ಫ್ರೀಡಂ ಸ್ಕ್ವೇರ್ ಕಡೆಗೆ ಸಾಗಿತು. ಮೆರವಣಿಗೆ ಸಾಗಿದ ರಸ್ತೆಗಳ ಉದ್ದಕ್ಕೂ ಜನರು ಕಿಕ್ಕಿರಿದು ತುಂಬಿದ್ದರು.

ರೈಸಿ, ವಿದೇಶಾಂಗ ಸಚಿವ ಹೊಸೈನ್ ಅಮಿರಬ್ದೊಲ್ಲಾಹಿಯಾನ್ ಮತ್ತು ಇತರ ಏಳು ಜನರು ಭಾನುವಾರ ವಾಯುವ್ಯ ಇರಾನ್‌ನ ಪರ್ವತ ಪ್ರದೇಶದಲ್ಲಿ ಅವರ ಹೆಲಿಕಾಪ್ಟರ್ ಅಪಘಾತಕ್ಕೀಡಾಗಿ ಮೃತಪಟ್ಟಿದ್ದರು.

ಅಪಘಾತದ ಹಿನ್ನೆಲೆಯಲ್ಲಿ, ಸರ್ವೋಚ್ಛ ನಾಯಕ ಖಮೇನಿ ಐದು ದಿನಗಳ ರಾಷ್ಟ್ರೀಯ ಶೋಕಾಚರಣೆಯನ್ನು ಶುಕ್ರವಾರ ಕೊನೆಗೊಳಿಸಿದರು.

ಬುಧವಾರದ ಅಂತ್ಯಕ್ರಿಯೆ ಸಮಾರಂಭದಲ್ಲಿ ಹಲವಾರು ಉನ್ನತ ಮಟ್ಟದ ರಾಜಕೀಯ ಮತ್ತು ಮಿಲಿಟರಿ ಪ್ರತಿನಿಧಿಗಳು ಮತ್ತು ವಿದೇಶಿ ಗಣ್ಯರು ಭಾಗವಹಿಸಿದ್ದರು.

ರೈಸಿ ಮೃತದೇಹವನ್ನು ಗುರುವಾರ ಅವರ ತವರೂರು ಮಶಾದ್‌ನಲ್ಲಿ ಶಿಯಾ ಇಸ್ಲಾಂನ ಎಂಟನೇ ಇಮಾಮ್ ರೆಜಾ ಮಂದಿರದಲ್ಲಿ ಸಮಾಧಿ ಮಾಡಲಾಗುವುದು.

ರಷ್ಯಾದ ಸಂಸದೀಯ ನಾಯಕ ವ್ಯಾಚೆಸ್ಲಾವ್ ವೊಲೊಡಿನ್ ಸೇರಿದಂತೆ ಮಿತ್ರರಾಷ್ಟ್ರಗಳ ಉನ್ನತ ಶ್ರೇಣಿಯ ಪ್ರತಿನಿಧಿಗಳು ಭಾಗವಹಿಸುವ ನಿರೀಕ್ಷೆಯಿದೆ.

ಅಂತ್ಯಕ್ರಿಯೆ ಸಲುವಾಗಿ ಇರಾನ್‌ನ ಸ್ಟೇಟ್ ರೈಲ್ವೇ ಕಂಪನಿಯು ಟೆಹ್ರಾನ್‌ನಿಂದ ಈಶಾನ್ಯ ನಗರವಾದ ಮಶಾದ್‌ಗೆ ವಿಶೇಷ ರೈಲುಗಳನ್ನು ಆಯೋಜಿಸಿದೆ.

https://www.vijayavani.net/eminems-daughter-hailie-jade-scott-marries-longtime-boyfriend-evan-mcclintock