ಕರ್ನಾಟಕ, ಕೇರಳದಲ್ಲಿ ಭಾರೀ ಮಳೆ! ದೆಹಲಿಗೆ ಯೆಲ್ಲೋ ಅಲರ್ಟ್​, ಯಾವೆಲ್ಲ ರಾಜ್ಯಗಳಲ್ಲಿ ವರುಣಾರ್ಭಟ? ಇಲ್ಲಿದೆ ವರದಿ | IMD

IMD Alert: ಹವಾಮಾನ ವೈಪರೀತ್ಯದಿಂದ ಕಳೆದ ಕೆಲವು ವಾರಗಳಿಂದ ದೇಶದ ಹಲವೆಡೆ ಭಾರೀ ಮಳೆಯಾಗುತ್ತಿದೆ. ಕರ್ನಾಟಕ, ಕೇರಳ ಸೇರಿದಂತೆ ಹಲವು ರಾಜ್ಯಗಳಲ್ಲಿ ವರುಣಾರ್ಭಟ ನಿರೀಕ್ಷೆಗೂ ಮೀರಿದೆ. ಇತ್ತೀಚಿನ ಭಾರತೀಯ ಹವಾಮಾನ ವರದಿ ಪ್ರಕಾರ, ಜೂ.18 ರವರೆಗೆ ಕರ್ನಾಟಕ, ಕೇರಳ, ಗೋವಾ ಮತ್ತು ದೆಹಲಿ ರಾಜ್ಯಗಳಲ್ಲಿ ಬಿರುಸಿನ ಮಳೆಯಾಗಲಿದೆ.

ಇದನ್ನೂ ಓದಿ: ಇದೇ ಸಂಘರ್ಷಕ್ಕೆ ಕೊನೆ! ಅಮೆರಿಕ ಅಧ್ಯಕ್ಷ ಟ್ರಂಪ್​ ಮಾತಿಗೆ ಸೆಡ್ಡು ಹೊಡೆದ ಇಸ್ರೇಲ್​ ಪ್ರಧಾನಿ | End Conflict

ಕರಾವಳಿ ಗಡಿಭಾಗಗಳಲ್ಲಿ ಮಳೆ

ಇಂದು ಕರಾವಳಿ ಕರ್ನಾಟಕ, ಕೊಂಕಣ, ಗೋವಾ, ತಮಿಳುನಾಡು, ಪುದುಚೇರಿ, ಕಾರೈಕಲ್​, ಆಂಧ್ರಪ್ರದೇಶ ಗಡಿಭಾಗ ಜಿಲ್ಲೆಗಳಲ್ಲಿ ಸಾಧಾರಣ ಮಳೆಯಾಗಲಿದೆ. ಇನ್ನು ಉತ್ತರ ಭಾರತದ ರಾಜ್ಯಗಳಾದ ಪಶ್ಚಿಮ ಬಂಗಾಳ, ಛತ್ತೀಸ್​ಗಢ, ಪೂರ್ವ ಮಧ್ಯಪ್ರದೇಶ, ಬಿಹಾರ, ಜಾರ್ಖಂಡ್​, ಒಡಿಶಾ, ಸಿಕ್ಕಿಂನ ಹಲವು ಪ್ರದೇಶಗಳಲ್ಲಿ ಭಾರೀ ಮಳೆಯಾಗಲಿದೆ ಎಂದು ಐಎಂಡಿ ತಿಳಿಸಿದೆ.

ಕರಾವಳಿ ಮತ್ತು ಉತ್ತರ ಭಾರತ

ಜೂನ್​ 18 ರವರೆಗೆ ರಾಷ್ಟ್ರ ರಾಜಧಾನಿಗೆ 'ಯೆಲ್ಲೋ ಅಲರ್ಟ್​' ಘೋಷಿಸಿರುವ ಹವಾಮಾನ ಇಲಾಖೆ, ಗುಡುಗು, ಮಿಂಚು ಸಹಿತ 50ರಿಂದ 60 ಕಿ.ಮೀ ವೇಗದಲ್ಲಿ ಗಾಳಿ ಬೀಸಲಿದೆ ಮತ್ತು ಹಗುರ ಮಳೆಯಾಗುವ ಸಾಧ್ಯತೆ ಇದೆ ಎಂದು ಮುನ್ಸೂಚನೆ ನೀಡಿದೆ. ಪ್ರಸ್ತುತ ಕರ್ನಾಟದ ಹಲವೆಡೆ ವ್ಯಾಪಕ ಮಳೆಯಾಗುತ್ತಿದ್ದು, ಕರಾವಳಿ ಜಿಲ್ಲೆಗಳಲ್ಲಿ ವರುಣನ ಅಬ್ಬರ ಜೋರಾಗಿದೆ,(ಏಜೆನ್ಸೀಸ್).

https://www.vijayavani.net/iran-israel-conflict-astrology-prediction