ಜೀನ್ ಥೆರಪಿಗಾಗಿ ಕೈಜೋಡಿಸಿದ ರಿಲಯನ್ಸ್ ಲೈಫ್ ಸೈನ್ಸಸ್-ಐಐಟಿ ಕಾನ್ಪುರ್; ಆನುವಂಶಿಕ ಕಣ್ಣಿನ ಕಾಯಿಲೆಗಳ ಚಿಕಿತ್ಸೆ ಉದ್ದೇಶ

ಕಾನ್ಪುರ: ಆನುವಂಶಿಕ ಕಣ್ಣಿನ ಕಾಯಿಲೆಗಳ ಚಿಕಿತ್ಸೆ ಸಲುವಾಗಿ ಜೀನ್ ಥೆರಪಿಗಾಗಿ ರಿಲಯನ್ಸ್​ ಲೈಫ್​ ಸೈನ್ಸಸ್​​ ಹಾಗೂ ಐಐಟಿ ಕಾನ್ಪುರ್ ಕೈಜೋಡಿಸಿವೆ. ಕಾನ್ಪುರದ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಿಂದ ರಿಲಯನ್ಸ್ ಲೈಫ್ ಸೈನ್ಸಸ್ ಪ್ರೈವೇಟ್ ಲಿಮಿಟೆಡ್‌ಗೆ ಶುಕ್ರವಾರ ಪ್ರಮುಖ ತಂತ್ರಜ್ಞಾನಕ್ಕೆ ಪರವಾನಗಿ ನೀಡಲಾಗಿದೆ.
ಇದು ಆನುವಂಶಿಕ ಧಾತು (ಜೀನ್) ಚಿಕಿತ್ಸೆಯ ಕ್ಷೇತ್ರದಲ್ಲಿ ಕ್ರಾಂತಿ ಉಂಟು ಮಾಡುವ ಸಾಮರ್ಥ್ಯ ಹೊಂದಿದೆ. ಅದರಲ್ಲೂ ವಿಶೇಷವಾಗಿ ಆನುವಂಶಿಕವಾಗಿ ಬರುವಂತಹ ಕಣ್ಣಿನ ಅನೇಕ ಕಾಯಿಲೆಗಳಿಗೆ ಪರಿಣಾಮಕಾರಿಯಾದ ಚಿಕಿತ್ಸೆ ಇದಾಗಲಿದೆ.

ದೋಷಯುಕ್ತ ಜೀನ್‌ನಿಂದ ಉಂಟಾಗುವ ಅನೇಕ ಆನುವಂಶಿಕ ಆರೋಗ್ಯ ಸಮಸ್ಯೆಗಳಿವೆ. 'ಜೀನ್ ಥೆರಪಿ’ ಇಂತಹ ಆರೋಗ್ಯ ಸಮಸ್ಯೆಗಳಿಗೆ ಚಿಕಿತ್ಸೆ ನೀಡಲು, ದೋಷಯುಕ್ತ ಜೀನ್​ಅನ್ನು ಜೀನ್‌ನ ಕ್ರಿಯಾತ್ಮಕ ಆವೃತ್ತಿಯೊಂದಿಗೆ ಬದಲಾಯಿಸುವ ಒಂದು ಮಾರ್ಗವಾಗಿದೆ.

ಜೀನ್ ಥೆರಪಿ ಸಂಬಂಧಿತ ತಂತ್ರಜ್ಞಾನ ಅಭಿವೃದ್ಧಿಪಡಿಸಿದ ಮತ್ತು ಶೈಕ್ಷಣಿಕ ಸಂಸ್ಥೆಯಿಂದ ಭಾರತದ ಕಂಪನಿಗೆ ವರ್ಗಾಯಿಸಿದ್ದು ಇದು ಮೊದಲ ಬಾರಿಗೆ ಇದು ಗುರುತಿಸಲಾಗಿದೆ. ಐಐಟಿ ಕಾನ್ಪುರದ ಜೀನ್ ಥೆರಪಿ ತಂತ್ರಜ್ಞಾನವನ್ನು ರಿಲಯನ್ಸ್ ಲೈಫ್ ಸೈನ್ಸಸ್‌ನಿಂದ ಸ್ವದೇಶಿ ಉತ್ಪನ್ನವಾಗಿ ಅಭಿವೃದ್ಧಿ ಮಾಡಲಾಗುವುದು.

ಇದನ್ನೂ ಓದಿ: ಕಾಲೇಜು ವಿದ್ಯಾರ್ಥಿಗಳೇ.. ವೀರ್ಯಾಣು ದಾನ ಮಾಡಿ: ಸ್ಪರ್ಮ್ ಬ್ಯಾಂಕ್​ಗಳಿಂದ ಹೀಗೊಂದು ಮನವಿ; ಎಲ್ಲಿ, ಏಕೆ?

ಐಐಟಿ ಕಾನ್ಪುರ್ ಮತ್ತು ರಿಲಯನ್ಸ್ ಲೈಫ್ ಸೈನ್ಸಸ್ ಪ್ರೈವೇಟ್ ಲಿಮಿಟೆಡ್ ಮಧ್ಯೆ ಇಂದು ಔಪಚಾರಿಕವಾಗಿ ತಂತ್ರಜ್ಞಾನ ಪರವಾನಗಿ ಒಪ್ಪಂದಕ್ಕೆ ಸಹಿ ಹಾಕಲಾಯಿತು. ಐಐಟಿ ಕಾನ್ಪುರ್ ನಿರ್ದೇಶಕ ಪ್ರೊ. ಅಭಯ್ ಕರಂಡಿಕರ್ ಮತ್ತು ರಿಲಯನ್ಸ್ ಲೈಫ್ ಸೈನ್ಸಸ್ ಅಧ್ಯಕ್ಷ ಕೆ.ವಿ. ಸುಬ್ರಮಣ್ಯಂ ಸೇರಿದಂತೆ ಹಲವಾರು ಗಣ್ಯರ ಉಪಸ್ಥಿತಿಯಲ್ಲಿ ಎಂಒಯು ವಿನಿಮಯ ಸಮಾರಂಭ ನಡೆಯಿತು.

ಇನ್ನೋವೇಶನ್ ಮತ್ತು ಇನ್‌ಕ್ಯುಬೇಶನ್ ಪಿಐಸಿ ಪ್ರೊ.ಅಂಕುಶ್ ಶರ್ಮಾ, ಐಐಸಿ ಕಾನ್ಪುರ್ ಬಿಎಸ್‌ಬಿಇ ವಿಭಾಗದ ಮುಖ್ಯಸ್ಥ ಪ್ರೊ.ಅಮಿತಾಬ್ ಬಂಡೋಪಾಧ್ಯಾಯ, ಬಿಎಸ್‌ಬಿಇ ವಿಭಾಗದ ಪ್ರೊ.ಜಯಂಧರನ್ ಗಿರಿಧರ ರಾವ್ ಮತ್ತು ರಿಲಯನ್ಸ್ ಲೈಫ್ ಸೈನ್ಸಸ್​ ಸಿಎಸ್​ಒ ಡಾ.ವೆಂಕಟ್ ರಮಣ, ಜನರಲ್ ಮ್ಯಾನೇಜರ್​ ಪ್ರವೀಣ್ ಶರ್ಮಾ ಸೇರಿದಂತೆ ಇತರರು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.

ಇದನ್ನೂ ಓದಿ: ಹೊರರಾಜ್ಯಗಳಿಗೆ ನಂದಿನಿ ಹಾಲಿನ ಪೂರೈಕೆ ಸ್ಥಗಿತಗೊಳಿಸಿ; ಹೋಟೆಲ್​ ಮಾಲೀಕರಿಂದ ಕೆಎಂಎಫ್​ಗೆ ಪತ್ರ

ಐಐಟಿ ಕಾನ್ಪುರ ಜೈವಿಕ ವಿಜ್ಞಾನ ಮತ್ತು ಜೈವಿಕ ಇಂಜಿನಿಯರಿಂಗ್ ವಿಭಾಗದ ಪ್ರೊ.ಜಯಂಧರನ್ ಗಿರಿಧರ ರಾವ್ ಮತ್ತು ಶುಭಂ ಮೌರ್ಯ ಈ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸಿದ್ದಾರೆ. ಪೇಟೆಂಟ್ ತಂತ್ರಜ್ಞಾನವು ಆನುವಂಶಿಕ ಆರೋಗ್ಯ ಸಮಸ್ಯೆಗೆ ಚಿಕಿತ್ಸೆ ನೀಡಲು ಜೀವಿಗಳ ಜೀನ್ ಮಾರ್ಪಡಿಸುತ್ತದೆ. ಈ ಸಂದರ್ಭದಲ್ಲಿ ಸೈಟ್ ಜೀನ್ ಚಿಕಿತ್ಸೆಗಾಗಿ ಬಳಸಲಾಗುವ ಅಡೆನೊ-ಸಂಬಂಧಿತ ವೈರಸ್ (AAV) (ವೈರಲ್ ವೆಕ್ಟರ್) ನಲ್ಲಿ ನಿರ್ದಿಷ್ಟ ಸ್ಥಳವನ್ನು ಉಲ್ಲೇಖಿಸುತ್ತದೆ. ಸಮಸ್ಯೆ ಪೀಡಿತ ಜೀವಕೋಶಗಳಿಗೆ ಜೀನ್‌ಗಳನ್ನು ತಲುಪಿಸುವ ಸಾಮರ್ಥ್ಯ ಉತ್ತಮಗೊಳಿಸಲು ಮತ್ತು ಅದರ ಪರಿಣಾಮ ಸುಧಾರಿಸಲು ತಂತ್ರಜ್ಞಾನವು ಈ ಸ್ಥಳವನ್ನು ಮಾರ್ಪಡಿಸುತ್ತದೆ. ತಂತ್ರಜ್ಞಾನವು ಅನೇಕ ಆನುವಂಶಿಕ ಕಾಯಿಲೆಗಳಿಗೆ, ವಿಶೇಷವಾಗಿ ಆನುವಂಶಿಕ ಕಣ್ಣಿನ ಕಾಯಿಲೆಗಳಿಗೆ ಜೀನ್ ಚಿಕಿತ್ಸೆ ಸುಧಾರಿಸುವ ಸಾಮರ್ಥ್ಯ ಹೊಂದಿದೆ. ಕುರುಡುತನದ ಪ್ರಾಣಿಗಳ ಮಾದರಿ ದೃಷ್ಟಿದೋಷವನ್ನು ಸರಿಪಡಿಸುವಲ್ಲಿ ಇದು ಗಮನಾರ್ಹ ಭರವಸೆಯನ್ನು ತೋರಿಸಿದೆ.

ಇದನ್ನೂ ಓದಿ: ಒಂದೇ ಮನೆಯ ನಾಲ್ವರನ್ನು ಕೊಂದಿದ್ದ ಅಪ್ಪ-ಮಗನ ಬಂಧನ

ಜೀನ್ ಥೆರಪಿಯು ಮರುಸಂಯೋಜಿತ ಡಿಎನ್ಎ ತಂತ್ರಜ್ಞಾನದ ಅತ್ಯಂತ ಪ್ರಬಲವಾದದ್ದರಲ್ಲಿ ಒಂದಾಗಿದೆ. ಇದರಲ್ಲಿ ಅನೇಕ ಮೂಲಗಳಿಂದ ಡಿಎನ್ಎ ತುಣುಕುಗಳನ್ನು ಸಂಯೋಜಿಸಿ, ದೋಷಯುಕ್ತ ಜೀನ್‌ನ ಆರೋಗ್ಯಕರ ನಕಲನ್ನು ಸಮರ್ಥವಾಗಿ ತಲುಪಿಸಲು ಪರಿಚಯಿಸಿದ ಜೀನ್‌ನಿಂದ ಪ್ರೊಟೀನ್‌ನ ಉತ್ಪಾದನೆಯು ಜೀವಿಗೆ ನಿರಂತರವಾಗಿರುತ್ತದೆ. ಇದನ್ನು ಸಕ್ರಿಯಗೊಳಿಸಲು, ಮಾನವ ಜೀವಕೋಶಗಳಿಗೆ ಸೋಂಕು ತಗುಲಿಸುವ ವೈರಸ್ ಬಳಸಿಕೊಂಡು ಚಿಕಿತ್ಸಕ ಡಿಎನ್ಎ ಅಣುವನ್ನು ವಿತರಿಸಲಾಗುತ್ತದೆ. ಯಶಸ್ವಿ ಕ್ಲಿನಿಕಲ್ ಅಪ್ಲಿಕೇಷನ್‌ಗಾಗಿ, ಅಪೇಕ್ಷಿತ ಜೀನ್‌ನ ಸಾಕಷ್ಟು ಅಭಿವ್ಯಕ್ತಿ ಖಾತ್ರಿಪಡಿಸುವ ಗುರಿಯನ್ನು ಹೊಂದಿರುವ ಮೂಲಭೂತ ಪ್ರಕ್ರಿಯೆಯ ಹಲವಾರು ಆಪ್ಟಿಮೈಸೇಷನ್ ಅಗತ್ಯವಿದೆ.

https://www.vijayavani.net/india-reports-2-h3n2-virus-deaths-first-from-karnataka-second-from-haryana/

https://www.vijayavani.net/man-dies-after-taking-viagra-pills-what-was-the-mistake/