ಎಚ್​3ಎನ್​2 ವೈರಸ್​ಗೆ ದೇಶದಲ್ಲಿ ಮತ್ತೊಂದು ಬಲಿ!; ಆತಂಕ ಹೆಚ್ಚಿಸುತ್ತಿರುವ ಸೋಂಕು

ಬೆಂಗಳೂರು: ಕಳೆದ ಕೆಲವು ದಿನಗಳಿಂದ ಬಾಧಿಸುತ್ತಿರುವ ಎಚ್​3ಎನ್​2 ವೈರಸ್​ನಿಂದ ಕರ್ನಾಟಕದಲ್ಲಿ ಒಬ್ಬರು ಸಾವಿಗೀಡಾಗುವ ಮೂಲಕ ಭಾರತದಲ್ಲಿ ಈ ಸೋಂಕಿನಿಂದಾದ ಮೊದಲ ಸಾವು ಕರ್ನಾಟಕದಲ್ಲಿ ಸಂಭವಿಸಿತ್ತು. ಇನ್ನೊಬ್ಬರು ಈ ಸೋಂಕಿಗೆ ಬಲಿಯಾಗುವ ಮೂಲಕ ದೇಶದಲ್ಲಿ ಎಚ್​3ಎನ್​2ನಿಂದ ಸತ್ತವರ ಸಂಖ್ಯೆ ಎರಡಕ್ಕೇರಿದೆ.

ಇದನ್ನೂ ಓದಿ: ಹೊರರಾಜ್ಯಗಳಿಗೆ ನಂದಿನಿ ಹಾಲಿನ ಪೂರೈಕೆ ಸ್ಥಗಿತಗೊಳಿಸಿ; ಹೋಟೆಲ್​ ಮಾಲೀಕರಿಂದ ಕೆಎಂಎಫ್​ಗೆ ಪತ್ರ

ರಾಜ್ಯದ ಹಾಸನ ಜಿಲ್ಲೆಯ 82 ವರ್ಷದ ವ್ಯಕ್ತಿ ಹಿರೇಗೌಡ ಮಾ. 1ರಂದು ಸಾವಿಗೀಡಾಗಿದ್ದರು. ಅವರು ಎಚ್​3ಎನ್​2 ವೈರಸ್​ ಸೋಂಕಿಗೆ ಒಳಗಾಗಿದ್ದನ್ನು ಜಿಲ್ಲಾ ಆರೋಗ್ಯ ಅಧಿಕಾರಿ ಖಚಿತಪಡಿಸಿದ್ದರು. ಇದೀಗ ಹರ್ಯಾಣದಲ್ಲೂ ಇನ್ನೊಬ್ಬರು ಈ ಸೋಂಕಿಗೆ ಒಳಗಾಗಿ ಸತ್ತಿದ್ದು ಖಚಿತವಾಗಿದೆ.

ಇದನ್ನೂ ಓದಿ: ಒಂದೇ ಮನೆಯ ನಾಲ್ವರನ್ನು ಕೊಂದಿದ್ದ ಅಪ್ಪ-ಮಗನ ಬಂಧನ

ಹರ್ಯಾಣದಲ್ಲಿ 56 ವರ್ಷದ ವ್ಯಕ್ತಿ ಶ್ವಾಸಕೋಶದ ಕ್ಯಾನ್ಸರ್​ನಿಂದ ಬಳಲುತ್ತಿದ್ದು, ಸಾವಿಗೀಡಾಗಿದ್ದರು. ಜಿಂದ್ ಜಿಲ್ಲೆಯ ಈ ವ್ಯಕ್ತಿ ಎಚ್​3ಎನ್​2 ಸೋಂಕಿಗೆ ಒಳಗಾಗಿದ್ದರು. ದೇಶದಲ್ಲಿ ಎಚ್​3ಎನ್​2 ಸೋಂಕಿಗೆ ಒಳಗಾಗಿ ಸಾವಿಗೀಡಾದ ಎರಡು ಪ್ರಕರಣ ಬೆಳಕಿಗೆ ಬಂದಿರುವ ಹಿನ್ನೆಲೆಯಲ್ಲಿ ಈ ಸೋಂಕಿನ ಕುರಿತ ಆತಂಕ ಹೆಚ್ಚಾಗಿದೆ ಎನ್ನಲಾಗಿದೆ. ಎಚ್​3ಎನ್​2 ಇನ್​​ಪ್ಲುಯೆಂಜಾವನ್ನು ಹಾಂಗ್​ಕಾಂಗ್​ ಫ್ಲೂ ಎಂದೂ ಕರೆಯಲಾಗುತ್ತದೆ.

ಇದನ್ನೂ ಓದಿ: 2021ರಲ್ಲಿ ನಾಪತ್ತೆಯಾಗಿದ್ದ 14 ವರ್ಷದ ಹುಡುಗಿ ಗರ್ಭಿಣಿಯಾಗಿ ಪತ್ತೆ!

https://www.vijayavani.net/chinese-sperm-banks-are-appealing-to-college-students-to-donate-sperm/

https://www.vijayavani.net/man-dies-after-taking-viagra-pills-what-was-the-mistake/