ತೆಲಂಗಾಣ: ಸೆಲೆಬ್ರಿಟಿ ಅಂದಮೇಲೆ ಸಾಮಾಜಿಕ ಜಾಲತಾಣದಲ್ಲಿ ಸದಾ ಸಕ್ರಿಯರಾಗಿರಲೇ ಬೇಕು. ಒಂದು ಸಿನಿಮಾ ಟೈಟಲ್ನಿಂದ ಹಿಡಿದು ಚಿತ್ರೀಕರಣ, ಹೊಸ ಅಪ್ಡೇಟ್, ಲಿರೀಕಲ್ ಹಾಡುಗಳು, ಟೀಸರ್, ಟ್ರೇಲರ್ ಹೀಗೆ ಹಲವಾರು ಮಾಹಿತಿಗಳನ್ನು ಇದೇ ಜಾಲತಾಣಗಳಲ್ಲಿ ಹಂಚಿಕೊಳ್ಳಬೇಕು. ಆಯಾ ಚಿತ್ರತಂಡ ಹಾಕುವ ವಿಷಯಗಳು ಪ್ರತಿಯೊಬ್ಬರಿಗೂ ಮೆಚ್ಚುಗೆ ಆಗಬೇಕು ಎಂದೇನಿಲ್ಲ. ಕೆಲವರಿಗೆ ಇಷ್ಟವಾಗದೆ ಇರಬಹುದು. ಇನ್ನೂ ಕೆಲವರು ಅದನ್ನು ಟ್ರೋಲ್ ಮೂಲಕ ಟೀಕೆಯೂ ಮಾಡಬಹುದು. ಇದು ಇತ್ತೀಚಿನ ದಿನಗಳಲ್ಲಿ ಬಹಳ ಕಾಮನ್ ಆಗಿ ಹೋಗಿದೆ. ಸಾಮಾನ್ಯವಾಗಿ ಟ್ರೋಲ್ ಎಂಬ ವಿಷಯ ಬಂದಾಗ ಅದು ನಟ ಅಥವಾ ನಟಿಗೆ ಹೆಚ್ಚಾಗಿ ಮೀಸಲಿರುತ್ತದೆ. ಆದ್ರೆ, ಇಲ್ಲೊಬ್ಬರು ಚಿತ್ರ ನಿರ್ದೇಶಕರು ಸ್ಟಾರ್ ಕಲಾವಿದರಿಗಿಂತಲೂ ಹೆಚ್ಚಿನ ಟ್ರೋಲ್ಗೆ ನಾನು ಗುರಿಯಾಗಿದ್ದೆ ಎಂಬ ಸಂಗತಿಯನ್ನು ಬಹಿರಂಗವಾಗಿ ಹೇಳಿಕೊಂಡಿದ್ದಾರೆ.
