Suriya: ಅಂತಹವರನ್ನು ನೋಡಿದ್ರೆ 'ರೋಲೆಕ್ಸ್​'ನಂತೆ ಬದಲಾಗ್ತಿದ್ದೆ: ಖ್ಯಾತ ನಟನ ಕಾಮೆಂಟ್ಸ್​ ವೈರಲ್​

ಚೆನ್ನೈ: ಸೂರ್ಯ(Suriya) ನಾಯಕನಾಗಿ ನಟಿಸಿರುವ ಚಿತ್ರ 'ಕಂಗುವ'. ಅದ್ಧೂರಿ ಬಜೆಟ್‌ನಲ್ಲಿ ತಯಾರಾಗಿದ್ದು, ಈ ಚಿತ್ರ ನ.14 ರಂದು ಬಿಡುಗಡೆಯಾಗಲಿದೆ. 'ಕಂಗುವಾ' ಚಿತ್ರದ ಆಡಿಯೋವನ್ನು ಶನಿವಾರ(ಅ.26) ಚೆನ್ನೈನಲ್ಲಿ ಬಿಡುಗಡೆ ಮಾಡಲಾಯಿತು. ಅಭಿಮಾನಿಗಳ ಸಮ್ಮುಖದಲ್ಲಿ ನಡೆದ ಈ ಸಮಾರಂಭದಲ್ಲಿ ಸೂರ್ಯ ಇಂಟ್ರೆಸ್ಟಿಂಗ್ ಕಾಮೆಂಟ್ಸ್ ಮಾಡಿದ್ದಾರೆ. ಇದೀಗ ಅವರ ಮಾತುಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್​ ಆಗುತ್ತಿವೆ.

ಇದನ್ನೂ ಓದಿ: Irumudi : ಶಬರಿಮಲೆ ಭಕ್ತರಿಗೆ ಶುಭಸುದ್ದಿ: ‘ಇರುಮುಡಿ’ಯೊಂದಿಗೆ ವಿಮಾನ ಪ್ರಯಾಣ!

ವೃತ್ತಿ ಬದುಕಿನಲ್ಲಿ ಏಳುಬೀಳುಗಳನ್ನು ಕಾಣುತ್ತಿರುವುದಕ್ಕೆ ಬೇಸರವಿಲ್ಲ. ಸೋಲುಗಳನ್ನು ಅನುಭವಿಸುವ ಮೂಲಕ ಮಾತ್ರ ಯಶಸ್ಸನ್ನು ಅನುಭವಿಸಲು ಸಾಧ್ಯ ಎಂದರು.

"ಸುಮಾರು ಐದು ವರ್ಷಗಳ ಹಿಂದೆ, ನಾನು ವಿಭಿನ್ನವಾಗಿದ್ದೆ. ಯಾರಾದರೂ ಸಾಮಾಜಿಕ ಜಾಲತಾಣಗಳಲ್ಲಿ ನಕಾರಾತ್ಮಕ ಕಾಮೆಂಟ್‌ಗಳನ್ನು ಮಾಡಿದರೆ, ಅವರನ್ನು ನೋಡಿದಾಗ ನನಗೆ ತುಂಬಾ ಕೋಪ ಬರುತ್ತಿತ್ತು. ನಾನು 'ರೋಲೆಕ್ಸ್' (ವಿಕ್ರಮ್‌ನಲ್ಲಿನ ಅವರ ಪಾತ್ರ) ನಂತೆ ಬದಲಾಗುತ್ತಿದ್ದೆ. ಆದರೆ ನಿರ್ದೇಶಕ ಶಿವ ಯಾರಾದರೂ ನಿಮ್ಮನ್ನು ದ್ವೇಷಿಸಿದರೂ ಕ್ಷಮೆ ಒಂದು ಸುಂದರ ವಿಷಯ ಎಂದು ನನಗೆ ತಿಳಿಯಪಡಿಸಿದರು. "ಪ್ರೀತಿಯನ್ನು ಮಾತ್ರ ಹರಡಿ, ನಕಾರಾತ್ಮಕ ಕಾಮೆಂಟ್‌ಗಳಿಗೆ ಉತ್ತರಿಸಲು ನಿಮ್ಮ ಸಮಯವನ್ನು ವ್ಯರ್ಥ ಮಾಡಬೇಡಿ" ಎಂದು ಹಿತವಚನ ಹೇಳಿದರು ಎಂದರು.

ನಿರ್ಮಾಣ ಸಂಸ್ಥೆಯ ಬಗ್ಗೆ ಮಾತನಾಡಿದ ಅವರು, "ಗ್ರೀನ್ ಸ್ಟುಡಿಯೋಸ್ ನನ್ನ ಸ್ವಂತ ಮನೆ ಇದ್ದಂತೆ. ಜ್ಞಾನವೇಲ್ ಜೊತೆ ಉತ್ತಮ ಬಾಂಧವ್ಯವಿದೆ. ಆ ಸಂಸ್ಥೆಯಿಂದಾಗಿಯೇ ನಾನು 2ಡಿ ಎಂಟರ್‌ಟೈನ್‌ಮೆಂಟ್ಸ್ ಮತ್ತು ಡ್ರೀಮ್ ವಾರಿಯರ್ ಪಿಕ್ಚರ್ಸ್ ಪ್ರಾರಂಭಿಸಲು ಸಾಧ್ಯವಾಯಿತು ಎಂದರು.

https://www.vijayavani.net/actress-sreeleela-spotted-while-having-tea-in-road-side-tea-shop