Hyderabad School Drug Case | ಡ್ರಗ್ಸ್​​ ಉತ್ಪಾದನೆಯ ಕೇಂದ್ರವಾಗಿ ಬದಲಾದ ಶಾಲೆ; ಪೊಲೀಸ್​ ದಾಳಿ ವೇಳೆ ನೋಟಿನ ಕಂತೆಗಳು ಪತ್ತೆ!

Hyderabad School Drug Case: ಹೈದರಾಬಾದ್‌ನ ಖಾಸಗಿ ಶಾಲೆಯೊಂದರ ಕಟ್ಟಡದಲ್ಲಿ ನಡೆಯುತ್ತಿದ್ದ ಮಾದಕವಸ್ತು ಜಾಲವನ್ನು ತೆಲಂಗಾಣ ಪೊಲೀಸರು ಭೇದಿಸಿದ್ದು, ಶಾಲೆಯ ನಿರ್ದೇಶಕ ಸೇರಿದಂತೆ ಮೂವರನ್ನು ಬಂಧಿಸಲಾಗಿದೆ ಎಂದು ವರದಿಯಾಗಿದೆ.

ಮೇಧಾ ಶಾಲೆಯ ತರಗತಿ ಕೊಠಡಿಗಳನ್ನು ಆಲ್ಪ್ರಜೋಲಂ ಉತ್ಪಾದಿಸುವ ಕೋಣೆಗಳನ್ನಾಗಿ ಪರಿವರ್ತಿಸಿದ್ದರು, ಇದು ಸೇಂದಿ ಕಲಬೆರಕೆಯಲ್ಲಿ ಬಳಸುವ ನಿಷೇಧಿತ ಮಾದಕ ವಸ್ತು ಎನ್ನಲಾಗಿದೆ. ಶಾಲೆಯ ನಿರ್ದೇಶಕ ಮಲೇಲ ಜಯ ಪ್ರಕಾಶ್ ಗೌಡ್, ಗುರುವಾರೆಡ್ಡಿ ಎಂಬಾತನಿಂದ ಮಾದಕ ದ್ರವ್ಯ ತಯಾರಿಕೆಯ ಪ್ರಕ್ರಿಯೆಯನ್ನು ಕಲಿತು, ಅದನ್ನು ಮಹಬೂಬ್‌ನಗರದ ಕಳ್ಳ ಸಾಗಣೆ ಮಳಿಗೆಗಳಿಗೆ ಮಾರಾಟ ಮಾಡಿದರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಇದನ್ನೂ ಓದಿ:ಇಂಡಿಯಾ-ಪಾಕ್ ಕ್ರಿಕೆಟ್; ಪಂದ್ಯ ಪ್ರಸಾರ ಮಾಡಿದ್ರೆ, ಟಿವಿ ಸೆಟ್ ಹೊಡೆದಾಕುತ್ತೇವೆ; ಹೋಟೆಲ್​, ರೆಸ್ಟೋರೆಂಟ್​ಗಳಲ್ಲಿ ಶಿವಸೇನೆ ಎಚ್ಚರಿಕೆ| India-Pak Cricket

ಈ ಘಟಕವು ಸುಮಾರು ಆರು ತಿಂಗಳಿನಿಂದ ನಡೆಯುತ್ತಿದೆ ಎಂದು ತಿಳಿದುಬಂದಿದ್ದು, ವಾರದಲ್ಲಿ ಆರು ದಿನ ತಯಾರಿಕೆ ನಡೆಸುತ್ತಿದ್ದರು ಮತ್ತು ಭಾನುವಾರ ವಿತರಣೆಯನ್ನು ವ್ಯವಸ್ಥೆ ಮಾಡುತ್ತಿದ್ದರು. ಕಟ್ಟಡದ ನೆಲ ಮತ್ತು ಮೊದಲ ಮಹಡಿಯಲ್ಲಿ ಶಾಲಾ ತರಗತಿಗಳು ನಡೆಯುತ್ತಿದ್ದು, ಎರಡನೇ ಮಹಡಿಯನ್ನು ಈ ಅಕ್ರಮ ಚಟುವಟಿಕೆಗಾಗಿ ಮೀಸಲಿಡಲಾಗಿತ್ತು ಎನ್ನಲಾಗಿದೆ. ತೆಲಂಗಾಣ ಮಾದಕ ದ್ರವ್ಯ ವಿರೋಧಿ ವಿಭಾಗ, ಎಲೈಟ್ ಆಕ್ಷನ್ ಗ್ರೂಪ್ ಫಾರ್ ಡ್ರಗ್ ಲಾ ಎನ್‌ಫೋರ್ಸ್‌ಮೆಂಟ್ (ಈಗಲ್) 7 ಕೆಜಿಗೂ ಹೆಚ್ಚು ಆಲ್ಪ್ರಜೋಲಂ, 21 ಲಕ್ಷ ರೂ. ನಗದು, ದೊಡ್ಡ ಪ್ರಮಾಣದ ಕಚ್ಚಾ ರಾಸಾಯನಿಕಗಳು ಮತ್ತು ಉತ್ಪಾದನಾ ಉಪಕರಣಗಳನ್ನು ವಶಪಡಿಸಿಕೊಂಡಿದೆ ಎಂದು ಮೂಲಗಳು ತಿಳಿಸಿವೆ.

ಬಂಧಿತರನ್ನು ಶಾಲೆಯ ಮಾಲೀಕ ಜಯ ಪ್ರಕಾಶ್ ಗೌಡ್, ಚಾಲಕ ಪಿ. ಉದಯ್ ಸಾಯಿ ಮತ್ತು ಮಾದಕವಸ್ತು ಸಾಗಣೆದಾರ ಜಿ. ಮುರಳಿ ಎಂದು ಗುರುತಿಸಲಾಗಿದೆ.(ಏಜೆನ್ಸೀಸ್​​​)