ಮೇಕಪ್​​ ವಿಚಾರಕ್ಕೆ ಪತ್ನಿಯ ಜಡೆ ಕತ್ತಿಸಿದ ಪತಿ: ಮಗಳ ಜಡೆ ಹಿಡಿದು ಪೊಲೀಸ್​​ ಠಾಣೆ ಮೆಟ್ಟಿಲೇರಿದ ತಂದೆ! Hair cut

Hair cut | ಉತ್ತರ ಪ್ರದೇಶದ ಹರ್ದೋಯ್ ಜಿಲ್ಲೆಯಿಂದ ಒಂದು ಕುತೂಹಲಕಾರಿ ಪ್ರಕರಣ ಬೆಳಕಿಗೆ ಬಂದಿದೆ. ಅದೇನೆಂದರೆ, ಹೆಂಡತಿಗೆ ಮೇಕಪ್ ಮಾಡಿಕೊಳ್ಳಲು ಹೆಚ್ಚು ಸಮಯ ತೆಗೆದುಕೊಂಡಿದ್ದಾಳೆ. ಹೀಗಾಗಿ ಗಂಡ ಆಕೆಯ ಜಡೆಯನ್ನು ಕತ್ತರಿಸಿದ್ದಾನೆ. ವಿಷಯ ತಿಳಿದ ಆಕೆಯ ತಂದೆ ಜಡೆಯೊಂದಿಗೆ ಪೊಲೀಸ್ ಠಾಣೆಗೆ ಹೋಗಿ ಆರೋಪಿ ಅಳಿಯನ ವಿರುದ್ಧ ವರದಕ್ಷಿಣೆ ಕಿರುಕುಳದ ದೂರು ದಾಖಲಿಸಿದ್ದಾರೆ.

ತನ್ನ ತಂಗಿಯ ಮದುವೆಗೆ ಹೋಗಲು ಹೆಂಡತಿ ಮೇಕಪ್ ಮಾಡಿಕೊಳ್ಳುತ್ತ ತನ್ನ ಹುಬ್ಬುಗಳನ್ನು ಸರಿಪಡಿಸಿಕೊಳ್ಳುತ್ತಿದ್ದಳು. ಇದರಿಂದ ಕೋಪಗೊಂಡ ಗಂಡ ಆಕೆಯ ಜಡೆಯನ್ನು ಕತ್ತರಿಸಿದ್ದಾನೆ. ಇದಾದ ನಂತರ ಆಕೆಯ ಪತಿ ಪರಾರಿಯಾಗಿದ್ದಾನೆ. ತನ್ನ ಮಗಳ ಸ್ಥಿತಿಯನ್ನು ನೋಡಿದ ಮಹಿಳೆಯ ತಂದೆ, ಮಗಳ ಗಂಡನ ವಿರುದ್ಧ ವರದಕ್ಷಿಣೆ ಕಿರುಕುಳದ ಆರೋಪದ ಮೇಲೆ ಪೊಲೀಸರಿಗೆ ದೂರು ನೀಡಿದ್ದಾರೆ.

ನಡೆದಿದ್ದೇನು?

ಸರೋಯ್ ಮುಲ್ಲಗಂಜ್ ನಿವಾಸಿ ರಾಧಾಕೃಷ್ಣ ಎಂಬಾತ ತನ್ನ ಮಗಳು ಸುಮನಳನ್ನು ಜಗ್ಗಪುರ ನಿವಾಸಿ ರಾಮಪ್ರತಾಪ್ ಎಂಬುವವರೊಂದಿಗೆ ಒಂದು ವರ್ಷದ ಹಿಂದೆ ಮದುವೆ ಮಾಡಿಸಿದ್ದಾನೆ. ಮದುವೆಯ ಸಮಯದಲ್ಲಿ ಅವರ ಸಾಮರ್ಥ್ಯಕ್ಕೆ ಅನುಗುಣವಾಗಿ ವರದಕ್ಷಿಣೆಯನ್ನು ಸಹ ನೀಡಲಾಗಿತ್ತು. ಅತ್ತೆ-ಮಾವಂದಿರು ವರದಕ್ಷಿಣೆಯಾಗಿ ಫ್ರಿಡ್ಜ್ ಮತ್ತು ಕೂಲರ್‌ಗೆ ಬೇಡಿಕೆ ಇಡುತ್ತಿದ್ದರು ಎಂದು ಆರೋಪಿಸಲಾಗಿದೆ. ತಮ್ಮ ಬೇಡಿಕೆಗಳು ಈಡೇರದಿದ್ದಾಗ, ಆಕೆಯ ಅತ್ತೆ ಮಾವ ಸುಮನಳನ್ನು ಹೊಡೆಯುತ್ತಿದ್ದರು. ಇದನ್ನು ತಿಳಿದ ನಂತರ, ರಾಧಾಕೃಷ್ಣ ತನ್ನ ಮಗಳು ಸುಮನಳನ್ನು ತವರು ಮನೆಗೆ ಕರೆದೊಯ್ದಿದ್ದಾರೆ.

ಇದನ್ನೂ ಓದಿ: ತೋಟದಲ್ಲಿ ಸಿಕ್ಕ ಹಳೆಯ ಮುರಿದ 'ಹೂವಿನ ಕುಂಡ' ಲಕ್ಷಾಂತರ ರೂ.ಗೆ ಮಾರಾಟವಾಯ್ತು! ಕಾರಣ ಏನಿರಬಹುದು;

ಇಲ್ಲಿ ಸುಮನ ಅವಳ ಸಹೋದರಿಯ ಮದುವೆಯೂ ನಿಶ್ಚಯವಾಗಿತ್ತು. ಸುಮನ ಮದುವೆ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಹಲವು ದಿನಗಳಿಂದ ತಯಾರಿ ನಡೆಸುತ್ತಿದ್ದಳು. ಅಷ್ಟರಲ್ಲಿ, ಹೆಂಡತಿ ಗಂಡನ ಹುಬ್ಬುಗಳನ್ನು ಸರಿಪಡಿಸಲು ಮುಂದಾಗಿದ್ದಾಳೆ, ಇದನ್ನು ನೋಡಿದ ಅವಳ ಗಂಡನಿಗೆ ಕೋಪ ಬಂತು. ಈ ವಿಷಯಕ್ಕೆ ಸಂಬಂಧಿಸಿದಂತೆ ಇಬ್ಬರ ನಡುವೆ ಜಗಳ ನಡೆದು, ನಂತರ ಪತಿ ಸುಮನ ಅವಳನ್ನು ಹೊಡೆದು ಆಕೆಯ ಜಡೆ ಕತ್ತರಿಸಿದ್ದಾನೆ. ನಂತರ ಆತ ಸ್ಥಳದಿಂದ ಪರಾರಿಯಾಗಿದ್ದಾನೆ. ವರದಕ್ಷಿಣೆ ಕಿರುಕುಳ ಮತ್ತು ಹಲ್ಲೆ ಪ್ರಕರಣ ದಾಖಲಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. (ಏಜೆನ್ಸೀಸ್​)