ಎರಡು ದಶಕದಿಂದ ನನೆಗುದಿಗೆ ಬಿದ್ದಿರುವ ಬೆಳಗಾವಿ ಜಿಲ್ಲಾ ವಿಭಜನೆ. ಘಟಪ್ರಭಾ, ಮಲಪ್ರಭಾ ಎಡ ಮತ್ತು ಬಲ ದಂಡೆ ನೀರಾವರಿ ಯೋಜನೆಗಳ ಅನುಷ್ಠಾನ. ಅರ್ಧಕ್ಕೆ ಮೊಟಕುಗೊಂಡಿರುವ ಏತ ನೀರಾವರಿ ಯೋಜನೆ (ಪ್ರಮುಖವಾಗಿ ಕುಡಿವ ನೀರಿನ ಯೋಜನೆ). ಹೊಸ ತಾಲೂಕುಗಳಲ್ಲಿ ಇಲಾಖೆಗಳ ಕಚೇರಿಗಳ ಸ್ಥಾಪನೆ. ತಾಲೂಕು ಮಟ್ಟದಲ್ಲಿ ಸರ್ಕಾರಿ ಇಂಜಿನಿಯರಿಂಗ್ ಪದವಿ ಕಾಲೇಜು ಸ್ಥಾಪನೆ. ಜಿಲ್ಲಾ ರಸ್ತೆಗಳನ್ನು ಹೆದ್ದಾರಿಗಳಾಗಿ ಮೇಲ್ದರ್ಜೆಗೇರಿಸುವುದು. ಬೆಂಗಳೂರು-ಪುಣೆ ಮಧ್ಯೆ ಭಾಗದಲ್ಲಿರುವ ಬೆಳಗಾವಿಯಲ್ಲಿ ಕೈಗಾರಿಕೆಗಳ ಅಭಿವೃದ್ಧಿಗೆ ವಿಶೇಷ ಒತ್ತು ಕೊಟ್ಟು, ಉದ್ಯಮ ಬಲಗೊಳಿಸಬೇಕಿದೆ. ಗುಡಿ ಕೈಗಾರಿಕೆಗಳಿಗೆ ಉತ್ತೇಜನ ಬೇಕಿದೆ. ಕಳಸಾ ಬಂಡೂರಿ, ಕೃಷ್ಣಾ ಮೇಲ್ದಂಡೆ ಯೋಜನೆ. ಸುವರ್ಣ ವಿಧಾನಸೌಧಕ್ಕೆ ರಾಜ್ಯಮಟ್ಟದ ಕಚೇರಿಗಳ ಸ್ಥಳಾಂತರ. ಖಾನಾಪುರ ತಾಲೂಕಿನ ಕಾಡಂಚಿನ ಬಹುತೇಕ ಗ್ರಾಮಗಳಿಗೆ ರಸ್ತೆ, ಬಸ್, ವಿದ್ಯುತ್ ಸೌಕರ್ಯ. ಕೊಪ್ಪಳ ತುಂಗಭದ್ರಾ ಜಲಾಶಯದಲ್ಲಿರುವ ಹೂಳಿಗೆ ಪರ್ಯಾಯ ಯಾವಾಗ? ಪ್ರಸ್ತಾವಕ್ಕಷ್ಟೇ ಸೀಮಿತವಾದ ನವಲಿ ಸಮಾನಾಂತರ ಜಲಾಶಯ.ಅಂಜನಾದ್ರಿ, ಆನೆಗೊಂದಿ, ಹುಲಿಗೆಮ್ಮ, ಇಟಗಿ ಮಹಾದೇವ ದೇವಾಲಯ, ಕುಮಾರ ರಾಮಬೆಟ್ಟ ಪ್ರವಾಸೋದ್ಯಮ ಪ್ರದೇಶಗಳ ಅಭಿವೃದ್ಧಿಗೆ ಕೈಗೊಳ್ಳಬೇಕಾದ ಅನುದಾನ, ಯೋಜನೆ. ಕಳೆದ 15 ವರ್ಷಗಳಿಂದ ಪ್ರಸ್ತಾವ ಹಂತದಲ್ಲೇ ರೈಸ್ಟೆಕ್ನಾಲಜಿ ಪಾರ್ಕ್. ಕಾರಟಗಿಯಲ್ಲಿ ಆರಂಭವಾಗಬೇಕಾದ ಈ ಪಾರ್ಕ್ಗೆ ಇನ್ನೆಷ್ಟು ವರ್ಷ ಕಾಯಬೇಕು? ಜಿಲ್ಲೆಯ ಕನಕಗಿರಿಯಲ್ಲಿ ಬಹುಕಾಲದ ನಿರೀಕ್ಷೆಯಾದ ತೋಟಗಾರಿಕೆ ಪಾರ್ಕ್ ಈವರೆಗೆ ಶುರುವಾಗಿಲ್ಲವೇಕೆ?
