ಅಜಿತ್​-ವಿಜಯ್​-ಸೂರ್ಯರಿಗಿರುವ ಅಭಿಮಾನಿಗಳು ನಿಮಗಿಲ್ಲ; ಹೇಳಿದವರಿಗೆ ವಿಕ್ರಮ್​ ಕೊಟ್ರು ಖಡಕ್​ ಉತ್ತರ

ಚೆನ್ನೈ: ಕಾಲಿವುಡ್​ನಲ್ಲಿ ಚಿಯಾನ್​ ಎಂದು ಖ್ಯಾತಿ ಪಡೆದಿರುವ ನಟ ವಿಕ್ರಮ್​ ತಮ್ಮ ಸಿನಿಮಾಗಳಲ್ಲಿ ಒಂದಲ್ಲಾ ಒಂದು ರೀತಿಯ ಎಕ್ಸ್​ಪೆರಿಮೆಂಟ್​ ಮಾಡುತ್ತಿರುತ್ತಾರೆ. ​​​ ಪ್ರತಿ ಸಿನಿಮಾದಲ್ಲೂ ಅವರ ಡೆಡಿಕೇಷನ್​​ ನೋಡಿ ಥ್ರಿಲ್​ ಆಗದವರೇ ಇಲ್ಲ. ಸದ್ಯ ವಿಕ್ರಮ್​​ ತಮ್ಮ ಮುಂದಿನ ಸಿನಿಮಾ ತಂಗಳನ್​​ ಪ್ರಚಾರದಲ್ಲಿ ಬಿಸಿಯಾಗಿದ್ದಾರೆ.

ಇದನ್ನು ಓದಿ: ಕ್ಲಾಸಿಕಲ್​ ಕಲ್ಟ್​​ ‘ದೇವದಾಸ್’ ಚಿತ್ರವನ್ನು ತಿರಸ್ಕರಿಸಿದ್ರಂತೆ ಶಾರೂಖ್​​; ಬಳಿಕ ಒಪ್ಪಿಕೊಂಡಿದ್ದು ಈ ಕಾರಣಕ್ಕಂತೆ!

ತಂಗಳನ್​ ಸಿನಿಮಾದ ಪ್ರಚಾರದಲ್ಲಿರುವ ನಟ ವಿಕ್ರಮ್​​ಗೆ ನಿಮಗೆ ಅಜಿತ್, ವಿಜಯ್​​​ ಮತ್ತು ಸೂರ್ಯ ಅವರಿಗಿರುವಷ್ಟು ಅಭಿಮಾನಿಗಳು ಇಲ್ಲ ಎನ್ನಿಸುತ್ತದೆ ಎಂದು ಕೇಳಲಾಗಿದೆ. ಅದಕ್ಕೆ ಕೂಲ್​ ಆಗಿಯೇ ಉತ್ತರಿಸಿದ ವಿಕ್ರಮ್​​​, ನನ್ನ ಅಭಿಮಾನಿಗಳ ಬಗ್ಗೆ ನಿಮಗೆ ತಿಳಿದಿಲ್ಲ. ಸಿನಿಮಾ ರಿಲೀಸ್​ ಆದ ಬಳಿಕ ಥಿಯೇಟರ್​ಗೆ ಬಂದು ನೋಡಿ. ನಿಮಗೆ ಆಗ ತಿಳಿಯುತ್ತದೆ ನನ್ನ ಅಭಿಮಾನಿಗಳ ಬಗ್ಗೆ ಎಂದು ಹೇಳಿದ್ದಾರೆ.

ಬಳಿಕ ವಿಕ್ರಮ್​ಗೆ ನೀವು ಟಾಪ್​​ 3 ಲೀಡಿಂಗ್​ ನಟರ ಲಿಸ್ಟ್​​ನಲ್ಲಿ ಇಲ್ಲ ಎಂದು ಕೇಳಲಾಯಿತು. ಅದಕ್ಕೆ ಈ ಟಾಪ್​ 3, 4, 5 ಲಿಸ್ಟ್​ನಲ್ಲಿರುವುದು ಮುಖ್ಯವಲ್ಲ. ಅಭಿಮಾನಿಗಳು ಇರುವುದು ಬೇರೆ...ಜನರಲ್​ ಆಡಿಯನ್ಸ್​ ಕೂಡ ಇರುತ್ತಾರೆ. ಒಂದಲ್ಲಾ ಒಂದು ರೀತಿ ಎಲ್ಲರೂ ಸಿನಿಮಾದ ಅಭಿಮಾನಿಗಳೆ. ಸಿನಿಮಾಗೆ ಪ್ರೇಕ್ಷಕರು ಮುಖ್ಯ ಎಂದು ಹೇಳಿದರು.

ಈ ಮಧ್ಯೆ ಅಲ್ಲೇ ಇದ್ದ ಮತ್ತೊಬ್ಬರು. ಸರ್​ ನಾನು ನಿಮ್ಮ ಅಭಿಮಾನಿ, ಈ ರೀತಿಯ ಪ್ರಶ್ನೆ ಕೇಳುತ್ತಿದ್ದರೆ ಸುಮ್ಮನೆ ಇರಲು ಸಾಧ್ಯವಿಲ್ಲ. ನೀವು ಕೇಳುತ್ತಿರುವ ಎಲ್ಲರಿಗೂ ದ್ವೇಷಿಸುವವರು ಇದ್ದಾರೆ ಆದರೆ ನಮ್ಮ ಹೀರೋಗೆ ಇಲ್ಲ ಎಂದು ಹೇಳಿದರು. ಅದಕ್ಕೆ ವಿಕ್ರಮ್​​ ಧನ್ಯವಾದ ಎಂದು ಹೇಳಿದರು.

ಬಳಿಕ ವಿಕ್ರಮ್​, ನನ್ನ ಅಭಿಮಾನಿಗಳ ಬಗ್ಗೆ ಹೇಳುವುದು ಬೇಡ. ನೀವೆ ಥಿಯೇಟರಿಗೆ ಬರುತ್ತಿರಾ ಅಲ್ಲವೇ.. ನಿಮ್ಮ ನಂಬರ್​ ಅನ್ನು ನಮ್ಮ ಅಸಿಸ್ಟೆಂಟ್​​ಗೆ ಕೊಟ್ಟು ಹೋಗಿ, ನಾಳೆ ನೀವೇ ಉಲ್ಲೇಖಿಸಿದ ನಟರ ಬಳಿ ಇದೇ ಪ್ರಶ್ನೇ ಕೇಳುತ್ತೀರಿ ಎಂದು ಹೇಳಿದರು.

ನಾನು ಧೂಳ್​, ಸ್ವಾಮಿ ಸಿನಿಮಾ ಮಾಡಿದ್ದೇನೆ. ಅಂತಹ ಚಿತ್ರಗಳನ್ನು ಹೇಗೆ ಮಾಡಬೇಕೆಂದು ತಿಳಿದಿದೆ. ಆದರೆ ಸಿನಿಮಾದಲ್ಲಿನ ಅನ್ವೆಷಣೆಯೆ ಬೇರೆ. ಹೊಸ ಬೆಳವಣಿಗೆಗಳು, ಹೊಸ ಕಥೆಯ ಮೂಲಕ ಸಿನಿಮಾವನ್ನು ಉನ್ನತ ಮಟ್ಟಕ್ಕೆ ಕೊಂಡೊಯ್ಯಬೇಕೆಂಬುದು ನನ್ನ ಆಶಯ. ಅದರ ಪರಿಣಾಮವೇ ತಂಗಳನ್​ ಎಂದು ತಿಳಿಸಿದರು. ನಟ ವಿಕ್ರಮ್ ಅವರ ತಂಗಳನ್ ಸಿನಿಮಾ ಆಗಸ್ಟ್ 15 ರಂದು ಬಿಡುಗಡೆಯಾಗಲಿದೆ. ಮಾಳವಿಕಾ ಮೋಹನನ್, ಪಾರ್ವತಿ ತಿರುವೋತ್ತು ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. (ಏಜೆನ್ಸೀಸ್​​)

https://www.vijayavani.net/no-changing-date-of-birth-after-retirement-says-karnataka-high-court