ಕಾರ್ಯತಂತ್ರ: ಸರ್ಕಾರದ ವರ್ಚಸ್ಸು ಹಾಗೂ ಪಕ್ಷದ ಸಂಘಟನೆ ಬಲವರ್ಧನೆಗೆ ಬೇಕಾದ ಕಾರ್ಯತಂತ್ರ ಜತೆಗೆ ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ಜೆ.ಪಿ.ನಡ್ಡಾ ರಾಜ್ಯಕ್ಕೆ ಭೇಟಿ ನೀಡುವ ಸಾಧ್ಯತೆಗಳಿವೆ. ಅದಕ್ಕೂ ಮುನ್ನ ಗೊಂದಲ ಬಗೆಹರಿಸುವುದಕ್ಕೆ ವರಿಷ್ಠರು ಉತ್ಸುಕರಾಗಿದ್ದು, ತಮ್ಮದೇ ಆದ ಮೂಲದಿಂದ ಸದ್ಯದ ವಿದ್ಯಮಾನಗಳ ಮಾಹಿತಿ ಕಲೆಹಾಕಿದ್ದಾರೆ. ಪಕ್ಷ ಮೂಲದ ಹಿರಿಯ ಸಚಿವರೊಂದಿಗೆ ಮುಂದಿನ ಕಾರ್ಯಯೋಜನೆ ಮತ್ತು ತಂತ್ರಗಾರಿಕೆ ಕುರಿತು ವಿಚಾರ ವಿನಿಮಯ ನಡೆಸಲಿದ್ದಾರೆ ಎಂದು ಹೇಳಲಾಗಿದೆ. ಬಿಟ್ಕಾಯಿನ್ ಪ್ರಕರಣದಲ್ಲಿ ದಾಖಲಾದ ಎಫ್ಐಆರ್, ನ್ಯಾಯಾಲಯಕ್ಕೆ ಸಲ್ಲಿಸಿದ ದೋಷಾರೋಪ ಪಟ್ಟಿ ಬಳಸಿಕೊಂಡು ಕಾಂಗ್ರೆಸ್ನವರು ಆರೋಪಿಸಿದ್ದು, ಇದೇ ಕೆಲಸ ನೀವೇ ಮುಂಚಿತವಾಗಿ ಮಾಡಬಹುದಿತ್ತಲ್ಲ? ಎಂದೂ ಕೇಳಿದ್ದಾರೆ. ಸರ್ಕಾರದ ಅಸ್ಥಿರತೆಗೆ ಕಾರಣವಾಗುವ ಯಾವುದೇ ಬೆಳವಣಿಗೆಗೆ ಅವಕಾಶ ನೀಡಬಾರದು ಎಂಬ ದೆಹಲಿ ನಾಯಕರ ಸಂದೇಶ ಸರಿಯಾಗಿ ಬಿಸಿ ಮುಟ್ಟಿಸಿದೆ ಎಂದು ಪಕ್ಷದ ಹಿರಿಯ ನಾಯಕರೊಬ್ಬರು ‘ವಿಜಯವಾಣಿ’ಗೆ ತಿಳಿಸಿದರು. ಹೀಗಾಗಿ ಪ್ರತಿಪಕ್ಷ ಕಾಂಗ್ರೆಸ್ ಮೇಲೆ ಸರಣಿ ರೂಪದಲ್ಲಿ ಸಚಿವರು, ರಾಜ್ಯದ ಪ್ರಮುಖ ನಾಯಕರು, ಸಂಸದರು, ಶಾಸಕರು, ಪ್ರಮುಖರು ಪ್ರತಿದಾಳಿ ನಡೆಸಿದ್ದಾರೆ.
