"ಬಿಂದಾಸ್​​" ಹನ್ಸಿಕಾ ಮೋಟ್ವಾನಿ ಪ್ರೀತಿಗಾಗಿ ಕೋಟಿಗಟ್ಟಲೇ ಖರ್ಚು ಮಾಡಿದ ನಟ; ಆದ್ರೂ ಮುರಿದು ಬಿತ್ತು ಸಂಬಂಧ

ಮುಂಬೈ: ಸ್ಯಾಂಡಲ್​ವುಡ್​​ ನಟ ಪುನೀತ್​ ರಾಜ್​ಕುಮಾರ್​ ಅಭಿನಯದ ಬಿಂದಾಸ್​​ ಸಿನಿಮಾ ಮೂಲಕವಾಗಿ ಕನ್ನಡಿಗರಿಗೆ ಪರಿಚಯವಾದ ನಟಿ ಹನ್ಸಿಕಾ ಮೋಟ್ವಾನಿ. ಈ ನಟಿ ಉದ್ಯಮಿ ಸೋಹೈಲ್ ಕಥುರಿಯಾ ಅವರುನ್ನು ಮದುವೆ ಆಗಿದ್ದು, ಕೆಲವು ಸಿನಿಮಾಗಳಲ್ಲೂ ಕಾಣಿಸಿಕೊಳ್ಳುತ್ತಿದ್ದಾರೆ.

ಹನ್ಸಿಕಾ ಮೋಟ್ವಾನಿ ಸೌತ್​​ನಲ್ಲಿ ಸ್ಟಾರ್ ಹೀರೋಯಿನ್ ಆಗಿ ಮಿಂಚಿದ್ದರು. ಅತಿ ಚಿಕ್ಕ ವಯಸ್ಸಿನಲ್ಲೇ ನಾಯಕಿಯಾಗಿ ಪಾದಾರ್ಪಣೆ ಮಾಡಿದ ಈ ಚೆಲುವೆ ತೆಲುಗು ಜೊತೆಗೆ ತಮಿಳಿನಲ್ಲೂ ಸ್ಟಾರ್ ಹೀರೋಯಿನ್. ಟಾಲಿವುಡ್ ತೊರೆದು ತಮಿಳು ಚಿತ್ರರಂಗದಲ್ಲಿ ನೆಲೆಸಿದರು.

ತಮಿಳು ಪ್ರೇಕ್ಷಕರಿಗೆ ಆಕೆ ಎಂದರೆ ಎಷ್ಟು ಪ್ರೀತಿ ಎಂದರೆ ಹನ್ಸಿಕಾ ಮೋಟ್ವಾನಿ ಮಂದಿರವೂ ನಿರ್ಮಾಣವಾದರೆ. ಹನ್ಸಿಕಾ 30ನೇ ವಯಸ್ಸಿಗೆ ಮದುವೆಯಾದರು. ಇತ್ತೀಚೆಗೆ 50 ಚಿತ್ರಗಳನ್ನು ಪೂರೈಸಿದೆ. ಇತ್ತೀಚೆಗೆ ಆಕೆಯ ಹಿಂದಿನ ಪ್ರೇಮಕಥೆಯೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಹಸಿಕಾ ಅವರ ಲವ್ ಸ್ಟೋರಿಗಳಲ್ಲಿ ಸಿಂಬು ಜತೆಗಿನ ಲವ್ ಸ್ಟೋರಿ ದಕ್ಷಿಣದಲ್ಲಿ ಹೆಚ್ಚು ಜನಪ್ರಿಯವಾಗಿದೆ. ತಮಿಳಿನಲ್ಲಿ ಬಹುಮುಖ ಪ್ರತಿಭೆ ಎಂದೇ ಖ್ಯಾತರಾಗಿರುವ ಟಿ.ರಾಜೇಂದರ್ ಅವರ ಹಿರಿಯ ಪುತ್ರ ಸಿಂಬು. ತಂದೆ ನಿರ್ದೇಶನದ ಹಲವಾರು ಚಿತ್ರಗಳಲ್ಲಿ ಬಾಲನಟನಾಗಿ ನಟಿಸಿದ್ದ ಸಿಂಬು, ನಾಯಕನಾಗಿ ಪಾದಾರ್ಪಣೆ ಮಾಡಿದರು. ಈ ಹಸಿಕಾ, ಸಿಂಬು ವದಂತಿಗಳು ಜೋರಾಗಿ ಹರಿದಾಡಿದ್ದು ಮಾತ್ರವಲ್ಲದೆ ಸಿಂಬು ಕೂಡ ಆಕೆಗಾಗಿ ಹೆಚ್ಚು ಹಣವನ್ನು ಖರ್ಚು ಮಾಡಿದ್ದಾರೆ  ಎನ್ನಲಾಗಿತ್ತು.

ಸಿನಿಮಾ ಮೂಲಕವಾಗಿ ಪರಿಚಯವಾಗಿದ್ದ ಈ ಜೋಡಿಯ ಪ್ರೇಮವೂ ಎರಡು ತಿಂಗಳಲ್ಲೇ ಕೊನೆಗೊಂಡಿತು. ಆದರೆ ಬೇರೆಯಾಗಿದ್ದಕ್ಕೆ ಕಾರಣ ಇನ್ನೂ ತಿಳಿದಿಲ್ಲ. ಈ ವಿಷಯವನ್ನು ಸಿಂಬು ಮತ್ತು ಹನ್ಸಿಕಾ ಇಬ್ಬರೂ ಎಲ್ಲಿಯೂ ಹೇಳಿಕೊಂಡಿಲ್ಲ. ಆದರೆ ಶಿಂಬು ಮೇಲಿನ ಪ್ರೀತಿಯ ಬಗ್ಗೆ ಹನ್ಸಿಕಾ ಮಾತನಾಡುವಾಗ, ತನ್ನ ಮೊದಲ ಪ್ರೀತಿಯನ್ನು ಮರೆಯಲು 10 ವರ್ಷ ಬೇಕಾಯಿತು ಎಂದು ಈ ಹಿಂದೆ ಹೇಳಿಕೊಂಡಿದ್ದಾರೆ.

'Valu' ಸಿನಿಮಾ ವೇಳೆ ಹನ್ಸಿಕಾ ಮೋಟ್ವಾನಿ ಹಾಗೂ ಸಿಂಬು ಪ್ರೀತಿಯಲ್ಲಿ ಬಿದ್ದಿದ್ದರು. ಇವರಿಬ್ಬರೂ ಸಾರ್ವಜನಿಕವಾಗಿ ಪ್ರೀತಿಯಲ್ಲಿದ್ದೇವೆ ಎಂದು ಹೇಳಿಕೊಂಡಿದ್ದರು. ಹನ್ಸಿಕಾ ಕುಟುಂಬ ಈ ಪ್ರೀತಿಯನ್ನು ಒಪ್ಪಿಲ್ಲ ಎನ್ನಲಾಗಿದೆ. ಆದರೆ ಇವರಿಬ್ಬರು ದೂರ ಆಗಿರೋದಿಕ್ಕೆ ನಿಜವಾದ ಕಾರಣ ಹೊರಬಿದ್ದಿಲ್ಲ. ಬ್ರೇಕಪ್ ನಂತರವೂ ಈ ಜೋಡಿ 'ಮಹಾ' ಎನ್ನುವ ಸಿನಿಮಾದಲ್ಲಿ ಒಟ್ಟಿಗೆ ನಟಿಸಿತ್ತು.

ಶಿಂಬು ಮತ್ತು ಹನ್ಸಿಕಾ ಪ್ರೀತಿಸುತ್ತಿದ್ದಾಗ ಎರಡು ತಿಂಗಳಲ್ಲೇ ಹನ್ಸಿಕಾಗಾಗಿ ಸುಮಾರು 6 ಕೋಟಿ ಖರ್ಚು ಮಾಡಿದ್ದರು ಎನ್ನಲಾಗಿದೆ. ಸಿಂಬು ತಾನು ಇಷ್ಟ ಪಟ್ಟವಳಿಗಾಗಿ ಹಿಂದೆ ಮುಂದೆ ಯೋಚನೆ ಮಾಡದೆ ಹಣವನ್ನು ಸುರಿಯುತ್ತಾನೆ. ಇಬ್ಬರು ಮದುವೆ ಆಗುತ್ತಾರೆ ಎನ್ನುವ ವಿಚಾರ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಸುದ್ದಿಯಾಗಿತ್ತು. ಆದರೆ ಅದೇನಾಯ್ತೋ ಗೊತ್ತಿಲ್ಲ ಇಬ್ಬರು ಇದ್ದಕ್ಕಿದ್ದ ಹಾಗೆ ದೂರವಾಗುತ್ತಾರೆ.

ಶಿಂಬು ಸಿನಿ ಕೆರಿಯರ್ ನಲ್ಲಿ ಸಾಕಷ್ಟು ಲವ್ ಸ್ಟೋರಿಗಳಿವೆ. ಮೊದಲಿಗೆ ಸಿಂಬು ಸೂಪರ್ ಸ್ಟಾರ್ ರಜನಿಕಾಂತ್ ಪುತ್ರಿ ಐಶ್ವರ್ಯಾ ಅವರನ್ನು ಪ್ರೀತಿಸುತ್ತಿದ್ದರು. ನಂತರ ವಲ್ಲಭ ಸಮಯ ಚಿತ್ರದಲ್ಲಿ ನಯನತಾರಾ ಜತೆ ರೊಮ್ಯಾನ್ಸ್ ಮಾಡಿದರು. ಮದುವೆಯೂ ನಿಶ್ಚಯವಾಗಿತ್ತು. ಆದರೆ ಮದುವೆಗೆ ಜಾತಕ ಸೇರಿದಂತೆ ಕೆಲ ಸಮಸ್ಯೆಗಳಿಂದ ಇವರಿಬ್ಬರ ಪ್ರೀತಿ ಮುರಿದು ಬಿದ್ದಿತ್ತು.

https://www.vijayavani.net/lana-rhoades-speaks-out-about-one-of-the-worst-scenes

https://www.vijayavani.net/parineeti-chopra-comments-about-her-movies

https://www.vijayavani.net/aishwarya-rai-and-abhishek-bachchan-broke-bed-on-their-first-night

https://www.vijayavani.net/priyamani-reveals-she-is-ready-to-give-up-everything-to-work-with-shah-rukh-khan

https://www.vijayavani.net/golden-colour-snake-video-viral

https://www.vijayavani.net/women-falls-in-lovetrap-of-80-years-old-man

https://www.vijayavani.net/actress-aarathi-settled-in-american-but-social-work-in-india-she-secretly-comes-to-kolar