ಹೈದರಾಬಾದ್: ಸಿನಿಮಾಗಳಲ್ಲಿ ಇತ್ತೀಚೆಗೆ ಲಿಪ್ ಲಾಕ್ ದೃಶ್ಯಗಳದ್ದೇ ಕಾರುಬಾರು. ಕೆಲವು ಸಿನಿಮಾಗಳಲ್ಲಿ ಕಥೆಯ ಬೇಡಿಕೆಗೆ ತಕ್ಕಂತೆ ಇಂತಹ ದೃಶ್ಯಗಳನ್ನು ಚಿತ್ರೀಕರಿಸಿದರೆ, ಇನ್ನು ಕೆಲವು ಸಿನಿಮಾಗಳಲ್ಲಿ ಮಸಾಲೆ ಹಾಕುವ ಹಾಗೆ ಚುಂಬಕ ದೃಶ್ಯಗಳನ್ನು ಹಾಕಲಾಗುತ್ತದೆ. ತೆಲುಗು ಚಿತ್ರ ನಟ ನಾನಿ ಕೂಡ ಹಲವು ಸಿನಿಮಾಗಳಲ್ಲಿ ಲಿಪ್ ಲಾಕ್ ದೃಶ್ಯಗಳಲ್ಲಿ ನಟಿಸಿದ್ದರು. ಇತ್ತೀಚಿನ ಅವರ ಚಿತ್ರ ‘ಹಾಯ್ ನಾನಾ’ ದಲ್ಲೂ ನಾಯಕಿಯ ಜೊತೆ ಲಿಪ್ ಲಾಕ್ ದೃಶ್ಯಗಳಿವೆ. ಇದೇ ವಿಷಯದ ಬಗ್ಗೆ ಟೀಸರ್ ಬಿಡುಗಡೆ ಸಮಾರಂಭದಲ್ಲಿ ‘ನಿಮ್ಮ ಪ್ರತಿ ಸಿನಿಮಾದಲ್ಲೂ ಲಿಪ್ ಲಾಕ್ ದೃಶ್ಯಗಳು ಕಾಣಸಿಗುತ್ತವೆ. ನಿರ್ದೇಶಕರು ಆ ದೃಶ್ಯಗಳನ್ನು ಸೇರಿಸುತ್ತಿದ್ದಾರೆಯೇ? ಅಥವಾ ಅಂತಹ ದೃಶ್ಯವನ್ನು ಹಾಕಲು ನೀವು ಕಂಡೀಷನ್ ಮಾಡುತ್ತಿದ್ದೀರಾ? ಎಂದು ಪತ್ರಕರ್ತರೊಬ್ಬರು ನಾನಿಗೆ ಕೇಳಿದರು.
