ಇಲ್ಲಿ ನಿಮ್ಮಲ್ಲಿ ಹಾವಿಲ್ಲ ಅಂದ್ರೆ ಮಗಳ ಮದುವೆನೇ ನಡೆಯಲ್ಲ! ಏನಿದು ವಿಚಿತ್ರ ಪರಂಪರೆ?

ಛತ್ತೀಸ್​ಗಢ: ಛತ್ತೀಸ್‌ಗಢದ ಕೊರ್ಬಾದಲ್ಲಿರುವ ಸನ್ವಾರ ಬುಡಕಟ್ಟು ಜನಾಂಗದವರು ತಮ್ಮ ವಿವಾಹಗಳಲ್ಲಿ ವಿಚಿತ್ರ ಮತ್ತು ವಿಶಿಷ್ಟವಾದ ಸಂಪ್ರದಾಯವನ್ನು ಅನುಸರಿಸುತ್ತಾರೆ. ಇಲ್ಲಿನ ಜನರು ಹಾವುಗಳನ್ನು ವರದಕ್ಷಿಣೆಯಾಗಿ ನೀಡುತ್ತಾರೆ. ವಧುವಿನ ಕಡೆಯವರು ಒಟ್ಟು ಒಂಬತ್ತು ವಿವಿಧ ಜಾತಿಯ ಹಾವುಗಳನ್ನು ವರನ ಮನೆಗೆ ಕೊಂಡೊಯ್ಯಲು ವಿಫಲವಾದರೆ, ಮದುವೆಯನ್ನು ಅಪೂರ್ಣವೆಂದು ಪರಿಗಣಿಸಲಾಗುತ್ತದೆ. ಈ ಬುಡಕಟ್ಟು ಜನಾಂಗದಲ್ಲಿ ಹಾವನ್ನು ವರದಕ್ಷಿಣೆಯನ್ನಾಗಿ ನೀಡುವ ಪ್ರಾಚೀನ ಸಂಪ್ರದಾಯವನ್ನು ಬಹಳ ಮುಖ್ಯವೆಂದು ಪರಿಗಣಿಸಲಾಗಿದೆ.

ಇದನ್ನೂ ಓದಿ: ವಿಧಾನಸೌಧದ ಮೊದಲ ಮಹಡಿಯಲ್ಲಿ ಹಾವು ಪತ್ತೆ!

ಸ್ಥಳೀಯ ನಿವಾಸಿ ಭರತ್ ಲಾಲ್, ಹಾವುಗಳು ಸಮುದಾಯದ ಅಂತರ್ಗತ ಭಾಗವಾಗಿದ್ದು, ಮಹಿಳೆಯು ಮದುವೆಯಾದಾಗ, ಆಕೆಯ ಪೋಷಕರು ವರನ ಮನೆಗೆ ವಿವಿಧ ರೀತಿಯ ಹಾವುಗಳನ್ನು ಕರೆದುಕೊಂಡು ಹೋಗುತ್ತಿದ್ದಾಳೆ ಎನ್ನುವುದನ್ನು ಖಚಿತಪಡಿಸಿಕೊಳ್ಳುತ್ತಾರೆ. ಈ ಬುಡಕಟ್ಟು ಸಮುದಾಯದ ಮಕ್ಕಳಿಗೂ ಹಾವು ಹಿಡಿಯುವುದು ಗೊತ್ತಿದೆ. ಮಕ್ಕಳು ಅವುಗಳನ್ನು ಹಿಡಿದು ಆಟವಾಡುತ್ತಾರೆ" ಎಂದು ಲಾಲ್ ಹೇಳಿದರು.

ಇದನ್ನೂ ಓದಿ: ಮನೆ ಮಾಲೀಕರ ಪ್ರಾಣ ಉಳಿಸಿದ ಬೆಕ್ಕುಗಳು! ಅಡುಗೆ ಮನೆಯಲ್ಲಿತ್ತು ವಿಷಕಾರಿ ನಾಗರಹಾವು…

ವರದಕ್ಷಿಣೆಯಾಗಿ ಹಾವುಗಳನ್ನು ಅರ್ಪಿಸುವುದು ತಮ್ಮ ಸಮುದಾಯದಲ್ಲಿ ಪ್ರಮುಖ ಭಾಗವಾಗಿದೆ ಎಂದು ಸ್ಥಳೀಯ ಹಾವಾಡಿಗ ಕಟಂಗಿ ಹೇಳಿದರು. "ನಮ್ಮ ಪೂರ್ವಜರು ವರದಕ್ಷಿಣೆಗಾಗಿ 60 ಹಾವುಗಳನ್ನು ನೀಡುತ್ತಿದ್ದರು. ಅದು 14 ಕ್ಕೆ ಇಳಿದಿದೆ. ಈಗ ನಾವು ವರದಕ್ಷಿಣೆಯ ಭಾಗವಾಗಿ 21 (ಹಾವು) ನೀಡುತ್ತೇವೆ. ವರದಕ್ಷಿಣೆ ನೀಡದಿದ್ದರೆ ಸಮಾಜದಲ್ಲಿ ಯಾರೂ ಮದುವೆಯಾಗುವುದಿಲ್ಲ. ಆದ್ದರಿಂದ ನಾವು ಹಾವುಗಳನ್ನು ಹೇಗಾದರೂ ಹುಡುಕಬೇಕು. ವಧುವಿನ ಸಂಬಂಧಿಕರು ಹಾವುಗಳನ್ನು ಸಂಗ್ರಹಿಸಿ ನೀಡುತ್ತಾರೆ' ಎಂದು ಹೇಳಿದರು.

ಇದನ್ನೂ ಓದಿ: ಮನೆ ಮಾಲೀಕರ ಪ್ರಾಣ ಉಳಿಸಿದ ಬೆಕ್ಕುಗಳು! ಅಡುಗೆ ಮನೆಯಲ್ಲಿತ್ತು ವಿಷಕಾರಿ ನಾಗರಹಾವು…

ಸ್ಥಳೀಯ ಆಡಳಿತ ಈ ಪದ್ಧತಿಯನ್ನು ಗೌರವಿಸುತ್ತಿದ್ದು ಹಾವಾಡಿಗರಿಗೆ ಜಾಗರೂಕರಾಗಿರಲು ಆಗಾಗ್ಗೆ ಸಲಹೆಗಳನ್ನು ನೀಡುತ್ತದೆ. ಕೊರಬಾದ ಅರಣ್ಯ ವಿಭಾಗದ ರೇಂಜ್ ಆಫೀಸರ್ ಸಿಯಾರಾಮ್ ಕರ್ಮಾಕರ್ "ಕೊರ್ಕೋಮ ಗ್ರಾಮದ ಸನ್ವಾರ ಬುಡಕಟ್ಟು ಜನಾಂಗದವರು ನನ್ನ ವ್ಯಾಪ್ತಿಗೆ ಸೇರಿದವರು. ಅವರು ಜೀವನೋಪಾಯಕ್ಕಾಗಿ ವಿಷವಿಲ್ಲದ ಹಾವುಗಳನ್ನು ಹಿಡಿದು ಜನರಿಗೆ ತೋರಿಸುತ್ತಾರೆ. ನಾವು ಆಗಾಗ್ಗೆ ಎಚ್ಚರಿಕೆ ನೀಡುತ್ತೇವೆ. ವರದಕ್ಷಿಣೆಯಲ್ಲಿ ಹಾವುಗಳನ್ನು ಅರ್ಪಿಸುವ ಪದ್ಧತಿಯು ಸನ್ವಾರ ಬುಡಕಟ್ಟಿನ ಹಾವುಗಳನ್ನು ಸಂಗ್ರಹಿಸಿ ಜನರು ತಮ್ಮ ಜೀವನೋಪಾಯಕ್ಕಾಗಿ ಪ್ರದರ್ಶನ ಮಾಡುವುದರೊಂದಿಗೆ ಸಂಬಂಧ ಹೊಂದಿದೆ" ಎಂದಿದ್ದಾರೆ. (ಏಜೆನ್ಸೀಸ್)

https://www.vijayavani.net/indians-do-panic-buying-of-rice-in-usa

https://www.vijayavani.net/woman-has-dinner-with-lion-makes-internet-go-crazy