ಯಾವ ಕಂಪನಿಯಲ್ಲಿ ಪಾಲು ಖರೀದಿಸಲಾಗುತ್ತದೆ ಎಂಬುದನ್ನು ಮೊಹಂತಿ ಬಹಿರಂಗಪಡಿಸಿಲ್ಲ. ಆದರೆ ಮೂಲಗಳ ಪ್ರಕಾರ, ಮಣಿಪಾಲ್ ಸಿಗ್ನಾ ಕಂಪನಿಯಲ್ಲಿ ಎಲ್ಐಸಿ 4 ಸಾವಿರ ಕೋಟಿ ರೂ. ಹೂಡಿಕೆ ಮಾಡಿ ಪಾಲು ಖರೀದಿಸಲಿದೆ ಎಂದು ಮೂಲಗಳು ತಿಳಿಸಿವೆ. ‘ಖಾಸಗಿ ಕಂಪನಿಯಲ್ಲಿ ಶೇ. 51ರಷ್ಟು ಅಥವಾ ಅದಕ್ಕಿಂತ ಹೆಚ್ಚಿನ ಪಾಲನ್ನು ಖರೀದಿಸಿ ಸಂಪೂರ್ಣ ನಿಯಂತ್ರಣಕ್ಕೆ ಪಡೆಯುವ ಇರಾದೆ ಎಲ್ಐಸಿಗೆ ಸದ್ಯಕ್ಕಿಲ್ಲ. ಆದರೆ ಎಷ್ಟು ಪಾಲು ಹೊಂದಬೇಕೆಂಬ ತೀರ್ಮಾನವನ್ನು ಎಲ್ಐಸಿಯ ಆಡಳಿತ ಮಂಡಳಿ ತೆಗೆದುಕೊಳ್ಳಲಿದೆ’ ಎಂದರು. ಈಗಿರುವ ನಿಯಮಗಳ ಪ್ರಕಾರ, ಜೀವವಿಮಾ ಕಂಪನಿಗಳು ವಿಮೆ ಪಡೆದ ವ್ಯಕ್ತಿಗೆ ಆರೋಗ್ಯಸೇವೆ, ಚಿಕಿತ್ಸೆ ವೆಚ್ಚ ಒಳಗೊಂಡ ವಿಮೆಯನ್ನು ಒದಗಿಸುವುದಕ್ಕೆ ಅವಕಾಶವಿಲ್ಲ.
