'ಆತ ನನ್ನನ್ನು ತುಂಬ ಪ್ರೀತಿಸುತ್ತಿದ್ದ...ನಾನು ಅವನ ಮಿಸ್​ ಮಾಡಿಕೊಳ್ಳುತ್ತೇನೆ...': ಶಾರುಖ್​ ಖಾನ್​ ಕಣ್ಣೀರು

ನವದೆಹಲಿ: ಯುವ ನಟ ಸುಶಾಂತ್​ ಸಿಂಗ್​ ರಜಪೂತ್​ ಸಾವಿನಿಂದ ಬಾಲಿವುಡ್​ ಕಲಾವಿದರು ತೀವ್ರ ಶಾಕ್​ಗೆ ಒಳಗಾಗಿದ್ದಾರೆ.

ಸುಶಾಂತ್​ ಸಾವಿಗೆ ಸಹ ಕಲಾವಿದರು, ಅಭಿಮಾನಿಗಳು, ರಾಜಕೀಯ ಗಣ್ಯರು ಕಂಬನಿ ಮಿಡಿಯುತ್ತಿದ್ದಾರೆ. ಟ್ವೀಟ್ ಮೂಲಕ ಸಂತಾಪ ವ್ಯಕ್ತಪಡಿಸುತ್ತಿದ್ದಾರೆ.

ಬಾಲಿವುಡ್​ ಸೆಲೆಬ್ರಿಟಿಗಳಾದ ಕರಣ್ ಜೋಹರ್​, ಏಕ್ತಾ ಕಪೂರ್​, ಅಜಯ್​ ದೇವಗನ್​, ಅಕ್ಷಯ್​ ಕುಮಾರ್​, ಲತಾ ಮಂಗೇಶ್ಕರ್​ ಸೇರಿ ಹಲವರು ತಮ್ಮ ಸಾಮಾಜಿಕ ಜಾಲತಾಣಗಳ ಮೂಲಕ ನೋವು ಹೊರಹಾಕಿದ್ದಾರೆ. ಸುಶಾಂತ್​ ಕುಟುಂಬಕ್ಕೆ ನೋವು ಭರಿಸುವ ಶಕ್ತಿಯನ್ನು ದೇವರಿ ನೀಡಲಿ ಎಂದು ಪ್ರಾರ್ಥಿಸಿದ್ದಾರೆ. ಇದನ್ನೂ ಓದಿ: ಖಿನ್ನತೆಗೆ ಬಲಿಯಾದರೆ ಸುಶಾಂತ್​? ಇವರ ಟ್ವಿಟರ್​ ಕವರ್​ ಪೇಜ್​ನ ವರ್ಣಚಿತ್ರಕಾರನೂ ಗುಂಡಿಕ್ಕಿಕೊಂಡು ಸತ್ತಿದ್ದ!

ಹಾಗೇ ಶಾರುಖ್​ ಖಾನ್ ಕೂಡ ಟ್ವಿಟರ್​ನಲ್ಲಿ ಸುಶಾಂತ್​ ಸಾವಿನಿಂದ ತಮಗಾದ ನೋವನ್ನು ತೋಡಿಕೊಂಡಿದ್ದಾರೆ.

ಸುಶಾಂತ್​ ನನ್ನನ್ನು ತುಂಬ ಪ್ರೀತಿಸುತ್ತಿದ್ದರು. ನಾನು ಅವರನ್ನು ಮಿಸ್​ ಮಾಡಿಕೊಳ್ಳುತ್ತೇನೆ. ಅವರ ಬಲ, ಸಾಮರ್ಥ್ಯ, ಉತ್ಸಾಹ, ಅವರ ಮುಖದ ಮೇಲೆ ಸದಾ ಇರುತ್ತಿದ್ದ ನಗು...ಎಲ್ಲವನ್ನೂ ನಾನು ತುಂಬ ಮಿಸ್​ ಮಾಡಿಕೊಳ್ಳುತ್ತೇನೆ. ಅವನ ಆತ್ಮಕ್ಕೆ ಚಿರಶಾಂತಿ ಸಿಗಲೆಂದು ಅಲ್ಲಾನ ಬಳಿ ಪ್ರಾರ್ಥಿಸುತ್ತೇನೆ. ಹಾಗೇ ಅವರ ಕುಟುಂಬಕ್ಕೆ, ಸ್ನೇಹಿತರಿಗೆ, ಬಂಧುಗಳಿಗೆ ನೋವು ಭರಿಸುವ ಶಕ್ತಿಯನ್ನು ನೀಡಲಿ. ನನ್ನ ಪಾಲಿಗಂತೂ ಅತ್ಯಂತ ದುಃಖಕರ, ಶಾಕಿಂಗ್​ ವಿಷಯ ಇದು ಎಂದು ಶಾರುಖ್​ ಖಾನ್ ಟ್ವೀಟ್ ಮಾಡಿದ್ದಾರೆ. ಇದನ್ನೂ ಓದಿ: ಚಿರು ಮನೆಗೆ ಭೇಟಿ ನೀಡಿ ಸಾಂತ್ವನ ಹೇಳಿದ ರಾಘವೇಂದ್ರ ರಾಜ​ಕುಮಾರ್​ ಕುಟುಂಬ

ನಾನು ಶಾರುಖ್​ ಖಾನ್ ಅವರ ದೊಡ್ಡ ಅಭಿಮಾನಿ ಎಂದು ಸುಶಾಂತ್ ಸಿಂಗ್​ ಸದಾ ಹೇಳುತ್ತಿದ್ದರು. ಶಾರುಖ್​ ನನಗೆ ಸ್ಫೂರ್ತಿ ಎನ್ನುತ್ತಿದ್ದರೂ. ಇವರಿಬ್ಬರಲ್ಲೂ ಸಾಮ್ಯತೆ ಕೂಡ ಇದೆ. ಶಾರುಖ್​ ಖಾನ್​ ಹಾಗೂ ಸುಶಾಂತ್ ಸಿಂಗ್​ ಇಬ್ಬರೂ ಬರಿಗೈಯಲ್ಲಿ ಮುಂಬೈಗೆ ಬಂದು ಯಶಸ್ಸು ಕಂಡವರು. ಯಾವುದೇ ಗಾಡ್​ಫಾದರ್​ ಇಲ್ಲದೆ ಚಿತ್ರರಂಗದಲ್ಲಿ ಬದುಕು ಕಟ್ಟಿಕೊಂಡವರು. ಹಾಗೇ ಇಬ್ಬರ ಸಿನಿ ಜರ್ನಿ ಶುರುವಾಗಿದ್ದೂ ಟಿವಿ ಶೋ ಮೂಲಕವೇ. (ಏಜೆನ್ಸೀಸ್​)