ರಾಮಮಂದಿರ ಭೂಮಿಪೂಜೆ ನಿಮಿತ್ತ ಹಿಂದುಗಳಿಗೆ ಶುಭಕೋರಿದ್ದ ಕ್ರಿಕೆಟರ್​ ಪತ್ನಿಗೆ ಅತ್ಯಾಚಾರ​ ಬೆದರಿಕೆ

ಅಯೋಧ್ಯೆ ರಾಮಮಂದಿರ ಭೂಮಿ ಪೂಜೆ ನಡೆದ ಬಳಿಕ ಹಿಂದು ಸಮುದಾಯಕ್ಕೆ ಶುಭಾಶಯ ಕೋರಿದ್ದ ಕ್ರಿಕೆಟರ್​ ಮೊಹಮ್ಮದ್​ ಶಮಿ ಅವರ ಪತ್ನಿ ಹಸೀನ್ ಜಹಾನ್​ಗೆ ಅತ್ಯಾಚಾರ ಬೆದರಿಕೆ ಹಾಕಲಾಗಿದೆ. ಶಮಿಯಿಂದ ಸದ್ಯ ಬೇರ್ಪಟ್ಟಿರುವ ಹಸೀನ್​, ಈ ಬಗ್ಗೆ ಕೋಲ್ಕತ್ತ ಸೈಬರ್​ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಇದನ್ನೂ ಓದಿ: ಇಡುಕ್ಕಿ ಭೂಕುಸಿತದ ಭೀಕರತೆ; ಇಂದು 16 ಶವಗಳನ್ನು ಮಣ್ಣಿನಡಿಯಿಂದ ಹೊರತೆಗೆದ ರಕ್ಷಣಾ ಸಿಬ್ಬಂದಿ

ಆಗಸ್ಟ್​ 5ರಂದು ಅಯೋಧ್ಯೆಯ ರಾಮಂದಿರಕ್ಕೆ ಶಿಲಾನ್ಯಾಸ ನೆರವೇರಿಸಿದ ಬಳಿಕ ನಾನು ಹಿಂದು ಸೋದರ-ಸೋದರಿಯರಿಗೆ ಶುಭಾಶಯ ಕೋರಿ ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಹಾಕಿದ್ದೆ. ಆದರೆ ಕೆಲವು ಕೀಳು ಮನೋಭಾವವುಳ್ಳ ಜನರು ನನಗೆ ಬೆದರಿಕೆ ಹಾಕುತ್ತಿದ್ದಾರೆ. ನನ್ನ ಮೇಲೆ ರೇಪ್​ ಮಾಡುವುದಾಗಿ ಸಂದೇಶಗಳು ಬರುತ್ತಿವೆ ಎಂದು ದೂರಿನಲ್ಲಿ ಉಲ್ಲೇಖಿಸಿದ್ದಾರೆ.

ಫೇಸ್​ಬುಕ್​, ಇನ್ಸ್ಟಾಗ್ರಾಂ, ಟ್ವಿಟರ್​ಗಳ ಮೂಲಕ ನಿರಂತರವಾಗಿ ಬೆದರಿಕೆ ಒಡ್ಡಲಾಗುತ್ತಿದೆ. ನನಗೆ ಅಭದ್ರತಾ ಭಾವ ಕಾಡುತ್ತಿದೆ. ಇದು ಹೀಗೆ ಮುಂದುವರಿದರೆ ನಾನು ಮಾನಸಿಕ ಖಿನ್ನತೆಗೆ ಒಳಗಾಗುತ್ತೇನೆ ಎಂದು ಹಸೀನ್​ ಹೇಳಿದ್ದಾರೆ.

ನಾನು ನನ್ನ ಮಗಳೊಂದಿಗೆ ಒಬ್ಬಳೇ ವಾಸವಾಗಿದ್ದೇನೆ. ಹಾಗಾಗಿ ಮಾನವೀಯತೆ ದೃಷ್ಟಿಯಿಂದಲಾದರೂ ಆದಷ್ಟು ಶೀಘ್ರವೇ ಈ ವಿಚಾರದಲ್ಲಿ ಕ್ರಮ ಕೈಗೊಳ್ಳಬೇಕು ಎಂದು ಒತ್ತಾಯಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/man-gets-marriage-proposals-on-twitter-after-he-shares-photos-of-his-books/