ಚೀಫ್ ಜಸ್ಟಿಸ್ ಬಳಸಿದ ದುಬಾರಿ ಬೈಕ್ ಯಾರದು? ವಿವಾದ ಮೈಮೇಲೆ ಎಳೆದುಕೊಂಡ ಸಿಜೆಐ

ನವದೆಹಲಿ: ಹಾರ್ಲೆ ಡೇವಿಡ್​ಸನ್ ಬೈಕ್ ಮೇಲೇರಿ ಕುಳಿತದ ಸುಪ್ರೀಂ ಕೋರ್ಟ್​ ಮುಖ್ಯನ್ಯಾಯಮೂರ್ತಿ ಎಸ್​.ಎ.ಬೊಬ್ಡೆ ಅವರ ನಡೆ ಈಗ ವಿವಾದಕ್ಕೀಡಾಗಿದೆ. ಅವರು ಕುಳಿತ ಬೈಕ್​ನ ನಂಬರ್​ ಪ್ಲೇಟ್​ ಟ್ರೇಸ್​ ಮಾಡಿರುವ ಸಾಮಾಜಿಕ ಜಾಲತಾಣಿಗರು ವಿವಾದದ ಬೆಂಕಿಗೆ ತುಪ್ಪ ಸುರಿದಿದ್ದಾರೆ.

ಬೈಕ್​ನ ನೋಂದಣಿ ಸಂಖ್ಯೆ CG05BP0015 ಎಂದಿದೆ. ಈ ಬೈಕ್​ ರೋಹಿತ್​ ಸೋನ್​ಬಜಿ ಮುಸಲೆ ಅವರಿಗೆ ಸೇರಿದ್ದು. ಈತ ನಾಗಪುರದ ಬಿಜೆಪಿ ನಾಯಕ ಸೋನ್ಬಾ ಮುಸಲೆ ಅವರ ಪುತ್ರ. ಸೋನ್ಬಾ ಮುಸಲೆ ಸೋನೆರ್​ನಲ್ಲಿ 2014ರ ವಿಧಾನಸಭಾ ಚುನಾವಣೆಗೆ ಬಿಜೆಪಿಯ ಅಭ್ಯರ್ಥಿಯಾಗಿದ್ದವರು.

ಇದನ್ನೂ ಓದಿ: ನಮ್ಮ ಬೇರುಗಳೇ ಶಾಶ್ವತ…

ಸರಿಸುಮಾರು ಅರ್ಧ ಕೋಟಿ ರೂಪಾಯಿ ಬೆಲೆ ಬಾಳುವ ಬೈಕ್​ ಅನ್ನು ಜಿಲ್ಲಾ ಪಂಚಾಯಿತಿಯ ಒಬ್ಬ ಮಾಜಿ ಸದಸ್ಯ ಖರೀದಿಸುತ್ತಾನೆ ಎಂದರೆ ಆತನ ಬಳಿ ಎಷ್ಟು ದುಡ್ಡಿರಬಹುದು ಎಂಬುದು ಊಹಿಸಿ, ಭಾರತದ ಪ್ರಜಾಪ್ರಭುತ್ವಕ್ಕೆ ಒಂದು ಸಲಾಂ ಎಂಬಿತ್ಯಾದಿ ವಿಡಂಬನೆಗಳು ಈಗ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡತೊಡಗಿವೆ. (ಏಜೆನ್ಸೀಸ್)

https://www.vijayavani.net/harley-davidsons-latest-fan-is-the-chief-justice-of-india/