ನವದೆಹಲಿ: ಹಮಾಸ್ ಮತ್ತು ಇಸ್ರೇಲ್ ನಡುವಿನ ಯುದ್ಧ ಗುರುವಾರ ಭೀಕರಗೊಂಡಿದ್ದು ಖಾನ್ ಯೂನಿಸ್ ನಗರದಲ್ಲಿ ಇಸ್ರೇಲಿ ಪಡೆಗಳು ಕ್ಷಿಪಣಿಗಳಿಂದ ಕಟ್ಟಡಗಳನ್ನು ಧ್ವಂಸಗೊಳಿಸುತ್ತಿರುವ ಭಯಾನಕ ದೃಶ್ಯಗಳ ವಿಡಿಯೋಗಳನ್ನು ಇಸ್ರೇಲಿ ಸೇನೆ ಬಿಡುಗಡೆಗೊಳಿಸಿದೆ. ಭೂ ಸೇನೆಯ ಯೋಧರು ಮನೆ ಮನೆಗಳಿಗೂ ತೆರಳಿ ಹಮಾಸ್ ಕಾರ್ಯಕರ್ತರು ಇದ್ದಾರೆಯೇ, ಸುರಂಗಗಳು ಇವೆಯೇ ಎಂದು ಪರಿಶೀಲಿಸಿದರು. ಗುರುವಾರ ಖಾನ್ ಯೂನಿಸ್ ಮೇಲೆ ನಡೆಸಿದ ದಾಳಿಗಳಲ್ಲಿ ಹಮಾಸ್ನ ಅನೇಕ ಹೋರಾಟಗಾರರು ಹತರಾದ ರೆಂದು ಇಸ್ರೇಲ್ ರಕ್ಷಣಾ ಪಡೆಗಳು (ಐಡಿಎಫ್) ತಿಳಿಸಿದೆ. ಇಸ್ರೇಲ್ನ ನೌಕಾ ಪಡೆಗಳು ಕೆಲವು ಆವರಣಗಳ ಮೇಲೆ ನಿಖರವಾಗಿ ದಾಳಿ ನಡೆಸಿದವು. ಅವುಗಳು ಹಮಾಸ್ ಮಿಲಿಟರಿ ನೆಲೆಗಳು ಎನ್ನುವುದು ಇಸ್ರೇಲ್ ಆರೋಪವಾಗಿದೆ.
