ಎಚ್​ಎಎಲ್ ಹೆಲಿಕಾಪ್ಟರ್ ಪರೀಕ್ಷೆ ಯಶಸ್ವಿ: ಹಿಮಾಲಯದ ಎತ್ತರ ಪ್ರದೇಶದ ವಿವಿಧ ವಾಯುಗುಣದಲ್ಲಿ ಹಾರಾಟ

ಬೆಂಗಳೂರು: ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್ (ಎಚ್​ಎಎಲ್) ದೇಶೀಯವಾಗಿ ಅಭಿವೃದ್ಧಿ ಪಡಿಸಿರುವ ಲೈಟ್ ಯುಟಿಲಿಟಿ ಹೆಲಿಕಾಪ್ಟರ್​ಗಳು (ಎಲ್​ಯುುಎಚ್) ಹಿಮಾಲಯದ ಅತಿ ಎತ್ತರದ ಮತ್ತು ಅತ್ಯಂತ ಶಾಖ ಪ್ರದೇಶದಲ್ಲಿನ ಹಾರಾಟವನ್ನು ಯಶಸ್ವಿಯಾಗಿ ನಡೆಸಿವೆ. ಲಡಾಖ್​ನ ಲೇಹ್ ಮತ್ತು ದೌಲತ್ ಬೇಗ್ ಓಲ್ಡಿ ಭಾಗದ ಹಿಮಾಲಯದ ಶ್ರೇಣಿಯಲ್ಲಿ ಕಳೆದ ಹತ್ತು ದಿನಗಳಿಂದ ಎಲ್​ಯುುಎಚ್​ಗಳ ಸಮಗ್ರ ಪ್ರಾತ್ಯಕ್ಷಿಕೆ ನಡೆದಿದ್ದು, ಸಮುದ್ರಮಟ್ಟದಿಂದ 3300 ಮೀಟರ್ ಎತ್ತರದ ಪ್ರದೇಶದಲ್ಲಿ ವಿವಿಧ ಹವಾಗುಣದಲ್ಲಿ ಹೆಲಿಕಾಪ್ಟರ್​ಗಳು ಹಾರಾಟ ನಡೆಸಿವೆ.

ಎಲ್​ಯುುಎಚ್​ಗಳು ನೀಡಿದ ಪ್ರಾತ್ಯಕ್ಷಿಕೆ ತೃಪ್ತಿಕರವಾಗಿದ್ದು, ಇದರಿಂದ ಈ ಹೆಲಿಕಾಪ್ಟರ್ ಮತ್ತು ಅದರ ವ್ಯವಸ್ಥೆಗಳು ಬಳಕೆದಾರರ ಅವಶ್ಯಕತೆಯನ್ನು ಪೂರೈಸುತ್ತವೆ ಎಂಬುದು ಸಾಬೀತಾಗಿದೆ ಎಂದು ಎಚ್​ಎಎಲ್​ನ ಇಂಜಿನಿಯರಿಂಗ್, ಸಂಶೋಧನೆ ಹಾಗೂ ಅಭಿವೃದ್ಧಿ ವಿಭಾಗದ ನಿರ್ದೇಶಕ ಅರುಪ್ ಚಟರ್ಜಿ ಹೇಳಿದ್ದಾರೆ.

* ಜಗತ್ತಿನ ಅತಿ ಎತ್ತರದ ಸಮರ ಭೂಮಿ ಸಿಯಾಚಿನ್ ನೀರ್ಗಲ್ಲು ಪ್ರದೇಶಕ್ಕೆ ಸಾಮಗ್ರಿ ಸಾಗಿಸುವ ಸಾಮರ್ಥ್ಯ

* ಲೇಹ್​ನಲ್ಲಿ ಸಮುದ್ರಮಟ್ಟದಿಂದ 3300 ಮೀಟರ್ ಎತ್ತರದಲ್ಲಿ ಹಾರಾಟ

* ದೌಲತ್ ಬೇಗ್ ಓಲ್ಡಿಯಲ್ಲಿ ಸಮುದ್ರ ಮಟ್ಟದಿಂದ 5 ಸಾವಿರ ಮೀಟರ್ ಎತ್ತರದಲ್ಲಿರುವ ಅತ್ಯಾಧುನಿಕ ವೈಮಾನಿಕ ನಿಲ್ದಾಣದಲ್ಲಿ ಲ್ಯಾಂಡ್

* ಹಿಮಾಲಯದ ಅತಿ ಎತ್ತರದ ಹೆಲಿಪ್ಯಾಡ್​ಗಳಾದ ಅಮರ್ ಮತ್ತು ಸೋನಂಗಳಲ್ಲಿ ಸುರಕ್ಷಿತ ಲ್ಯಾಂಡ್

https://www.vijayavani.net/is-your-dog-your-equal-sc-asks-petitioner/