ನಿಮ್ಮ ನಾಯಿ ನಿಮ್ಗೆ ಈಕ್ವಲಾ?- ದೂರುದಾರನಿಗೆ ಸುಪ್ರೀಂ ಕೋರ್ಟ್ ಪ್ರಶ್ನೆ

ನವದೆಹಲಿ: ಪ್ರಾಣಿ ಸಾಮ್ರಾಜ್ಯವನ್ನೂ ಕಾನೂನುಬದ್ಧಗೊಳಿಸಿ ಅದಕ್ಕೂ ಸಮಾನತೆ ನೀಡಬೇಕು ಎಂದು ಒಬ್ಬ ದೂರುದಾರ ಸುಪ್ರೀಂ ಕೋರ್ಟ್ ಮೆಟ್ಟಿಲೇರಿದ್ದ! ಈ ದೂರು ಅರ್ಜಿ ವಿಚಾರಣೆ ಕೈಗೆತ್ತಿಕೊಂಡ ನ್ಯಾಯಪೀಠ, ನಿನ್ನ ನಾಯಿ ನಿಂಗೆ ಈಕ್ವಲಾ? - ಹೀಗೊಂದು ಪ್ರಶ್ನೆಯನ್ನು ದೂರುದಾರನಿಗೆ ಬುಧವಾರ ಕೇಳಿದೆ.

ಮುಖ್ಯನ್ಯಾಯಮೂರ್ತಿ ಎಸ್​.ಎ.ಬೊಬ್ಡೆ ನೇತೃತ್ವದ ನ್ಯಾಯಪೀಠ ಈ ವಿಚಿತ್ರ ಪ್ರಕರಣದ ವಿಚಾರಣೆಯನ್ನು ಕೈಗೆತ್ತಿಕೊಂಡಿತ್ತು. ಪ್ರಾಣಿಗಳಿಗೆ ಕಾನೂನುಬದ್ಧ ರಕ್ಷಣೆ ನೀಡಬೇಕು ಎಂಬ ಬೇಡಿಕೆಯನ್ನು ಮುಂದಿಟ್ಟಿದ್ದ ಪಿಐಎಲ್​ ವಿಚಾರಣೆ ನಡೆಸಿದ ನ್ಯಾಯಪೀಠ, ಇದ್ಯಾವ ನಮೂನೆಯ ಪ್ರಾರ್ಥನೆ ಇದು ಎಂದು ಅಚ್ಚರಿವ್ಯಕ್ತಪಡಿಸಿತು. ಅಲ್ಲದೆ, ನೀವು (ದೂರುದಾರರು) ಸಂಪೂರ್ಣ ಪ್ರಾಣಿ ಸಾಮ್ರಾಜ್ಯವನ್ನು ಕಾನೂನುಬದ್ಧಗೊಳಿಸಬೇಕು ಎಂದು ಬಯಸುತ್ತಿದ್ದೀರಿ. ಪ್ರಾಣಿಗಳು ಕೇಸ್​ ದಾಖಲಿಸಲು, ಕೇಸ್ ಹಾಕಿಸಿಕೊಳ್ಳಲು ಸಮರ್ಥರೆಂದು ನಾವು ಘೋಷಿಸಬೇಕು ಎಂದು ನೀವು ಹೇಳ್ತಾ ಇದ್ದೀರಾ ? ಎಂದೂ ಪ್ರಶ್ನಿಸಿತು.

ಇದನ್ನೂ ಓದಿ: ಸಾಮಾಜಿಕ ಕಾರ್ಯಕರ್ತ ಪ್ರಶಾಂತ್​ ಸಂಬರಗಿ ವಿರುದ್ಧ ಜಮೀರ್​ ಅಹ್ಮದ್​ ದೂರು

ಪ್ರತಿಯೊಂದು ಪ್ರಾಣಿಗೂ ಕಾನೂನುಬದ್ಧ ವ್ಯಕ್ತಿತ್ವ ಇದೆ ಎಂದು ಅಂಗೀಕರಿಸಬೇಕು ಎಂದು ನೀವು ಬಯಸುತ್ತಿದ್ದೀರಾ ಎಂದೂ ನ್ಯಾಯಪೀಠ ದೂರುದಾರರನ್ನು ಪ್ರಶ್ನಿಸಿತು. ಆದರೆ, ಅವುಗಳು ನಿಮಗೆ ಸಮ ಅಲ್ಲವಲ್ಲ. ನಿಮ್ಮ ನಾಯಿ ನಿಮ್ಗೆ ಈಕ್ವಲಾ ಎಂದೂ ಪ್ರಶ್ನಿಸಿತು. ಪ್ರಾಣಿಗಳ ರಕ್ಷಣೆಗೆ ಈಗಾಗಲೇ ಹಲವು ಕಾನೂನು, ನಿಯಮಗಳಿವೆ. ಅವುಗಳ ಅನುಷ್ಠಾನವಾದರೆ ಸಾಕು ಎಂದೂ ನ್ಯಾಯಪೀಠ ಇದೇವೇಳೆ ಅಭಿಪ್ರಾಯಪಟ್ಟಿತು. (ಏಜೆನ್ಸೀಸ್)

https://www.vijayavani.net/unclaimed-suitcase-creates-bomb-scare-in-poonch/