ವಾರಸುದಾರರಿಲ್ಲದ ಸೂಟ್​ಕೇಸ್ ನಿಂದ​ ಪೂಂಛ್​ನಲ್ಲಿ ಬಾಂಬ್ ಭೀತಿ

ಜಮ್ಮು: ಜಮ್ಮು-ಕಾಶ್ಮೀರದ ಪೂಂಛ್ ಜಿಲ್ಲೆಯಲ್ಲಿ ರಸ್ತೆ ಬದಿ ಕಂಡುಬಂದ ವಾರಸುದಾರರಿಲ್ಲದ ಸೂಟ್​ಕೇಸ್ ಬುಧವಾರ ಸ್ಥಳೀಯವಾಗಿ ಬಾಂಬ್ ಭೀತಿಯನ್ನು ಹರಡಿತ್ತು. ಸೇನಾ ಪಡೆ ಕೂಡಲೇ ಸ್ಥಳಕ್ಕೆ ಧಾವಿಸಿದ್ದು ಸೂಟ್​ಕೇಸ್ ವಶಕ್ಕೆ ಪಡೆದು ಪರಿಶೀಲಿಸಿದ ಘಟನೆ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಪೂಂಛ್ ಜಿಲ್ಲೆಯ ಭಿಂಬರ್ ಗಲಿ ಮೇನ್ ಚೌಕ್​​ನಲ್ಲಿ ಈ ಸೂಟ್​ಕೇಸ್ ಪತ್ತೆಯಾಗಿತ್ತು. ಕೂಡಲೇ ಈ ಬಗ್ಗೆ ಸೇನೆಗೆ ಮಾಹಿತಿ ನೀಡಲಾಗಿತ್ತು. ಅದರಂತೆ, ಸ್ಥಳಕ್ಕಾಗಮಿಸಿದ ಸೇನಾ ಪಡೆಯ ಪರಿಣತರ ತಂಡ ಸೂಟ್​ಕೇಸ್​ ಅನ್ನು ಜಾಗರೂಕತೆಯಿಂದ ತೆರೆದು ಪರಿಶೀಲಿಸಿದಾಗ ಅದರಲ್ಲಿ ಕಂಡಬಂದದ್ದು ಸ್ಫೋಟಕಗಳಲ್ಲ. ಒಂದಷ್ಟು ಉಡುಪುಗಳು ಮತ್ತು ನಿತ್ಯೋಪಯೋಗಿ ವಸ್ತುಗಳು.

ಇದನ್ನೂ ಓದಿ: ಟ್ರಂಪ್ ನೊಬೆಲ್ ನಾಮನಿರ್ದೇಶನಕ್ಕೆ ಕಾಶ್ಮೀರದ ಕನೆಕ್ಷನ್ !

ವಾರಸುದಾರರಿಲ್ಲದ ಸ್ಥಿತಿಯಲ್ಲಿ ಇದ್ದು ಸ್ಥಳೀಯ ಜನರ ಕುತೂಹಲ ಕೆರಳಿಸಿದ ಆ ಸೂಟ್​ಕೇಸ್ ಒಬ್ಬ ಯೋಧನಿಗೆ ಸೇರಿದ್ದಾಗಿತ್ತು. ಕೆಲವೇ ಹೊತ್ತಿನಲ್ಲಿ ಸೂಟ್​ಕೇಸ್ ವಾರಸುದಾರ ಯೋಧ ಸೇನಾ ಪಡೆಯ ತಂಡವನ್ನು ಭೇಟಿ ಮಾಡಿ ಸೂಟ್​ಕೇಸ್ ಮರಳಿಪಡೆದುಕೊಂಡು ಹೋಗಿದ್ದ. ಆತ ಹೇಗೆ ಅದನ್ನು ಕಳೆದುಕೊಂಡ ಎಂಬಿತ್ಯಾದಿ ವಿವರಗಳನ್ನು ಬಹಿರಂಗಪಡಿಸಿಲ್ಲ. (ಏಜೆನ್ಸೀಸ್)

https://www.vijayavani.net/foreign-ministers-of-russia-india-china-to-meet-in-moscow-chinese-foreign-ministry/