ಹೆಲ್ಮೆಟ್​ ಧರಿಸಿ ಹಗಲು ಹೊತ್ತಿನಲ್ಲಿ ಬ್ಯಾಂಕ್ ಲೂಟಿ ಮಾಡಿದ ಶಸ್ತ್ರಸಜ್ಜಿತ ದರೋಡೆಕೋರರು..!

ಸೂರತ್: ಗುಜರಾತ್‌ನ ಸೂರತ್‌ನಲ್ಲಿ ಹಗಲು ಹೊತ್ತಿನಲ್ಲಿ ಬ್ಯಾಂಕ್ ದರೋಡೆ ಮಾಡಿದ ಆಘಾತಕಾರಿ ಘಟನೆ ನಡೆದಿದೆ. ಸೂರತ್‌ನ ಸಚಿನ್ ಪ್ರದೇಶದಲ್ಲಿ ದರೋಡೆ ನಡೆಸಿದ ಘಟನೆ ನಡೆದಿದೆ.

ಇದನ್ನೂ ಓದಿ: ನಕಲಿ ದೇಸಿ ತುಪ್ಪ ತಯಾರಿಸುವವರ ವಿರುದ್ಧ ಕಠಿಣ ಕ್ರಮ: ಐವರಿಗೆ ಜೀವಾವಧಿ ಶಿಕ್ಷೆ

ಈ ಘಟನೆ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಬ್ಯಾಂಕ್ ಆಫ್ ಮಹಾರಾಷ್ಟ್ರದ ವಂಝ್ ಶಾಖೆಗೆ ಹಗಲು ಹೊತ್ತಿನಲ್ಲಿ ಸುಮಾರು ಐದು ಜನರು ಎರಡು ಬೈಕ್‌ಗಳಲ್ಲಿ ಬಂದು, ಬ್ಯಾಂಕ್‌ನ ಕಾಂಪೌಂಡ್‌ನಲ್ಲಿಯೇ ಬೈಕ್​ ನಿಲ್ಲಿಸಿದ್ದಾರೆ.

ಎಲ್ಲಾ ಐದು ವ್ಯಕ್ತಿಗಳು ತಮ್ಮ ಮುಖವನ್ನು ಮುಚ್ಚಲು ಹೆಲ್ಮೆಟ್ ಮತ್ತು ಮಾಸ್ಕ್ ಧರಿಸಿದ್ದು, ಬೈಕ್‌ನಿಂದ ಇಳಿದ ನಂತರ ಅವರು ಬ್ಯಾಂಕ್‌ಗೆ ನುಗ್ಗಿ ಬ್ಯಾಂಕಿನ ಒಳಗಿದ್ದ ಸಿಬ್ಬಂದಿ ಮತ್ತು ದರೋಡೆಯ ಸಮಯದಲ್ಲಿ ಬ್ಯಾಂಕ್‌ನೊಳಗೆ ಇದ್ದ ಗ್ರಾಹಕರತ್ತ ಶಸ್ತ್ರಾಸ್ತ್ರಗಳನ್ನು ತೋರಿಸಲು ಪ್ರಾರಂಭಿಸಿದ್ದಾರೆ. ದರೋಡೆಕೋರರು ಸಿಬ್ಬಂದಿಯನ್ನು ಬೆದರಿಸಿ ಸುಮಾರು 13.26 ಲಕ್ಷ ರೂ. ದರೋಡೆಕೋರರು ಸಿಬ್ಬಂದಿ ಮತ್ತು ಗ್ರಾಹಕರನ್ನು ಬೆದರಿಸಿ ಬ್ಯಾಂಕ್‌ನ ಶೌಚಾಲಯದೊಳಗೆ ಬೀಗ ಹಾಕಿದ್ದಾರೆ.

ನಂತರ ದರೋಡೆಕೋರರು ಕ್ಯಾಷಿಯರ್‌ಗೆ ಲಾಕರ್ ತೆರೆಯಲು ಒತ್ತಾಯಿಸಿದ್ದು, ಅಲ್ಲಿದ್ದ 39,000 ರೂ ನಗದು ಕಿತ್ತಿಕೊಂಡಿದ್ದಾರೆ. ಬಳಿಕ ದರೋಡೆಕೋರರು ನಗದು ಸಮೇತ ಸ್ಥಳದಿಂದ ಪರಾರಿಯಾಗಿದ್ದಾರೆ. ಐದೇ ನಿಮಿಷದಲ್ಲಿ ಇಡೀ ಘಟನೆ ನಡೆದಿದೆ. ದರೋಡೆಯ ಸಮಯದಲ್ಲಿ ಯಾರಿಗೂ ಗಾಯಗಳಾಗಿಲ್ಲ ಎಂದು ವರದಿಯಾಗಿದೆ.

ಇದನ್ನೂ ಓದಿ: ಅಪ್ರಾಪ್ತ ವಯಸ್ಕಳ ಮೇಲೆ ಲೈಂಗಿಕ ದೌರ್ಜನ್ಯವೆಸಗಿದ ತಂದೆ-ಮಗ

ವರದಿಗಳ ಪ್ರಕಾರ, ದರೋಡೆಗೆ ಸಂಬಂಧಿಸಿದಂತೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ಕಳ್ಳರ ಪತ್ತೆಗೆ ತನಿಖೆ ಆರಂಭಿಸಿದ್ದಾರೆ. ಪೊಲೀಸರು ಬ್ಯಾಂಕ್‌ನ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸುತ್ತಿದ್ದಾರೆ ಮತ್ತು ಹೆಚ್ಚಿನ ಮಾಹಿತಿಗಾಗಿ ವಂಝ್ ಪ್ರದೇಶದ ಇತರ ಸಿಸಿಟಿವಿ ಕ್ಯಾಮೆರಾಗಳನ್ನು ಪರಿಶೀಲಿಸುತ್ತಿದ್ದಾರೆ. ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. (ಏಜೆನ್ಸೀಸ್​)

https://www.vijayavani.net/metro-unit-delhi-police-arrests-gang-of-5-women-pickpockets

https://www.vijayavani.net/minor-girl-harassment-by-father-and-son-duo-at-telangana