ಈ ಸೇವೆಯು ಗೂಗಲ್ ಪೇ ಬಳಕೆದಾರರಿಗೆ ಡೆಬಿಟ್ ಕಾರ್ಡ್ ಇಲ್ಲದೆಯೇ ತಮ್ಮ ಯುಪಿಐ ಪಿನ್ ಅನ್ನು ಪಡೆಯಲು ಅನುವು ಮಾಡಿಕೊಡುತ್ತದೆ. ಆದರೆ ಮೊಬೈಲ್ ಫೋನ್ ಸಂಖ್ಯೆ, ಬ್ಯಾಂಕ್ ಖಾತೆ ಮತ್ತು ಆಧಾರ್ ಸಂಖ್ಯೆಯನ್ನು ಪರಸ್ಪರ ಲಿಂಕ್ ಮಾಡಿದರೆ ಮಾತ್ರ ಈ ವೈಶಿಷ್ಟ್ಯವನ್ನು ಬಳಸಬಹುದಾಗಿದೆ. "ಆಧಾರ್ ಆಧಾರಿತ ಯುಪಿಐ ಮೂಲಕ, ಗೂಗಲ್ ಪೇ ಬಳಕೆದಾರರು ಡೆಬಿಟ್ ಕಾರ್ಡ್ ಇಲ್ಲದೆ ತಮ್ಮ ಯುಪಿಐ ಪಿನ್ ಪಡೆದು ಬಳಸಲು ಸಾಧ್ಯವಾಗುತ್ತದೆ. ಯುಪಿಐ ಮುಂದಿನ ನೂರಾರು ಮಿಲಿಯನ್ ಭಾರತೀಯ ಬಳಕೆದಾರರಿಗೆ ತಲುಪುತ್ತಿದ್ದಂತೆ, ಇದು ಇನ್ನೂ ಅನೇಕ ಬಳಕೆದಾರರಿಗೆ ಯುಪಿಐ ಐಡಿಗಳನ್ನು ಹೊಂದಿಸಲು ಮತ್ತು ಡಿಜಿಟಲ್ ಪಾವತಿಗಳನ್ನು ಮಾಡಲು ಅನುವು ಮಾಡಿಕೊಡುತ್ತದೆ ಎಂದು ನಿರೀಕ್ಷಿಸಲಾಗಿದೆ ಎಂದು ಗೂಗಲ್ ಪೇ ಹೇಳಿಕೆಯಲ್ಲಿ ತಿಳಿಸಿದೆ.
